L O W L A N D S - L * 20 December 2006 * Volume 04<br>======================================================================<br><br>From: <a rel="nofollow" target="_blank" href="mailto:info@STELLINGWERFS-EIGEN.NL">
info@STELLINGWERFS-EIGEN.NL</a> <br>Subject: Holidays<br><br>Lukas 2:1-14 uut de Stellinwarver Biebel (in de maek):<br>In die tied
leut keizer Augustus een bevel uutgaon mit de bosschop dat alle
inwoners van zien riek heur inschrieven laoten mossen. Disse eerste
volkstelling was in de tied, doe Quirinius et bestuur over Syrië hadde.
Iederiene gong onderwegens om him inschrieven te laoten, elk naor zien
eigen geboortestee. Jozef gong van de stad Nazaret in Galilea naor
Judea, naor de stad van David die Betlehem hiet, omreden hi'j van David
ofstamde, om him inschrieven te laoten tegere mit Maria, zien anstaonde
vrouw, die al een mooi schoft wat onder de schölk dreug. En wiels zi'j
daor weren, raekte ze in de kraom, en ze kreeg een zeune, heur eerste
poppien. Ze wikkelde him in een doek en legde him in een voerbak,
omreden d'r veur heur nargens aanders plak was. Daor in de buurt weren
die naacht hedders in et veld, zi'j hullen waacht bi'j heur kudde.
Opiens ston d'r een engel van de Heer bi'j heur en wodden ze omgeven
deur et straolende locht van de Heer, zodat ze slim schrokken. De engel
zee doe tegen heur: "Wees mar niet bange, want ik kom om jim goed ni'js
an te zeggen, dat alleman bliede maeken zal: vandaege is in de stad van
David veur jim een redder geboren. Hi'j is de messias, de Heer. Dit zal
veur jim et teken wezen: jim zullen een pasgeboren kiend vienen dat in
een doek wikkeld is en in een voerbak ligt." En opiens kwam d'r bi'j de
engel een groot hemels leger dat God prees mit de woorden: "Ere veur
God in de hoogste hemel en vrede op eerde veur alle meensken waor hi'j
van hoolt."<br><br>Mit een vrundelike groet uut Stellinwarf,<br>Piet Bult (vertaeler van de Biebel in et Stellingwarfs)<br><br>----------<br><br>From: R. F. Hahn <<a href="mailto:sassisch@yahoo.com">sassisch@yahoo.com
</a>><br>Subject: Holidays<br><br>

<p style="font-family: arial,sans-serif;" class="MsoNormal"><font size="1"><span style="font-size: 11pt;" lang="DE">Ünnen dat sülvige Stellingwarver mit düütsche Schrievwies':</span></font></p>



<p class="MsoNormal"><span style="font-size: 11pt; font-family: "Arial Unicode MS";" lang="NL"><font size="2">In die Tied lœt Kaiser Augustus een Befęhl üütgaohn mit
de Bosschop, dat alle Inwohners van sien Riek hœr Inschrieven laoten mossen. Disse
eerste Volkstelling was in de Tied, du Quirinius et Bestüür over Syrije hadde. Iederiene
gong onderwęgens, om him inschrieven te laoten, elk naor sien eigen Geboortestę.
Josef gong van de Stadt Nazaret in Galilea naor Jüdea, naor de Stadt van David,
die Betlehem hiet, omręden hi'j van David ofstammde, om him inschrieven te
laoten tegere mit Maria, sien anstaohnde Fro, die al een mooi Schoft wat onder
de Schölk drœg. En wiels si'j daor węren, raekte se in de Kraom, en se kreeg
een Sœhne, hœr eerste Poppien. Se wikkelde him in een Duuk en leggde him in een
Fuurback, omręden d'r vœr hœr nargens anders Plack was. Daor in de Büürt węren
die Naacht Hedders in et Feld; si'j hüllen Waacht bi'j hœr Küdde. Op iens stonn
d'r een Engel van de Hęęr bi'j hœr, en wodden se omgęven dœr et straohlende Locht
van de Hęęr, sodat se slimm schrocken. De Engel sę du tęgen hœr: "Węęs mar
niet bange, want ik komm, om jim guud Ni'js an te seggen, dat allemann bliede
maeken sall: Vandaege is in de Stadt van David fœr jim een Redder geboren. Hi'j
is de Messias, de Hęęr. Dit sall fœr jim et Teken węsen: Jim süllen een pas geboren
Kiend fiennen, dat in een Duuk wickeld is en in een Fuurback liggt." En op
iens quamm d'r bi'j de Engel een groot Hęmels leger dat Gott prees mit de Woorden:
"Ęhre fœr Gott in de hoogste Hęmel en Fręde op Eerde fœr alle Meensken
waor hi'j van hoolt."<br><br>Reinhard/Ron</font></span></p>