<span style="font-family: arial,sans-serif;"> </span><br style="font-family: arial,sans-serif;"><span style="font-family: arial,sans-serif;">L O W L A N D S - L - 13 June 2007 - Volume 01</span><br style="font-family: arial,sans-serif;">
<br style="font-family: arial,sans-serif;"><span style="font-family: arial,sans-serif;">=========================================================================</span><br style="font-family: arial,sans-serif;"><br style="font-family: arial,sans-serif;">
<span style="font-family: arial,sans-serif;">From: </span><span id="_user_jonny.meibohm@arcor.de" style="color: rgb(121, 6, 25); font-family: arial,sans-serif;">jonny</span><span style="font-weight: normal; font-family: arial,sans-serif;" class="lg">
<<a href="mailto:jonny.meibohm@arcor.de">jonny.meibohm@arcor.de</a>></span><br style="font-family: arial,sans-serif;"><span style="font-family: arial,sans-serif;">Subject: LL-L "Names" 2007.06.12 (01) [LS]
</span><br><br><div>
<div><span><font face="Courier New">Beste Utz, Marcus,
Heiko un Ron,</font></span></div>
<div><span></span> </div>
<div><span><font face="Courier New">dat Jii de
plattdüütschen Ourtsnomen nu üm jeyden Priis, woll as Fanal, hebben
wöllt, weyr mii kloor.</font></span></div>
<div><span></span> </div>
<div><span><font face="Courier New">Man, sou eynfach 'n
tweyden Nomen (no Moyglichkeyt ouk noch no Sass!!) opp 'n Schild klayen- dat
kann ne veel helpen. Loot' mii mii mol in uns Rebeyt
ümkieken.</font></span></div>
<div><span></span> </div>
<div><span><font face="Courier New">Dat Dörp, wo ick
herkomen douh, heyt 'Balje'. De Oul'n hebbt door in miin Kinner-Tiid noch
opp Nedderdüütsch 'Baal(-d-)sche' (van dat ourspröngliche 'Balghe/Balga'?) tou
seggt. Weyt blout noch 'n Handvull Lüüd. Mii dücht, dat day woll Piin moken, dat
vandoog sou to benomen, un de Börgers day'n dat ouk ne
woll'n.</font></span></div>
<div><span></span> </div>
<div><span><font face="Courier New">'Cadenberge' heyt
innen Volksmund 'Codendutt[-el]'- oha, hebbt de Nober-Dörpen ennig wat tou
smustern!</font></span></div>
<div><span></span> </div>
<div><span><font face="Courier New">'Oberndorf (Oste)'
heyt in uns Platt 'Oubern-<u><strong>dörp</strong></u>' mit Betonen opp de
tweyde Silbe. Woans wöllt Jii dat opp 't Ourtsschild kriigen? In
Phonetics?</font></span></div>
<div><span><font face="Courier New">Dat sülbige mit
'Balksee' >> 'Balk-<u><strong>seì</strong></u>'.</font></span></div>
<div><span></span> </div>
<div><span><font face="Courier New">'Otterndorf' heyt
'Ooterndörp' mit eyn langet _o_ voyrn un Stress op de <em>eyrste</em>
Silbe...</font></span></div>
<div><span></span> </div>
<div><span><font face="Courier New">'Geversdorf' is
'Geibersdörp' (froyher: 'Geuensthorpe')- or is dat meyhr
'Geybersdörp'?</font></span></div>
<div><span></span> </div>
<div><span><font face="Courier New">(Heiko: Du süchst
woll, wat hier nümms helpen kann, de nich uut de Regioon
koomt!?)</font></span></div>
<div><span></span> </div>
<div><span><font face="Courier New">'Wingst' is de
öllste Ourtschapp hier un hett schiints keyn' plattdüütschen Nomen! Jüst sou
'Dingwörden'- door eyn 'Dingwöör'n' van tou moken, weyr keyn Verbeetern. Jüst
sou 'Freiburg/Elbe': 'Fryborgh' hebbt's touletzt in 't 15. eeuw
seggt.</font></span></div>
<div><span></span> </div>
<div><span><font face="Courier New">Un wat mookt wii
mit dey Dörpen, de gor keyn <strong>houghdüütschen</strong> Nomen hebbt?
Stigmatiseert wii jem edders geevt wii jem welk? 'Düdenbüttel' waard tou
'Dude's(!) Bezirk', 'Isensee' tou 'Eisensee', 'Laack' tou 'Pfütze', 'Hörne' tou
'Ecke', 'Oederquart' tou 'Oderiks Warft', 'Wischhafen' tou
'Wiesenhafen' usw.? <em>Gleiches Recht für alle!?</em> Nu fangt ne dat
Lachen an- dat kunn ouk Sinn mooken, foyr 95% van de Inwohners, de vandoog
keyn Platt meyhr snackt, de Ourspröng, Herkomst van de Nomens tou
verkloor'n un bewoor'n.</font></span></div>
<div><span></span> </div>
<div><span><font face="Courier New">Nee- door opp eyn
greesig't geelet Verkehrs-Schild eyn, twey Boukstoben tou ännern, wat dat ennig
'platt' utsücht, dat kann 't doch woll ne ween. Is mii tou simpel, uut
'Neuenkirchen' 'Neyenkarken' tou mooken, 'Neuhaus' tou 'Neihuus', 'Eierdorf' tou
'Eierdörp'. Tou dicht an Patentplatt; door köönt wii keyn' Heyr'n van dennen
Teller mit sleepen, opp disse Wiis rett' wii uns Sprook 'wiss
ne.</font></span></div>
<div><span></span> </div>
<div><span><font face="Courier New">Man- wat ick mii
goud vöörstell'n kunn, weyr 'n tousätzlich't Schild, sou, as de Amis dat hebbt;
van mii uut ouk 'sau-preußisch' genormt.</font></span></div>
<div><span><font face="Courier New">Door kannst' 'n
Bült meyhr 'roppschriiben, al de oul'n Nomen, Gründungsjoor un' un'... Dat
kunnen de Gemeenten nu', opp Stünns all mooken; door bruukt's keyn Verloyv
van jichenswelk' Bürokraaten tou. Al de dusselige Jammerey no de Oubrigkeyt is
doch Naar'nkroom un' typisch Spießer-Düütsch. <em>"Wo ein Wille ist, da ist auch
ein Weg!"</em> Man- an dennen Will'n gloyv 'ck ne meyhr recht in uns'
'Wohlfahrts-Sellschopp'. Wenn 'ck Heiko recht begreepen hebb, denn kreiht
de Lüü' nu jo all no de Fehr's Gülden üm Hölp. Is dat nich 'n Bewiis, wat
se de neddersassischen Nomen van jem ehr Dörpen all nich meyhr weyt edders wat
dat amend goorkeyn geben hett? Un nu <strong>mutt</strong>'n plattdüütsch' Wourd
her; hett de Minister jo seggt... Lachnummer, zum Kugeln!</font></span></div>
<div><span></span> </div>
<div><span><font face="Courier New">(BTW: Utz- dennen
'Jan' uut 'n Oul'n Lannen kennt wii hier ne sou goud; uns 'Johannes' heyt
'Jonny' edders 'Jehann' ;-).)</font></span></div>
<div><span></span> </div>
<div align="left"><font face="Courier New">Allerbest!</font></div>
<div align="left"> </div>
<div align="left"><font face="Courier New">Jonny Meibohm</font><br style="font-family: arial,sans-serif;"></div></div>
<br>