LL-L "Orthography" 2002.11.05 (02) [S]

[Lowlands-L]

======================================================================
 L O W L A N D S - L * 05.NOV.2002 (03) * ISSN 189-5582 * LCSN 96-4226
 Web Site: <http://www.lowlands-l.net>  Email: admin at lowlands-l.net
 Rules & Guidelines: <http://www.lowlands-l.net/rules.htm>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 You have received this because you have been subscribed upon request.
 To unsubscribe, please send the command "signoff lowlands-l" as message
 text from the same account to <listserv at listserv.linguistlist.org> or
 sign off at <http://linguistlist.org/subscribing/sub-lowlands-l.html>.
=======================================================================
 A=Afrikaans Ap=Appalachian B=Brabantish D=Dutch E=English F=Frisian
 L=Limburgish LS=Lowlands Saxon (Low German) S=Scots Sh=Shetlandic
               V=(West)Flemish Z=Zeelandic (Zeêuws)
=======================================================================

From: John M. Tait <jmtait at wirhoose.co.uk>
Subject: LL-L "Orthography" 2002.11.03 (06) [E/S]

Andy wrate (quotin mysel):
>
>> Pronunciation and Spelling of Scots Vowel Phonemes.
>>
>> / / - Underlying phonemes (of Scots seen as a whole)
>> [ ] - Broad phonetic approximations
><sned>
>> /e/ - as SSE gate, with some dialect variation (such as NE 'steen',
stane,
>> and 'wyle', wale).
>>
>> Spelt A-E, e.g. hame, stane, wale.
>
>A jalouse ye ken this oniewey but A thocht A'd gie it a mention for thaim
>that mebbes disna.
>Taen that a bodie wis willint tae follae the 'convention' abuin ye can pynt
>oot that the cluster ANE is pronounced
>/i/ in the NE e.g. ane, ance, bane, gane (pt. o gae) stane etc.
>
>The NE diphthong /Ei/, sae faur as A coud feegur (siclike is aiblins ayont
>ma ken;-), for ordinar kythes in wirds that micht be written wi AE, A-E or
>AE in general Scots efter /w/ an a daurk /l/. This diphthong micht kythe
>efter ither consonants an aw e.g. claes, gape, plate, wade, wait, wale, an
>wame etc. Its fund in antrin wirds that for ordinar haes /i/ or /e/ an aw
>e.g. heeze, squeal, taen (pt. tak), weak, weave an wheat etc.
>
>Unfortunate-like A coudna feegur onie wey o predictin thon for tae mak a
>'rule' wi a list o exceptions.

Me naither. I hinna haurd it in _plate, taen, weak, whear_, but thare'll be
regional variations, as weel as the deein oot o the auld pronunciations.
>
>> EE - e.g. neep, greet, reek, eediom, speerit
>> IE typically before CH, R, V, L(D) and ST - e.g. driech, spier, scrieve,
>> bield, chiel, niest.
>
>Pittin IE afore ST is new tae me, A ran throu ma dictionar efter the
>clusters EIST an IEST an come up wi the follaein:
>leister (CSD leister), neist (CSD neist, neste), sneist (CSD sneist, snist)

Aye - but gin ye spell thae words wi EI, ye'r daein awa wi the sinderin
atween the EI/AE (heid, maet) an the EE/IE (weet, spier) phonemes, an the
diaphonological advantages at gangs alang wi spellin thaim different. I
think it's mair important ti sinder thae phonemes nor it is ti follae
tradeetional spellins o indiveedual words, speecially whan ye dinna need ti
alter monie. Coorse, ye coud uise EE for thae words - neest, etc.
>
>> OU - e.g. doun, fouth, fou, hou
>> OO where the English cognate has OU pronounced 'ow', e.g. hoose, moose,
>oot,
>> oor.
>
>A jalouse ye ken this an aw but (ruit) final OU/OO is diphthongized tae
/Vu/
>in Soothren Scots.

Aye. I dinna ken hou it wad be possible ti inhaud this in onie aa-Scots
spellin, forby aye ti uise OU at the end o wirds, at Sooth Scots fowk wad
finnd aesier ti say [Vu] nor thay wad <ou>.

John M. Tait.
http://www.wirhoose.co.uk

==================================END===================================
* Please submit postings to <lowlands-l at listserv.linguistlist.org>.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to <listserv at listserv.linguistlist.org> or at
  <http://linguistlist.org/subscribing/sub-lowlands-l.html>.
 =======================================================================