<p class="MsoNormal">L O W L A N D S - L * 08 December 2006 * Volume 02<br>
======================================================================<br>
<br>
From: A Victorie <<a href="mailto:victorie.a@home.nl">victorie.a@home.nl</a>><br>
Subject: reacktie</p>

<p class="MsoNormal">Moi Reinhard,</p>

<p class="MsoNormal">Hier een reactie veur op Lowlands.</p>



<p class="MsoNormal">Moi Leeglaanders,</p>



<p class="MsoNormal">H. Woldman vreug:</p>



<p class="MsoNormal">Mag een van onze Nederlanders ons even daarover voorlichten,
wat voor hem de woorden "de Nederlanden" en "uit de
Nederlanden" betekent.</p>



<p class="MsoNormal">Veur de jaortelling, wörden de Nederlanden (Ok wel de
leeglaanden enuumd.)bewoond deur Waarschienlijk Keltische volksstammen. Daornao
deur Gemaanse, (Friezen, Bataven en kaninevaten) ca. 50 Veur Chr. Underwörpen
deur de Romeinen. Hèur onderwarping duurde töt 't begun van de viefde ieuw,toen
zij uut dizze contreien verdreven wörden deur Germaanse stammen, die van aover
de Rijn kwamen. Onder die stammen wussen de Franken zich ca. 500 nao Chr. een
leidende positie te verovern en in de volgende ieuwen te handhaven. Hèur Riek
völ in 843 nao Chr. Bij 't verdrag van Verdun uutiene. Nederlaand kwam eerst
bij 't Midden-Frankische Riek, wörde vervolgens diel van 't Oost-Frankische
Riek (Op W-Vlaandern nao). Ca. 900 nao Chr. begunnen de gouwgraven zich
onafhankelijk te maken en kleine vorstendommen te stichten. Daornaost
ontwikkelde zich 't Bisdom Utrecht. Midden dartiende ieuw waren op het gebied
van Noord-Nederlaand de veurnaamste machten: 't Graafsschap Holland wat 't
westen beheerste. t Bisdom Utrecht, dat behalve 't sticht ('t tegenwoordige
Utrecht.)ok een groot diel van 't noorden Aoveriesel, 't aoversticht, Drenthe
en Grunning en 't Hertogdom Gelre, wat 't oosten beheerste. In de vieftiende en
de zestiende ieuw kwamen al dizze gebieden onder 't gezag van de vörsten uut 't
Bourgondische-Oostenriekse Huus: 't leste was Gelre an de beurte. (1543) Keizer
Karel V, verienigde in 1548 al zien Nederlaandse bezittingen töt een
afzonderlijke kreits van 't Duutse Riek, (De 10de ofwel Bourgondische.) De
Hervörming had hier intussen veul anhangers evunden: de scharpe vervolging van
't volk en 't negeren van de Nederlaandse belangen deur de zeune van karel V,
Fillips II, die van Madrid uut de Nederlaanden bestuurde, leide töt een
opstaand. (De 80 jaorige oorlog 1568-1648) Onder anvoering van Willem I Prins
van Oranje en zien zeuns Maurits, Frederik Hendrik. Daornao bekroond mit de
erkenning van de onafhankelijkheid, van de zich in 1579 bij de Unie van Utrecht
verbunden 7 Nederlaandse gewesten.</p>

<p class="MsoNormal">Goodgaon,</p>

<p class="MsoNormal">Arend Victorie</p>