Hayu mersi khapuk Bay Center tilixam

[Dave Robertson]

Qhanchi na lulu makwst na tEnEs-man khapa saltsEqw-ili7i, ixt mun anqati,
wEXt ntsayka lhatwa khapa Bay Center.  

Khapa', Chinuk tilixam Las wawa pus ntsayka chaku pi mEkhmEk khapa ixt Las
ulman-tilixam, Sam P., yaka mimlus-lu7lu.

Nayka tiki wawa hayu mersi khapa khanawi-Laksta khapa', pus palach ntsayka
hayu Lush saltsEqw-mEkhmEk.  Dret phaL tsa kwat'in!

--Dave

To respond to the CHINOOK list, click 'REPLY ALL'.  To respond privately to the sender of a message, click 'REPLY'.  Hayu masi!