LL-L "Current affairs" 2010.12.20. (01) [NDS]

[Lowlands-L]

=====================================================
 L O W L A N D S - L - 20 December 2011 - Volume 01
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================


From: Hannelore Hinz <hannehinz at t-online.de> <hannehinz at t-online.de>
Subject: "current affairs"

Hallo all' Lowlanners,

ick dacht', dat Thema wier woll utdisketiert. Nu noch ein Upbegehren von
dat "Institut für Niederdeutsche Sprache"  www.ins-bremen.de mit
Mailadress  ins at ins-bremen.de Telefon: 0421/324535.
Wat nu up Hochdüütsch vermellt worden is, heff ick in dat Nedderdüütsche
oewerdragen, denn up Nedderdüütsch kümmt uns dit ja an.

*Sweriner Fritz-Reuter-Bühn vör dat Ut?

*De stiewen Markgesetzen sallen nu ok för de Theater-Rebeiten von uns'
Mäkelborg-Vörpommern gellen. Willig Akteure [hanneln(d)], Lüüd schugen sick
nich Sprakenkultur 'n Kahlslag tau verpassen, so ok mit Odder un Bescheid
för dat Nedderdüütsch.
Nicks anners hebben's in'n Kopp, wat de Uppasserrat (den'n ick taufällig
kenn' dau) von dat Mäkelborgsche Staatstheater Swerin sick in'n Kopp sett
hett, nu  beslaten is. De Fritz-Reuter-Bühn, as traditschonsrieke Mitmaker
von dat Staaatstheater un jichtensbi näben dat Hamborger Ohnsorg-Theater as
tweite Profi-Platt-Bühn mit all' ehr regionalen un oeverregionalen
Utstrahlen, sall nu dicht makt warden.
In'n Näwelmaand hett de Landesregierung noch eins in den'n  Geldbüdel
grawwelt, üm ein Bangkrott von dat Theater tau ümgahn. Wieldess is dat
ümmer leeger un dramatscher worden: Sparten möten tausamenschrumpeln
(lütter warden) un dat Inkamen, also de Verdeinst ok.  "Wi koenen nich
annähmen, hennähmen, dat de F-R-Bühn ein Buerenopper för de trostlos
Situatschon von dat Mäkelborgsche Theater afgäben/sien sall", säd Direkter
Rolf Petersen. Letzt' Weekenend' sünd so an 300 Minschen  up de Straat
gahn, Gewerkschaftler, Künstler, Theaterfrün'n.  Sei wullten dat Afmeigen
(Abmähen, Kahlschlag) ahn Verkloren nich up sick taukamen laten. Nu
spaddeln Stadt un Land up glieke Oort in ehr Instahn, un sünnerlich ok,
wenn't üm dat Högerup von nd. Sprakkultur geiht: De Profi-Platt-Bühn dörf
kein Opper nich warden för
ein unbeherrscht Verlangen, wat ein Fessel, ja Unfrieheit bedüden künn.
Nedderdüütsch Theater hett för alltohopen, also 'Gemeinschop' för Snacker
ein grot' symbolsche  Kraasch. Dat End', dat Henstarwen von disse Bühn wier
ein Fuustslag in de Snuut (Gesicht) von Spraakfrünn', allein all dat
Nahwiesen von politsch' Sünndagsräden, heit soväl , ein Nahwiesen wat
laagen (gelogen) is.

Wenn ji mihr weiten willt, koent ji antelefonieren bi Fritz-Reuter-Bühn bi
dat Mäkelborgsche Staatstheater, Quasselstripp: 0385 / 53000.

So is dat. Bi de niege CD hett't noch heiten *Hell ward dat in uns Stuben *un
nu mit eins Düüsternis. Woans is nu woll de Vörfreud jüst tau Wihnachten in
de Binsen gahn...?

Mit ein hartlich Gräuten.

Hanne
   =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20111220/fb07dfe7/attachment.htm>