LL-L "Language politics" 2007.06.15 (03) [LS/German]

[Lowlands-L List]

From: "enno-ut-bremen at nord-com.net " <enno-ut-bremen at nord-com.net>
Subject: Anter op "Language politics"

To Jonny sien hoogdüütschen Bidrag:
"Ortsschilder, auf denen der niederdeutsche Name sich vom Hochdeutschen nur
in zwei Buchstaben unterscheidet sind leider ein weiterer Schritt, uns
Plattdeutsche ins Lächerliche, bestenfalls 'Niedliche' zu ziehen. So denken
jedenfalls hier die 'Alten', die allerdings zuweilen auch Gefahr laufen,
sich in einer Märtyrerrolle zu sehen."

Ik kann jo den Frust verstahn, man wat Du oplest schreven hest, daar
kann ik nich tostimmen.

Jedeen, de us Spraak (un ok de Kultur, de daar achter steken deiht)
wieter drieven wüll, mutt den Kopp een beten wat hoog drägen, meen ik!
?un nich ducken, so as freuher (un vandaag) so veel!
In de verleden Tied woorn de Plattdüütschen anschients jümmer denn
bannig wat bang, wenn dat wat to schrieven geev; Platt weer bloot to?n
schnacken daar. Man vandage weet wi, op düsse Aart woor dat jümmer
minner. De Lüüd hebbt dat hennahmen, dat us Platt bloot een primitiven
Dialekt nöömt woor, de bi wichtigen Angelegenheiten nix to mellen hett.

Wi mööt doch us Spraak eernst nehmen, un dat se villicht een beten wat
van offedschellen Katarakter kriggen deiht. Un wenn bi?n Anfang een
paar dösige Oordschillers mit daar to höörn, denn maakt wi dat doch
eerstmaal, meenst Du nich ok? Wi schrievt wat hen, direktemang an de
Straat, dat hett denn al wat to bedüden.

Schietegaal, wenn?t af un an bloot twee Bookstaven sünd! Ik segg maal,
dat wi bi Bremen nich nomool ?Bremen? op platt daar mit ünner backt,
dat is klaar (?höög-), denn fangt wi eben eerstmaal mit de Naams an,
de op hoogdüütsch bannig wat anners as op hoog sünd.
Wat is mit de Quakeree, wi schallt denn de Naams van de Steden mit
plattdüütschen Naam na hoogdüütsch hen översetten? Wuso NICH? Schriev
doch Dude's(!) Bezirk (op düütsch bitte ahn Apostroff) oder
Buchengestade in Klampen daar ünner, dat is doch kandidel un wiest
akraat? Sülvstvertroon, oder nich?! Butendem weet de Tourist denn ok
glieks, wat dat bedüden schall. Ja, un Agathenburg kannst Du doch ok
vandag no na Lieth ümme nömen, lett doch geil! Laat us doch maal
driest ween!!! Un wuso schall de plattdüütsche Naam op?t Schild
överhaupt lütter ween as op hoog?

Dat Schillers nich recken doot, dat weet ik ok.
Schnacken reckt nich,
Plattdütsche Narichten in?t Radio, eenmal 5 Minuten an Dag wiss ok nich,
Ok een beten Folklore is nich noog, so as bi den klassischen
plattdüütschen Speeldeel.
Un daar reckt ok nich ?Hegen un Plegen?, so as de Fehrs-Gill dat
jümmers seggt (de bilangenbi seggt, ehr Tohuus-Siet jümmer no op
hoogdüütsch föhren deiht).
Ok langt dat nich, dat dat INS mit sien Wetenschaplers in sien egen
Supp dümpelt.
Een handvull Plattdütsche Sieten in?t Buten-Nett reckt ok nich
(ofschoonst dat echt mehr is as wi jemaals vördem harrn).

Man allens tohoop hölpt us een beten wieter. Un dat warrt jümmer mehr.
Daarüm bün ik vör de tweesprakig Oordschillers.

Achteran:
Schriev doch bitte nich op Geel wieter, ik maag lever OP platt lesen
oder parleern, un nich över platt?ok nich, wenn?t maal vigeliensch
warrt.

Allerbest Gröten
Respekt an all Lüüd hier in de List
Enno

----------

From: Helge Tietz <helgetietz at yahoo.com>
Subject: LL-L "Language politics" 2007.06.14 (02) [German]

Leve Jonny

Du schriffs:

"Ortsschilder, auf denen der niederdeutsche Name sich vom Hochdeutschen nur
in zwei Buchstaben unterscheidet sind leider ein weiterer Schritt, uns
Plattdeutsche ins Lächerliche, bestenfalls 'Niedliche' zu ziehen. So denken
jedenfalls hier die 'Alten', die allerdings zuweilen auch Gefahr laufen,
sich in einer Märtyrerrolle zu sehen."

Dat giff wul woelk de dat so seht aver bi de luet de ik kenn in Wistedh
schall ni een so dinken, vlich aver is dat ja ok anners suedli vun de Elv as
noerdli daarvun. Un so gau schass wul ok keen nedderduetschen Doerpsnaam in
Neddersassen sehen denn blot Sleswig-Holsten woell dat, wenn ji dat albern
find in Neddersassen, denn laat ji dat na, dat scheert ons nix. Siet de
annektering vun Ostduetschland heb wi al lang de indruck dat wi vergeten
worden suend in SH un daardoer dat wi een offizielle daensche un friske
minderheet hebb pass dat ja ok ni richti bi "einig vaterland". Aver langsaam
heb de luet genug darvun un een groot-duetschland is to groot un to
uennerscheedli as dat de luet sik darmet no identifizieren kuennt. In een
"globalizing world" soek de minschen doch meer un meer ok naa de wuddeln un
een identitaet un een form daarvun is regionalismus. De gefaar is natuerli
dat dat to extreem ward un to diskrimineering foert aver so lang is dat no
lang ni un in moment suend wi no darbi de rechte foer minderheeten de lang
genug uennerdrueck un laecherli maak warrn to stoetten. De Doerpsschiller
suend daar een bispeel.

Un denn schriffs du over een kuenstli plattduetsche spraak, ik kenn een
spraak de no veel kuenstliker is: Hochduetsch! De utspraak vun't Hochduetsch
baseert op Hannover wat egentli sassisch snack haett!  Egentli schull
Hochduetsch so utspraaken warrn as in Meissen, Obersachsen, deen daar is dat
so schreven worden un so haett Martin Luther snack! Luther soelvens haett no
foer een neddersassische Bibel-version sorgt! He wull ni dat all de luet
"geel" snack aver de aristokratie in Nordduetschalnd haett ons dat ja
optwungen.

Jonny, ik woell di no wat vertellen: As ik voerig jaar in Rendsborg in een
restaurant seten dee seet daar een familie gegeneover de plattduetsch
uennereenannern snacken dee. Doch de soen un de dochter waern so still, ik
kun seen se schanieren sik daarover plattduetsch to snacken. Ik waer benaah
roevergaan un har eer segt sik ni to schanieren un stolt to ween un dat se
no wat kuennt in eer leeftid wat annere al lang ni meer kuennt: de ole
spraak snacken! Un se schullen man aftoeven, in vlich tein jaar warrn se
veel geld darmet verdeenen annere luet de ole spraak wedher bitobroengen!
Doch ik dach denn, ik bruk dat garni daan, dat kuemmt vun soelvens, ik boen
mi seker! Un foer duesse familie schall dat wat bedueten wenn daar ok
"Elsdoerp-Westermoelen" op Doerpschild steit!

Aver, Jonny, du haest ja ok ni gaanz unrecht un ik kann din frustaration ok
begriepen, doch laat di man ni uennerkreegen un wi bruk juemmers luet de
anners dinken un kritisieren, dat hoert darto!

groeten, Helge

Af un to veraennert doch wat un ik har ni reek dat de Regering uenner H.P.
Carstensen een Steen int rollen broeng aver man to! Se heb ja ok all eerder
besloten de Gesamtschool oeverall intofoeren naa dat skandinavsche modell,
dat har ik ok ni dach dat de CDU in SH sowat mol uennerstoeten schall, aver
so aennert sik de tid!
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070615/4eb3eac8/attachment.htm>