LL-L "Place names" 2002.08.19 (04) [LS]

[Lowlands-L]

======================================================================
 L O W L A N D S - L * 19.AUG.2002 (04) * ISSN 189-5582 * LCSN 96-4226
 Web Site: <http://www.lowlands-l.net>, Email: <admin at lowlands-l>
 Rules & Guidelines: <http://www.lowlands-l.net/rules.htm>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: "Friedrich-Wilhelm Neumann" <Friedrich-Wilhelm.Neumann at epost.de>
Subject: LL-L "Place names" 2002.08.14 (03) [LS]

Moin Ron, Leeglanners,

Ron schreev:

> From: R. F. Hahn <sassisch at yahoo.com>
> Subject: Place names
>
> Fiete,
>
> Düütschland as Staat gifft dat je noch nich lang, ook nich dat Dwelen
> twüschen de leeglandschen Rebeden un dat Rebeed, dat wi nu as
> "Noorddüütschland" kennt.  So lang is dat nich her, dat de Minschen
> twüschen Flannern, de Nedderlannen un Noorddüütschland hin un hertrocken
> sünd. Spraaklich un kulturell was dat gaarnich swaar för jüm, was dat
> man een Rebeed, as Noorddüütschland noch nich so verdüütscht was un up
> düsse Wies' vun sien Süsterkulturen in d'n Westen verfrömdt wöör.  In de
> Nedderlannen is Land al jümmers knapp west, un darüm sünd 'n Barg
> Nedderlanners un ook Flamen na Oosten to trocken un hebbt jüm ehr egenen
> Dörper anfungen, t.B. Fredrikstadt (Friedrichstadt) in Sleswig-Hulsteen,
> Gemenen in't Ole Land an de Nedderelv', üm Berlin rüm, ook in d'n
> feernen Oosten.  De Vörvadders vun de Mennoniten kemen ook uut de
> Nedderlannen na Oosten, wiel dat de "Hollanners" jüm vunwegen jüm ehr
> Religioon nastellen.
>
> Kumpelmenten,
> Reinhard/Ron

Joo, Ron, DAT versöök ick jümmers, mien eigen Göörn un' Frünnen, aule
und'
junge, tau verkloorn. Bi de Jungen geiht dat woll, de waard weller
Europäers, oobers de Aulen...! In jemme Köpp' hett sick in de kotten un'
unselig' Tieden von de "Nationalstaaten" sau veel Undüügs un'
Öddelkrooms
soomelt, dat kannst' meist ne weller "rein mooken".

Nu' mien Froog:

>...dat Dwelen twüschen ...

Watt meent dat? "Dweilen" (Verb und Substantiv) kennt wi hier as
(hauchdüütsch) "Schlingern", "in Schlangenlinien bewegen" (wenn einen
duhn
is). Meinst Du door'n (hauchdüütsch) "Grenze" ("dweilt" ook jo
mennichmool!)
mit?

Kumpelmenten

Fiete-

----------

From: R. F. Hahn <sassisch at yahoo.com>
Subject: Place names

Moin, moin, Fiete!

Nee, dat Woord hett keen Diphthong; dat hett 'n lang /ee/ [e:] ~ [E:],
schreven _dwelen_ or _dwälen_, un dat kann in 'n paar Dialekten ook
_twelen_ or _twälen_ sien.  Dat is 'n lütt beten ooldbacksch un bedüüdt
"trennen", "abzweigen", "een vun d'n annern afgahn," sachs mit _Tweel_
'Astgabel' (fork of a branch) verwandt.  Tomehrst kümmt dat mit "sik"
vör (t.B. "De Stroom dweelt sik an d'n Barg').

Kumpelmenten,
Reinhard/Ron

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================