LL-L "Language use" 2008.03.21 (04) [LS]

[Lowlands-L List]

=========================================================================
L O W L A N D S - L  - 21 March 2008 - Volume 01
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page.
=========================================================================

From: Utz H. Woltmann <uwoltmann at gmx.de>
Subject: LL-L "Language use" 2008.03.21 (01) [LS]

Helge Tietz schreef:

> Geit dat hier oever de wahlen in Hamborg an de Elv? Ik wuess gaarni
> dat dat een Friesche Partei in Hamborg giff! Hamborg is doch nuems
> Friesch wes liggers wul een barg Fresen dar voendaags waanen denn in
> Hamborg fins arbeit! Traditionel giff dat keen richti Frische partei,
> Sydslesvigs Valgforeningen, de partei vun de Daensche minderheit in
> Sleswig-Holsten, seggt dat se ok de National-Fresen representeren. In
> Nordfriesland soelvens giff dat twee Fresenvereenigungen, de een meer
> Duetsch gesinnt, de anner meer Daensch gesinnt (dat suend dee de ok bi
> SSV aktiv suend), de letzten tein jaar suend aver de twee
> vereenigungen wedher een beten dichter tosaam komen. An ind is Duetsch
> un Daensch all bee "utlaendsch" un wenn man no een beten vun de egen
> kultur un spraak beholen woell mutt man wul beter tosaam wirken. So
> wiet ik dat weet giff dat keen politische vereenigungen de sik alleen
> foer de nedersassischen belangen un frieschen belangen in
> Nordduetschland insett.
>
Beste Helge,

man nee, dat geiht nich in Hamborg, sünnern üm Neddersassen, sünnerlich
üm Oostfreesland.

Achteran heff ik mol de Hauptutsagen vun de Partei 'De Freesen' kopeert.
Wi könnt dor ja mol över snacken:

"Söven Thesen van d' Freesenpartei:

1. Wi sluten uns tosamen, to'n freeske Partei mit dat Weten van de
besünner freesk Kultur, de Spraak, Geschicht un de Tradition van uns
Freeiheid; uns daarup upbauende freesk Egenheid, de starker is as de
düütske Staatsto-gehörigheid. Wi willen weer mehr Verantwoorden för de
Verloop van uns freeske Kuntrei övernehmen; mehr as dat de Freesen in de
lesde Jahrhunnerten mögelk weer.

2. In't 21. Jahrhunnert verlesen de Nationalstaaten an Bedüden dör de
wiedergahnde europäiske Inbinnnen van de Regionen. Wi stahn för en
beterde un engere Tosamenarbeid mit Noord- un Westfreesland daarmit de
Freeslannen in Europa mehr Gehör finnen; un dat hoogste Maat an
Autonomie un Sülvstbestimmen.

3. Wi treden daarför in, dat sük de freesk Weerten in de Sellskup van
vandaag un in dat politisk Hanneln weerfinnen: Freeiheid van elkeen;
freeie Menen; Verantwoorden van de enkelde Minsk för d' Gemeenskupp un
annersum; Sülvstorganiseren van d' Gemeenskupp.

4. Van disse Bild van d' Sellschkupp ut stellen wi disse Förderns för
uns Kuntrei: wat in d' Kuntrei klaarmaakt worden kann, sall ok vör Oort
regelt worden. Wi willen de Solidarität in uns Sellskupp fördern und ok
de wirtschaftliche Weddbewarv vörandrieven.

5. Verännern hört to dat Leven van de Minsken. Man wi sallen daar
alltied up achten, dat bi dat Verännern uns Histoorje un Tradition
uttomaken is.

6. För de Fördern van de Kuntrei gellt in Tokunft uns Doon de Fördern
van een "sacht Tourismus up freeske Aard"; natürelk Buurkeree; Up- un
Utbau van regional
„Wertschöpfungsketten"; utklamüsern van Bestecken för 't Ansiedeln van
innovativ "High-Tech Industrie"…

7. De Kuntrei mutt vörutkomen in't Rebeet van d' Infrastruktur; vör
allem Utbau van öffentliche Verkehrsmiddels und Schuul van d' Küst und
Natuur. Tosamenfaten: Dat Gründen van en Partei bedüdt neet dat
Torüggtrecken ut de Gesprecken un Tosamenwark mit anner Krings, man dat
Tegendeel: dat Gründen van de Partei sall de (oost-)freeske Egenbelang
mehr in d' Middent van d' Sellskupp stellen. Elk un een is daarbi
hartlik willkomen. Dat leevt Fresendom is neet utgrenzen, man dat
Angebood un Inladen för de Wettstried um de beste Weg."

http://www.die-friesen.eu/friesen/platt/oever_uns_platt.html

Wat mi besünners toseggt, dat is dat  Foddern vun en Ünnerricht in
Neddersassisch in Kinnergaarns un Scholen (up de sülbige Siet):

"Erhollen van uns ethnische un spraaklike Besünnerheiden dör dat groter
Insetten van uns plaatdütske Spraak in uns Kinnergaarns un Scholen un de
Stön för de Institutionen, de all siet enige Jahren in disse Rebett warken."

Mit heel fründliche Grötens
Utz H. Woltmann
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20080321/9248fd12/attachment.htm>