LL-L "History" 2012.07.05 (02) [NDS]

[Lowlands-L]

=====================================================
 L O W L A N D S - L - 05 July 2012 - Volume 02
lowlands.list at gmail.com - http://lowlands-l.net/
Posting: lowlands-l at listserv.linguistlist.org
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
=====================================================



From: Dirk van Faassen <faasco at gmail.com>

Subject: Nedersaksies - Nederlaand - Sallaand.


De Collendoorn ==

De Collendoorn, ok wel enuumd  Huus Collendoorn, was n havezate gelegen in
de buurtskap Collendoorn in de gemeente Ambt-Hardenbarg,

thans Hardenbarg in Overiessel. An de havezate Collendoorn was n lienkamer
verbunden, woarvan de lienen achterlienen waren van de

proosdij van Sint-Lebuïnus in Deventer, de groaf van Bentheim, en de heer
van Huus Ten Clooster. Disse lienkamer wördden noa de ofschaffing van het
lienstelsel in 1798 opeheven.

==Geschiedenisse==
Umstreeks 1500 wonen op de havezate Huus De Hofstede in de buurtskap
Collendoorn de edelman Boldewijn Blankvoort tot de Hofstede, die

etrouwd is mit Aleid van Armelo. Heur zeune Lubbert Blankvoort koch in 1539
de Oldenhof. Hij gef dísse havezate de ni’je name "De Collendoorn". Lubbert
döt pogingen um in de Ridderskap van Overiessel te wörden verschreven. Noa
wat weigerings lukt het uuteindelik in

1546. Het bezit van de havezate gef recht tut de Ridderskop en loater het
Previnsioal Bestuur van Overiessel. Noa verarving an verschillende

Blankvoorts wördt het landgoed op 5 februari 1721 over-edragen aan Pico
Galenus van Sytzama, die etrouwd is mit arfdochter Janna Judith Blankvoort.
De dochter van Van Sytzama, de bekende dichteresse Clara Feyoena,trouwt mit
Isaak Reinder van Raesfelt tot Hiemse en Grambargen. De Collendoorn kump
dan in eigendom van de Van Raesfelts.

==Bezittings==
Tut de havezate De Collendoorn beheurden de volgende bezittings: Tunen en
boomgoard, ruum 1 hectare. Bouw- en weilaand 2,5 ha. In het

Allemansvene 5ha. veene en woeste grond. In de karke in Hiemse een
heerenbanke. Verders beheurden de hiernoa enuumde pachtboer deri’jen bi’j
de havezate: het Ruitmink of Faassen; Hamhuis; Stoevenbelts; Doezemans;
Klaasjes en Warners. Dan nog  2 katersteedn op n Ballast mitverskeidene
grondstukken en het arve Jacobs in Rheeze.

==Bewoners==
De eerste bewoners waarn de Blankvoorts.
Bi’j de volkstelling in 1748 bliekt het huus Collendoorn bewoond te wezen
deur de vroggere rentmeester van laandgoed De Groote Scheere,

Engbert Rutger Vaassen, mit vrouw, drie kinders, zien vader Jannes, knecht
en n dienstbode. Evert Elbert Anthony van Raesfelt verkoopt de

Collendoorn umstreeks 1750 an Reindert Borchart Rutger groaf van Rechteren
tut Grambargen. Op 14 meert 1771 wördt Huus Collendoorn

mit 5 bi’jbehorende pachtboerderi’jen taxeerd  op fl. 25.470 en op 21 meert
1771 verkocht an Adolph Henrik groaf van Rechteren. Diezien

breur, graaf Christiaan Lodewijk van Rechteren, is in 1775 trouwd mit Clara
Feyoena zien dochter, de baronesse Ermgard Ebella van

Raesfelt. Christiaan is kapitein ter zee bij de Admiraliteit van Friesland,
belast mit bestrieding van zeeroveri’je in de Middellaandse
zee en later

bescharming van de Zeeuwse stromen. Hi''j stapt uut de zeedienst in 1785 en
nemp in 1788 het Huus Collendoorn over van zien breur, wördt verschreven in
de Ridderskap van Overiessel en wördt ok landdrost van
Sallaand. Dochter Maria Clara van Rechteren trouwt op 7 juli 1796 mit
jonker Jacob van Foreest. Christiaan Lodewijk starft op 12 augustus 1820
ienzaam en berooid op Huus Collendoorn en wördt in Hiemse

begraa’m. Van Foreest arft deur zien echtgenote De Collendoorn en wördt
verschreven in de Ridderskap. Hij woont echter op Huus Hiemse

en verwoarloost de havezate. In 1807 zet hi’j De Collendoorn te hure en
verkoch de havezoate uuteindelik aan de Collendoornse

schoelmeester Jan van de Poll. Het Huus, of wat er nog van over is,
verarft aan noazoaten van Van de Poll. In 1899 koch Roelof Geertjes het
laandgoed.

==Verval van de havezate==
Der bint gien ofbeeldingen of foto's van het huus maar uut een
advertensie in de Zwolsche Kraante en een boedelbeschrieving deur notaris
A. van Riemsdijk in 1821 bliekt dat het huus beneden rechs en links van de
gaank een grote veurkamer, een kleindere kamer, een keuken mit  pompe, een
kelder en n opkamer hadde. Boven waren nog drie veurkamers en een
achterkamer, een overloop met knechten-, meiden- en provisiekamers.
Bovendien was er een zoalder over 't hele huus. Der noast an ebouwd was een
boerenbehuuzing mit een wagenschure. Lös van t huus stund een veeschure
veur 6 peerden en 7 koe’n. Het gebouw was umgeven mit moes- en siertuunen,
woarin, volgens de beschrieving "exquise vrugtboomen van alderhande zoort"
stunden.
In 1907 wordt op de stee een ni’je boerderi’je ebouwd. In 1930 arft de
dochter van Geertjes, Zwaantje Geertjes, mit heur keal Frederik Jan

Meijerink 't goed.
De overbliefsels van het vervallen Huus Collendoorn wörden in 1914 esloopt.
Uuteindelik bleven der nog een olde waterputte op t arf van de Meijerinks
over en is ter ploatse nog vage 'n stukkien van de gracht en de
ursprunkelike oprielane noar de havezate te zien.

== Bronnen, noten en/of referenties: ==

* Gevers, A.J en Mensema, A.J. "De Havezaten van Salland en hun bewoners"
(Alphen aan den Rijn 1985)
* www.historiekamer.nl "Registers Schoutambt Hardenberg"
* Google maps "Collendoorn"

 =========================================================
Send posting submissions to lowlands-l at listserv.linguistlist.org.
Please display only the relevant parts of quotes in your replies.
Send commands (including "signoff lowlands-l") to
listserv at listserv.linguistlist.org or lowlands.list at gmail.com
http://linguistlist.org/subscribing/sub-lowlands-l.html.
http://www.facebook.com/?ref=logo#!/group.php?gid=118916521473498
==========================================================
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20120705/dccd57a3/attachment.htm>