LL-L "Orthography" 2002.10.28 (11) [S]

[Lowlands-L]

======================================================================
 L O W L A N D S - L * 28.OCT.2002 (11) * ISSN 189-5582 * LCSN 96-4226
 Web Site: <http://www.lowlands-l.net>  Email: admin at lowlands-l.net
 Rules & Guidelines: <http://www.lowlands-l.net/rules.htm>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 You have received this because you have been subscribed upon request.
 To unsubscribe, please send the command "signoff lowlands-l" as message
 text from the same account to <listserv at listserv.linguistlist.org> or
 sign off at <http://linguistlist.org/subscribing/sub-lowlands-l.html>.
=======================================================================
 A=Afrikaans Ap=Appalachian B=Brabantish D=Dutch E=English F=Frisian
 L=Limburgish LS=Lowlands Saxon (Low German) S=Scots Sh=Shetlandic
               V=(West)Flemish Z=Zeelandic (Zeêuws)
=======================================================================

From: Colin Wilson <lcwilson at btinternet.com>
Subject: LL-L "Orthography" 2002.10.27 (10) [S]

At 06:26 28/10/02, Sandy Fleming wrote:

>1. Colin (A think) haes tried tae follae dictionars like the
>SND an CSD. The spellins in thame's aa tae crockanition, tho
>A'm shuir Colin's managed tae pit some order on the chaos for
>his beuk (an thare a example o ae differ - Colin writes <buik>
>lippenin tae the dictionars an certain historical uises, while
>A write <beuk> tae better shaw the modern soondin o the wird).

Sandy's richt on aw coonts there. Hou muckle "order" A'v pitten
on the maitter, A dinna ken, bit it's likelie nae muckle. A'll
mebbe jist say agane whit A'v tellt fowk at the beginnin o the buik,
that the main ettle ahint the written Scots in it is tae be a wey o
pittin ower the spoken material, nae for it tae be (y)uised as a
foond for the reader's ain written Scots.

>2. Colin writes a <y> afore wirds like <yuize> - this aye
>surprises me cause A soonds this <y> (/j/) in ma ain dialeck
>but A wadna thocht a Buchan man like Colin wad a soondit it!

Gin A wis fae Buchan A'd suin agree win Sandy here - still, A'm
fae Deeside, aboot thertie mile tae the sooth, an even ower that
distance there's differs atween the wey some wirds is pronoonce't.
Maist times A'd pit the "y" soond in - A michtna, gin A wis wi
haein a lang speik wi somebodie fae further north an hearin the
wirds wi'oot it, an drappin the "y" micht "rub aff" on me for a
whilie.

For aw that, it's true that A spellt the wirds wi a "y" jist cause
thon's whit the CESD gies, an A tried tae bide wi hit as faur as
A cud dae. Truth be tellt, A think they luik better wi'oot it.

In the bygaun, A'm richt interestit tae see the Luath Scots
Language Learner comin intae the cantations here, an A'm gled o
the kind things that's been said aboot it.

Guidwull tae aw,

Colin Wilson.

----------

From: R. F. Hahn <sassisch at yahoo.com>
Subject: Orthography

Colin:

> In the bygaun, A'm richt interestit tae see the Luath Scots
> Language Learner comin intae the cantations here, an A'm gled o
> the kind things that's been said aboot it.*

Ay, Colin, A dout (lernin fae Sandy!) at's jist the stert o it.  Hoo dae ye
say "You created a monster" in Scots?  (Weel, it's a wee onbeastie yet;
still an on it's awfie fashious auready, is ye can see.)

Regairds,
Reinhard/Ron

* Wilson, L. Colin (2002): The Luath Scots Language Learner,
  ISBN 0 946487 91 X, with CDs (ISBN 1 84282 026 5 CD RRP);
  Edinburgh (Scotland): Luath Press
  (http://www.luath.co.uk/book/language_scotslearner.htm).
  It's rare!

==================================END===================================
* Please submit postings to <lowlands-l at listserv.linguistlist.org>.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to <listserv at listserv.linguistlist.org> or at
  <http://linguistlist.org/subscribing/sub-lowlands-l.html>.
=======================================================================