LL-L "Language varieties" 2007.09.10 (01) [LS]

[Lowlands-L List]

L O W L A N D S - L  -  10 September 2007 - Volume 01
Song Contest: lowlands-l.net/contest/ (- 31 Dec. 2007)
=========================================================================

From: jonny <jonny.meibohm at arcor.de>
Subject: LL-L "LGrammar" 2007.09.08 (02) [LS]

Beste Soenke,

dat is inter'santen Kroom:

*Anners is dat söden dat "Kleev", de ole Geestkant langs de Elv ehr
Iestietdaal, un rund Büsum, wat maal 'n Eiland ween hett. Man dor hett't
wull ook 'n goot Deel freesch, hollannsch un anner "butenlannsch"
Inwannern geven, as dat Naamsforschers rutfunnen hebbt. Mag ween, disse
**Lüüd hebbt dor in de Spraak wat Sporen laten.*
Joo- dat is mi all touvoyr opp-full'n, wat ick 'n annern Dithmarscher
Regiolekt as Diin' kennen douh.

Wii koomt faoken mit (Bouts-)Lüü' van Marne, Neufeld u.s.w. to-houp, un jem
ehr Neddersassisch is meist jüst sou as bii ons. Un wii hebbt hier in Hadeln
un Kehdingen ouk no miin Meen' 'n goud Deyl frees'schen, loater ouk
Nedderlannschen Influss 'rin-kreegen.
Ick gloyv, de Besedelung in dat Our-Stroom-Daol van de Elv is opp beid'
Siiden van de sülbige Aort ween- 'n Mengsel van Sassen un Freesen, un wat
laoter, woll van't 12, 13te Eeuw opp an, denn ouk de 'hollannschen'
Kolonisten, de de Arkbischöpp van Bremen hier rin-holt hebbt.

Koomst' hier denn wat wiiter no de Süüd, opp de Geyst, find'st ouk foors 'n
annern Tungen-Slag- meist weller dichter an Diin Snacken.

Allerbest!

Jonny Meibohm
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20070910/e0f2a174/attachment.htm>