LL-L "Etymology" 2007.04.11 (03) [LS]

[Lowlands-L List]

L O W L A N D S - L  -  11 April 2007 - Volume 03

=========================================================================

From: "M.-L. Lessing" <marless at gmx.de>
Subject: LL-L "Etymology" 2007.04.10 (02) [D/E/LS]

Leve Arend, Rikus & anner Lowlanders,

also dat "mekaar" würklich "met elk ander" is, lücht mi in un maakt mi
tofreden. Avers dat min Bentheimer Maat mi seggt, bi em tohuus sä een sowat
Unökonoomsches as *an mekaar* = aneinander, *ut mekaar* = auseinander, *döör
mekaar* = durcheinander un sogoor *met mekaar* = miteinander (!), dat gifft
mi ja nu to denken, wat den Verstand vun de Bentheimers angeiht :-)) Man
Lowlands-L lett een ja nienich in'n Stich, wenn dat üm vigeliensche Fragen
geiht; un Arend hett hier de Anter al geven, dücht mi: dat mutt de "Bentheimer
foezel" ween!! Bloots ünner sin Influss kann sik "met mekaar" = "met met elk
anner" bildt hebben ;-)) Gifft dat anner Bispelen vun alkoholischen Influss
op de Etymologie?

Danke, Arend & Lowlanders!

Marlou


De "Bentheimer foezel" w? vrogger nog al riegelmaotig naor Drenthe en
aandere contreien in-evoerd.

't Mut een soort jen趥r weden.

Goodgaon,

Arend Victorie

----------

From: R. F. Hahn <sassisch at yahoo.com>
Subject: Etymology

Leve Marlou,

Geern wull ik wat spijöökschen Snack bigäven, man nu mutt ik de armen
Benthemer "Frassen" (Franko-Sassen) deffendeern.

De Etymologie vun 'n Woord kann "transparent" or "opaque" sien. Wenn 't
"transparent" is, denn kann de "normale" Spräker daar dörchkieken; he wäät,
'nääm dat Woord vun afkeem. Wenn 't "opaque" is, denn kann de "normale"
Spräker daar *nich* dörchkieken; em liekt dat tomehrst as 'n egenstännig
Woord.

Ik kann Di daar 'n paar Bispääln vun gäven:

   1. bavenan
   (< baven an) transparent
   2. mitenanner ~ mit'nanner
   (< mit een anner) transparent
   3. œverhen
   (< œver hen) transparent
   4. tohoop
   (< to hoop < to hope) transparent ~ opaque?
   5. tosamen
   (< to samen, cf. ingelsch same) opaque
   6. wokeen ~ 'keen
   (< welk een) opaque
   7. wonääm ~ 'nääm
   (< waar näven) opaque

Mi dücht, dat Woord "mekaar" is nu in't Bentheemsche "opaque". Daar wägen
kann dat nu up egenstännige Aard un Wies' bruukt warrn, ook mit "mit", wiel
dat 't "mit" binnen in't Woord in de Etymologie nich apenbaar is.

Is Di dat 'n Verklaarn?

Grötens,
Reinhard/Ron
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070411/fb7b59be/attachment.htm>