LL-L: "Phonology" LOWLANDS-L, 25.OCT.1999 (06) [S]

[Lowlands-L Administrator]

 =========================================================================
 L O W L A N D S - L * 25.OCT.1999 (06) * ISSN 1089-5582 * LCSN 96-4226
 Posting Address: <lowlands-l at listserv.linguistlist.org>
 Web Site: <http://www.geocities.com/~sassisch/rhahn//lowlands/>
 User's Manual: <http://www.lsoft.com/manuals/1.8c/userindex.html>
 =========================================================================
 A=Afrikaans, Ap=Appalachean, D=Dutch, E=English, F=Frisian, L=Limburgish
 LS=Low Saxon (Low German), S=Scots, Sh=Shetlandic
 =========================================================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
 =========================================================================

From: John M. Tait [jmtait at altavista.net]
Subject: LL-L: "Phonology" LOWLANDS-L, 24.OCT.1999 (03) [E/S]

Anent Andy's speir aboot /z/ an /s/, I wad jalouse at Ron is richt - i.e.
thay'r juist different phonemes. An the orthography is inconsistent richt
eneuch - a consistent ane wad hae the /z/ spelt <z> an the /s/ spelt <s>, sae:

moose /mus/
jalouse /dZ@'lu:z/

lowse (adj) /lVus/
lowze (v) /lVuz/

uise (n) /2s/ ([jIs], [is], etc.)
uize (v) /2:z/ ([je:z], [i:z], etc)

In fact, I'm surprised Sandy haesna breinged in here, cause he wis
suggestin this verra wey o spellin no lang syne!

Coorse, aince ye ken if the <s> is a [z] or a [s] than, like Andy says,
the'r nae bather aboot the vowel afore, cause a vowel afore [s] is aye
short an afore [z] it's aye lang. This is whit wey the'r nae need ti spell
vowel length in Scots. Houaniver, gin ye dinna sinder aither the vowel
lenth or the [s] an [z] in spellin, an ye dinna ken hou ti say the word
aforehaund, ye'r connacht!
I dout, Andy, at the'r nae wey ti expone this - aither ye spell it wi <z>,
or ye'v juist ti lairn hou ti say ilka word. Thare micht be somethin adae
wi verbs whiles haein /z/, but I wadna like ti say exactly whit.

Some weys o spellin Scots - e.g. RWS - haes uised dooble S for the /s/
soond, like mouss/brouse, lowss/lowse, uiss/uise. But naebodie seems ti
dae't consistent-like. The wey we forordinar spell _uiss_ an _uise_ is a
relic o thir kynds o spellins, tho we spell maist ither words juist -SE -
anither inconsistency. But Sandy's wey - gin I hae understuid it richt -
wad be the best.

I dout this is different aathegither fae morphological plural -S, whaur the
[s] an [z] is determint bi whit comes afore, an sae it's no phonemic. Sae,
e'en tho ye wis ti uise <z> spellins in words like _jalouze_, etc, that
wadna mean at ye wad hiv ti uise thaim in words like _dogz_, cause ye ken
it maun hae a [z] soond.

John M. Tait.

==================================END======================================
 * Please submit contributions to <lowlands-l at listserv.linguistlist.org>.
 * Contributions will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
 =========================================================================