<div style="text-align: center; font-family: arial,helvetica,sans-serif;">=========================================================================<br>L O W L A N D S - L  - 12 February 2008 - Volume 01<br style="color: rgb(102, 102, 102);">
<span style="color: rgb(102, 102, 102);">-------------------------------------------------------------------------</span><br style="color: rgb(102, 102, 102);"><span style="color: rgb(102, 102, 102);">Please set the encoding mode to Unicode (UTF-8).</span><br style="color: rgb(102, 102, 102);">
<span style="color: rgb(102, 102, 102);">If viewing this in a web browser, please click on</span><br style="color: rgb(102, 102, 102);"><span style="color: rgb(102, 102, 102);">the html toggle at the bottom of the archived page.</span><br>
=========================================================================<br></div><br style="font-family: arial,helvetica,sans-serif;"><span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="HcCDpe"><span class="EP8xU" style="color: rgb(0, 104, 28);">Maria Elsie Zinsser</span> <span class="lDACoc"><<a href="mailto:ezinsser@icon.co.za">ezinsser@icon.co.za</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">Subject: </span><span style="font-family: arial,helvetica,sans-serif;" class="HcCDpe">L-L "News"<br><br></span><font style="font-family: arial,helvetica,sans-serif;" size="2">Haai almal,<br>
<br>Die onderstaande berig het gister in Die Beeld verskyn.<br><br>Groete,<br>Elsie Zinsser<br><br></font><div style="text-align: center; font-family: arial,helvetica,sans-serif;"><font style="font-family: arial,helvetica,sans-serif;" size="4"><b>Minister kap na regering oor Afrikaans</b></font><br>
</div><div style="text-align: center; font-family: arial,helvetica,sans-serif;"><font style="font-family: arial,helvetica,sans-serif;" size="2">Leopold Scholtz</font><br></div><font style="font-family: arial,helvetica,sans-serif;" size="2"><br>
Brussel.
– 'n Nederlandse adjunk-minister het 'n lansie vir Afrikaans by die
Suid-Afrikaanse regering gebreek in woorde wat implisiete kritiek bevat.<br>Mnr.
Frans Timmermans, die Nederlandse adjunkminister van buitelandse sake,
was verlede week op 'n besoek van drie dae aan Suid-Afrika. Hy het
onder meer 'n tentoonstelling van Marlene Dumas se werk in Johannesburg
geopen.<br>Luidens 'n verklaring van die Nederlandse departement van
buitelandse sake het Timmermans ook 'n gesprek met dr. Pallo Jordan,
Suid-Afrikaanse minister van kuns en kultuur, gevoer. <br>Hy het toe gesê Nederland meen Afrikaans se posisie in Suid-Afrika moet verbeter word.<br>Hy
het gesê daar moet weggekom word van die assosiëring van Afrikaans met
apartheid. "In Suid-Afrika het daar, ná 'n pynlike geskiedenis,
versoening plaasgevind, en die assosiasie van Afrikaans met politiek en
onderdrukking moet verbreek word".<br>"Die taal behoort nie aan die
apartheidsregime nie, maar aan verskillende bevolkingsgroepe. Afrikaans
se rol as lingua franca van die Nederlanders, die Vlaminge, die
Namibiërs en die Suid-Afrikaners is te min bekend."<br>Jordan en Timmermans het luidens die verklaring ook ooreengekom om op verskeie ander kulturele terreine saam te werk. <br>Nederland
het aangebied om te help met die bestryding van die onwettige handel in
Afrika-kunswerke, die opleiding van museumkurators, die digitalisering
van die VOC-argiewe en onderwaterargeologie.<br>Timmermans het ook samesprekings gevoer met mnr. Aziz Pahad, adjunkminister van buitelandse sake, oor die energievraagstuk. <br>Hulle
het afgespreek dat die twee lande sal saamwerk op die gebied van
windenergie, waar Nederland reeds baie ondervinding opgedoen het.<br>Timmermans se woorde oor Afrikaans teenoor Jordan is merkwaardig. <br>Dit
is die eerste keer dat 'n Nederlandse regeringslid die Suid-Afrikaanse
regering aanspreek met woorde wat daarop sinspeel dat laasgenoemde te
min vir die taal doen.<br>Sedert die jare 70, toe die betrekkinge
tussen Nederland en die ou Suid-Afrika begin versleg het, het
agtereenvolgende Nederlandse regerings so ver moontlik weg van
Afrikaans gestaan.<br>En ná 1994 was kritiek op die ANC-regering, selfs by implikasie, ondenkbaar.</font><br style="font-family: arial,helvetica,sans-serif;"><br style="font-family: arial,helvetica,sans-serif;"><br style="font-family: arial,helvetica,sans-serif;">