LL-L "Media" 2008.04.17 (05) [LS]

[Lowlands-L List]

=========================================================================
L O W L A N D S - L - 17 April 2008 - Volume 05
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page.
=========================================================================

From: Marcus Buck <list at marcusbuck.org>
Subject: LL-L "Media" 2008.04.17 (03) [E/LS]

Tjo, he harr mi na en Bild fraagt un ik harr keen good Bild bi'e Hand. Un
denn hett he woll Google ansmeten un dit Bild funnen. Dat is, glööv ik, so
temlich dat eenzige Bild vun mi, dat een mit Google finnen kann. Hett he
also vun de Websteed nahmen, is dormit ok noch en Urheberrechtsverletzung,
wenn wi dat ganz nipp un nau nehmt. Nu bün ik op dit Bild in dit ulle
Kostüm. He müss sik also wat infallen laten, "Wie erklär ich dem Leser, dass
der Kerl mit der dämlichen Mütze rumläuft? Der Leser wundert sich ja, wieso
ich dieses Bild vom 'Rolandfest' benutze. Och, das passt doch ganz gut
zusammen, oder? Plattdeutsch und Mittelalter, das haut hin. Und dann schreib
ich einfach noch dazu, dass er ein 'Faible für historische Kostüme' hat.
Jau, das passt!"
In mien ganz Leven heff ik blot een Dag, egentlich blot een Namiddag, en
historisch Kostüm anhatt. (Wenn wi dat ene Maal Fasching nich mittellt, as
ik as Robin Hood gahn bün...) Vun 'Faible' wied weg, ik weer froh, as ik ut
dat alverne Kostüm wedder rut kunn.

Is ja an un för sik keen grote Saak, mien Gott, he hett ja nich schreven,
dat ik mi an lütte Kinner vergriep, aver dor is doch so'n lütten 'spin' bi,
de dat so'n beten verdreiht...
Dat wiest mi op jeden Fall mal wedder, dat wi all oppassen mööt, dat wi dat,
wat in'e Bläder steiht, nich to eernst nehmen dröfft. De Journalisten
schummelt geern mal. Ik kann ja froh wesen, dat ik nich mit de Bild-Zeitung
snackt heff...

Marcus Buck

From: R. F. Hahn <sassisch at yahoo.com <mailto:sassisch at yahoo.com>>

> Subject: Media
>
> Leve Marcus,
>
> Dat is normal so. De mehrsten Journalisten hebbt al 'n Bild un 'n Plaan
> in'n Kopp, un se schrievt denn allens up den Dreih na jüm her Mœg', eendoont
> wat Du seggst. /Fait accompli/, wenn 't al ünner de Lüüd' kamen is.
>
> Verläden Jahr wull hier een Journalist wat œver mi schrieven. Ik harr ehr
> vördem allens nipp un nau verklaart, ook wat ik nich wull, dat se schrifft.
> Bi't eerste Interview harr ik dat nochmaal verklaart. In't sülvige Interview
> un in de twee lateren fröög' se denn glieks, wat ik ehr jüst sääd', wat ik
> partu nich up antern wull un wat ik nich wull, dat se œver schrifft. Un denn
> mark ik Müüs', dat se al den Kraam verdreiht harr, den ik ehr al paarmaal
> vertellt harr. Bi't drüdde Interview stünd ik den up un sääd': "That's it. I
> consider this a failed exercise. Please stop pursuing this story." Un denn
> stüür ik ehr noch 'n Mail mit düsse Order to. Dat dääd' ik, wiel dat ik al
> tovör lehrt harr, wat bi Interviews un Artikeln faken ruutsuurt.
>
> Lehrst nie nich uut, kann 'k Di seggen.
>
> Kumpelmenten,
>
> Reinhard/Ron
>
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20080417/83eca159/attachment.htm>