<div style="text-align: center; font-family: arial,helvetica,sans-serif;">=========================================================================<br>L O W L A N D S - L  -  06 February 2008 - Volume 03<br style="color: rgb(102, 102, 102);">
<span style="color: rgb(102, 102, 102);">-------------------------------------------------------------------------</span><br style="color: rgb(102, 102, 102);"><span style="color: rgb(102, 102, 102);">Please set the encoding mode to Unicode (UTF-8).</span><br style="color: rgb(102, 102, 102);">
<span style="color: rgb(102, 102, 102);">If viewing this in a web browser, please click on</span><br style="color: rgb(102, 102, 102);"><span style="color: rgb(102, 102, 102);">the html toggle at the bottom of the archived page.</span><br>
=========================================================================<br></div><br style="font-family: arial,helvetica,sans-serif;"><span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="HcCDpe"><span class="EP8xU" style="color: rgb(0, 104, 28);">Maria Elsie Zinsser</span> <span class="lDACoc"><<a href="mailto:ezinsser@icon.co.za">ezinsser@icon.co.za</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">Subject: </span><span style="font-family: arial,helvetica,sans-serif;" class="HcCDpe">LL-L Afrikaans Bible for the Deaf<br><br></span><p><font face="MS Sans Serif" size="2"><span style="font-family: arial,helvetica,sans-serif;">Haai almal,</span><br style="font-family: arial,helvetica,sans-serif;">
<br style="font-family: arial,helvetica,sans-serif;"><span style="font-family: arial,helvetica,sans-serif;">Die Afrikaanse Bybel vir Dowes is onlangs vertaal en op 4 Februarie beskikbaar gestel. </span><br style="font-family: arial,helvetica,sans-serif;">
<span style="font-family: arial,helvetica,sans-serif;">Die volgende artikel kom uit die Volksblad:</span><br></font></p>
<p><font face="Times New Roman" size="2"><em>Malani Venter<br>STELLENBOSCH.
– Die eerste Afrikaanse Bybel vir dowes is gister op 'n spesiale
geleentheid op Worcester aan die Afrikaanssprekende dowe gemeenskap in
Suid-Afrika oorhandig.<br><br>Die vertaling is veral bedoel vir
doofgeborenes en mense wat Gebaretaal gebruik. Die rede hiervoor is dat
doofgeborenes spesifieke taal- en leesbehoeftes het. Soos Gebaretaal
moeilik is vir horendes om te verstaan, is gewone skryftaal moeilik vir
dowes om te verstaan. <br><br>Die bekendstelling het ook saamgeval met
die begin van 'n feesjaar om die 75ste bestaansjaar van die Bybel in
Afrikaans te herdenk.<br><br>"Dit was roerend om te sien hoe opgewonde
mense raak om iets te ontvang wat hulle verstaan," het me. Mims Turley,
kommunikasiehoof van die Bybelgenootskap, gesê.<br>"Dit is vir ons 'n
voorreg om in hierdie baie spesiale jaar die Bybel vir hierdie groep
Afrikaanssprekendes meer toeganklik te maak," het ds. Gerrit
Kritzinger, uitvoerende hoof van die Bybelgenootskap in Suid-Afrika,
luidens 'n verklaring gesê.<br>Die taalgebruik van dié Bybel is
eenvoudiger en daar is sover moontlik van dowes se beperkte woordeskat
gebruik gemaak. Waar dit onmoontlik was om moeilike woorde of begrippe
wat in die grondtekste voorkom, te vervang, word  dit  onderaan die
bladsy in 'n voetnota verduidelik. Die Bybel beslaan 2 038 bladsye en
bevat 17 869 voetnote.<br>Illustrasies om begrippe verder oor te dra,
word ook gebruik. Altesaam 74 illustrasies, waarvan sommige deur 'n
dowe kunstenaar, Karen le Roux, voorberei is, kom in die Bybel voor.<br>Prof.
J.P. Oberholzer, voorsitter van die vertalingskomitee wat vir dié
vertaling verantwoordelik was, was die prediker by dié geleentheid wat
in die NG gemeente Worcester-De la Bat gehou is. Die vertalers was
proff. Bart Oberholzer, Bernhard Combrink, Hermie van Zyl, Francois
Tolmie, Christo van der Merwe en dr. Rocco Hough. Mej. Elmine Roux, 'n
voormalige onderwyseres vir dowes, was die taaladviseur. Die Bybel vir
Dowes is beskikbaar by alle toonaangewende boekwinkels teen R54 of kan
regstreeks van die Bybelgenootskap by 0861-242-542 bestel word.</em></font></p>
<p><font face="Times New Roman" size="2"><em></em></font></p>
<p style="font-family: arial,helvetica,sans-serif;"><font size="2">Meer inligting kan gekry word by:<br>Federation for the Deaf - 27 11 482 1610<br></font><a href="http://www.biblesociety.co.za/" target="_blank"><font size="2">http://www.biblesociety.co.za/</font></a><br>
<a href="http://www.bybel.co.za/" target="_blank"><font size="2">http://www.bybel.co.za</font></a><br></p>


<p style="font-family: arial,helvetica,sans-serif;"><font size="2">Groete,<br>Elsie Zinsser</font></p><br>