LL-L "Lexicon" 2009.03.23 (03) [LS/German]

[Lowlands-L List]

===========================================

L O W L A N D S - L - 23 March 2009 - Volume 03

===========================================



From: "Hannelore Hinz  <HanneHinz at t-online.de>

Subject: letzte Fortsetzung LL-L "Lexicon" 2009.03.22 (03) [LS/German]



*Mi dücht', dit künn för de Mannslüüd gellen ...*



Literatur: s. Scheltnamen Frauen



*De Pfiffkopp*



Dat is 'n Pfiffkopp, 'n Kluftkopp, 'n Klüsterkopp, de is künnig, de is
dörchsichtig : scharfsinnig.

Dat is 'n Schriftgelihrten, de hett Kopps, Gripps, de hett väl Pli.:
Verstand, Intelligenz.

De hett Luft in'n Kopp, de is hellschen: lüftig, höllisch.

De hett Witz in 'n Kopp, dat meist is oewer Rotz (Snappen: Schnupfen).

Weg hett he wat, wenn ok man von 'n letzten Frost.

De hett mihr in 'n lütten Finger as wi in 't ganz Lif.

Wenn de an de witte Wand kickt, denn weet he mihr, as wenn de annern all ehr
Böker vör sik hebben. De kann wit oewerkiken. De kann dörch 'n Brett kiken,
wenn dor 'n Lock in is. De is klok as 'n Heister (Elster), as 'n Ilk
(Iltis), as 'n dänsch (dänisches)

Pird, as 'n Crivitzer (Ort vor Schwerin), as hunnert Mann, as soeben Dummen.

De is so klok as de Ul achter de Auk (Raum unter dem Dachsparren). De is so
klok as 'n Imm (Biene), will ut 'n Pirkoetel Honnig sugen.

De is klöker as 'n Afkat (Advokat, Rechtsanwalt im Vergleich). De klöksten
Afkaten gahn hinner den (sprich denn) Haken (Pflug).

De is foßklok (klug wie der Fuchs), buernklok (klug wie der Bauer),
daglöhnerklok (klug wie der Tagelöhner).

De is plitsch (listig, schlau, gewitzt), de kann ut 'n Hunn'koetel 'ne Fläut
maken. De weet, woväl Klümp (Klöße) in en Fatt Mähl sitten. De kennt de O
vör de U.

Dat is 'n Sluser (ein Gewitzter, ein Gerissener auch Durchtriebener), 'n
Slus'kopp,

Slus'peter, Slus'uhr. Dat is richtig 'n utdragen Kind. De hett richtig
utstudiert. Dat is 'n hellhürigen, 'n losen Hund, dat is 'n ganzen
Sünndag'schen.

De is ok nich von gistern - den'n  lat man krupen, - de 's ok von lütt up
hier in de Welt wäst, - de is mit alle Weegen (Wiegen) weeg't, - de is mit
alle Hunn' hitzt, mit 'n Schulten (Dorfschulze, Syn. Burmeister
...Bürgermeister) sin Täw' (Hündin) tweemal.

De hett't in sik as de Zäg' (Ziege). De hett't fustendick achter de Uhren
(faustdick hinter den Ohren), -  den'n is de Näs' heil dünn, - de is tweemal
dörch de Näs' bohrt.

De hett mihr lihrt as Tüfften (Kartoffeln) buddeln (graben, in der Erde
wühlen), - de kann mihr as Brot äten, - de hett dat Baßblasen lihrt, - de
kann 'n nakten Apen von achter to in de Bücks langen, - de weet, wat de
Klocken lürren (Glocken läuten), - de weet mit kakt Äten (mit gekochtem
Essen) ümtogahn.

Wer denn'n för dumm köfft, de ward bedragen (de gifft sin Geld ümsünst), -
de den'n för dumm höllt, de is alleen nich klok. Wer den'n fangen will, möt
tidig upstahn. Wer den'n anführen will, möt ihrer upstahn, ihrer de Düwel
sin Schoh anhett.

Plitsch (listig, schlau, gewitzt) möt man sin, klok sünd all Lüd'.



*Musche Nägenklok*

De is oewerklok, inklok, binnenklok; de is hellschen nägenklok (neumalklug,
naseweis, vorlaut).

Dat is 'n Klökling, - 'n klok Venuskind, - 'n klok Küken, - 'n Kloksnut.

De hett de Weisheit mit 'n Läpel äten (ik meen oewer de dick Melk).

De hett all dree Dag' vörher up't Dack säten, ihrer he (ge)buren is.

De is so klok, wenn he up 'n Teegelsteen steiht, kann he de Ul in'n
Hinnelsten kiken, - kann he nah de Dackrönn' rinspucken, - Flöh (Flöhe)
fiesten (furzen), Wanschen (Wanzen) blaffen (bellen), Mücken niesen hüren.

De kann Marricken (Regenwurm) bläken (blöken, rufen) hüren, un wenn se nägen
Äl (neun Ellen) in de Ird sitten.



19.04.1992/23.03.2009



Seggt jug Mannslüd' dit  tau... na, mi süllt't mal verlangen.



Nu is't naug *Von allerhand Slag Lüd' *!



Beste Grüße!



Hannelore

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090323/240a4501/attachment.htm>