Attila's speech

[ualarauans]

And here is my Gothic version (unattested words are marked with *)

[Attila qaþ:]

Afar sigiza swa managaizo þiudo, afar midjungard, jabai gastandaiþ, 
gatamidana, *until domidedjau <izwis> swaswe unweisans waihtais 
waurdam inwagjan. Sokjai þata andizuh niujis *drauhtins aiþþau 
unfraisans harjis. Nih mis binauht ist hva gamainjata qiþan, nih 
izwis skuld ist hausjan. Hva sweþauh anþar jus nibai militon biuhtai 
<sijuþ>? Aiþþau hva gumin swinþamma woþizo þau fraweit handau 
sokjan? Mikila giba <ist> at wistai ahmans *fragildis sadans 
briggan. Anaqimaima nu andastaþi *mundrai: balþizans sind sinteino 
þaiei farand du harjon. Gaqumanaim frakunneiþ missaleikaim þiudom: 
bandwo faurhteins ist gamainduþai driugan. Sai faura *ufarruna 
unsaramma agisa ju dishabanda, hlaina* sokjand, *haugans nimand jah 
<in> seiþjai idreigai in haiþjom tulgiþos usbidand. Kunþa izwis sind 
hvan sijaina leihta Rumone sarwa: frumein jah ni qiþa wundufnjai, ak 
silbin stubjau kaurjanda, miþþanei in tewai gagaggand jah hansos 
<ubuh> *skildugarda gawidand. Jus haifstjaiþ *gastoþaim ahmam swe 
biuhtai, fra-h-kunnandans hansai ize *Allanans dissitiþ, in 
*Wisugutans atdriusiþ. Þaruh uns *adrata sigis sokjan <skuld ist>, 
þarei sik gahabaiþ waihjo. Gamaitanaim þan *sinwom suns liþjus 
*afsliupand nih mag standan leik þammei *baina usnimis. Urreisaina 
ahmans, moþs swikunþs ufarwahsjai. Nu mitonins, *Huneis, nu wepna 
uslukiþ: jabai gawundoþs hvas – andastaþjis dauþu gatilo, aiþþau 
hails – fijande slauhtais gasoþjaidau. Þans *sigizwairþjans ni 
ainohun arhvazno undrinniþ, þans dauþubljans jah in rimisa 
*waiwaurds gadrauseiþ. Bi aftumin duhve *Wodans *Hunins swa 
managaizo þiudo fraujans andhaihait, nibai du þizos haifstais 
fahedai gamanwidedi? Þaþroþ-þan hvas *Aujo wig þaim airizam unsaraim 
ataugida þana swa managos aldins galukanan fulginana? Hvas nauh þaim 
*wepnalausam gakunnan gatawida þans *gawepnodans? Andawleizn *Hune 
ni mahtedun bairan galisanai alamans. Ik ni afairzjada bi þata 
habando gadaban: her akrs ist þanei unsis swa managos ansteis 
gahaihaitun. Fruma in andastaþi *spiuta gawairpa. Jabai hvas magi 
<at> *Attilin weihandin gahveilain <sis> haban, gafulhans ist.

-------------- next part --------------
An HTML attachment was scrubbed...
URL: <http://listserv.linguistlist.org/pipermail/gothic-l/attachments/20070823/0de2ddb4/attachment.htm>