<div style="text-align: center; font-family: arial,helvetica,sans-serif;">=========================================================================<br>L O W L A N D S - L - 06 July 2008 - Volume 04<br style="color: rgb(102, 102, 102);">
<span style="color: rgb(102, 102, 102);">-------------------------------------------------------------------------</span><br style="color: rgb(102, 102, 102);"><span style="color: rgb(102, 102, 102);">Please set the encoding mode to Unicode (UTF-8).</span><br style="color: rgb(102, 102, 102);">
<span style="color: rgb(102, 102, 102);">If viewing this in a web browser, please click on</span><br style="color: rgb(102, 102, 102);"><span style="color: rgb(102, 102, 102);">the html toggle at the bottom of the archived page </span><br style="color: rgb(102, 102, 102);">
<span style="color: rgb(102, 102, 102);">and switch your browser's character encoding to Unicode.</span><br>=========================================================================<br></div><br style="font-family: arial,helvetica,sans-serif;">
<span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="HcCDpe"><span class="EP8xU" style="color: rgb(91, 16, 148);">Marcus Buck</span> <span class="lDACoc"><<a href="mailto:list@marcusbuck.org">list@marcusbuck.org</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">Subject: </span><span style="font-family: arial,helvetica,sans-serif;" class="HcCDpe">LL-L "History" 2008.07.06 (02) [E/LS/French]<br><br></span><span style="font-family: arial,helvetica,sans-serif;">From: jonny <</span><a style="font-family: arial,helvetica,sans-serif;" href="mailto:jonny.meibohm@arcor.de" target="_blank">jonny.meibohm@arcor.de</a><span style="font-family: arial,helvetica,sans-serif;"> <mailto:</span><a style="font-family: arial,helvetica,sans-serif;" href="mailto:jonny.meibohm@arcor.de" target="_blank">jonny.meibohm@arcor.de</a><span style="font-family: arial,helvetica,sans-serif;">>></span><br style="font-family: arial,helvetica,sans-serif;">

<blockquote class="gmail_quote" style="border-left: 1px solid rgb(204, 204, 204); margin: 0pt 0pt 0pt 0.8ex; padding-left: 1ex; font-family: arial,helvetica,sans-serif;">
Subject: LL-L "Language politics" 2008.07.04 (06) [E]<br>
<br>
(Na- nu' hesst Du mi woll all an-steken mit Diin' Depri *s*.)<br>
</blockquote><span style="font-family: arial,helvetica,sans-serif;">
Is jümmer en beten swoor, den richtigen Toon to drepen, wenn een blot
dat schreven Woord hett. Dat kummt licht anners röver, as een dat in'n
Sinn harr. Nee, depri un daloorig bün'k nich ween. So slimm is't nich
;-) Nee, dat weer mehr Analyys. Du kennst bestimmt ok DSDS. Teihndusend
junge Lüüd, de geern Popstar warrn wüllt, kummt dor tohooplopen, wüllt
geern jemehrn groten Droom wohr maken, staht vör Dieter Bohlen un denn
kummt rut: Singen köönt se gornich... Ut de Droom. Ik heff ok en Droom,
vun den nix warrt, Plattdüütsch an't Doodblieven hinnern. Aver mi fehlt
ok dat Talent, jüst as de DSDS-Kinners. De Ünnerscheed is blot, dat ik
slau noog bün, dat ik dat nich eerst mark, wenn Bohlen "Das war echt
scheiße..." seggt ;-) Mien "Depri" weer reine Analyys, ik weer also
mien egen Bohlen, Bohlen putzt annere Lüüd rünner, ik mi sülven. So is
dat ;-)</span><br style="font-family: arial,helvetica,sans-serif;">
<br style="font-family: arial,helvetica,sans-serif;"><span style="font-family: arial,helvetica,sans-serif;">
Dat mit'n Landminschen, dat drippt aver ok op mi to. Hängt gewiss mit
de Geelheit tohoop. De Stadt is mi eenfach to unecht un to
oberflächlich un to verlogen. Dorvun mag ik ok woll dat Plattdüütsche
so geern. Ik sülvst bün ja man ok al mit Hoochdüütsch grootworrn
(tohuus sünd wi dree Generationen un dor geev dat allens beids, aber
der gesellschaftliche Ton sah nun mal vor, dass Kinder hochdeutsch
sprechen. Dat hett nüms beslaten, aver de Organismus "Gesellschaft" is
jümmer op'n Kiewiev un weet sien Schaap to höden. De Regeln vun disse
Gesellschaft sünd narms opschreven un doch brickt nüms de Regeln. Een
vun de unschrevenen Regeln weer 'Kinner snackt keen Platt.'
Plattdüütsch weer för mi vun Geboort an normal, aver snacken nich. En
passiven Moderspraakler. Aver mien Landseel, de na Unoberflächlichkeit,
na Echtheit strebt, de weer denn opmal noch stärker as de nich
opschrevenen Regeln vun de Gesellschaft. Un ik bün in de aktive Sphäär
opbraken.</span><br style="font-family: arial,helvetica,sans-serif;"><span style="font-family: arial,helvetica,sans-serif;">
Gesellschaftliche Regeln sünd temlich fast un warrt nich braken.
Toglieks sünd se aver doch zerbrechlich. Wenn nämlich welk Lüüd sik
nich mehr na de Regeln richten doot, denn brickt de Regel tohoop. Denk
an de Riots in de USA. Wenn dor mal Stroomutfall is, un een haut de
eerste Finsterschiev in un haalt den eersten Feernseher rut, denn duert
dat nich lang, denn is de ganze Straat lerrig plünnert. (Is dat noch
so? Ik weet dat nich, heff lang nix mehr höört, aver fröher weer dat
doch faken so.) Gesellschaftliche Regeln köönt licht kippen. Anner
Bispeel is Ruanda. Ganz opmal kippt de Stimmung in de Gesellschaft un
bums, haut se sik de Köpp in un amenn sünd 800.000 Lüüd dood.
Gesellschaftliche Regeln richt sik jümmer dorna "Wat doot de annern?".
"Wat de annern doot, kann ik doon." Wat vörher undenkbor weer, warrt
opmal normal. Lüüd in Gas sticken un denn in Avens verbrennen? Ok wenn
de Lüüd to Anfang dat 20. Johrhunnert veel Barberee sehn harrn, dat
weer nüms in'n Sinn kamen. Aver opmal harrn sik de gesellschaftlichen
Regeln ännert.</span><br style="font-family: arial,helvetica,sans-serif;"><span style="font-family: arial,helvetica,sans-serif;">
Wenn dat mööglich is, dat sik gesellschaftliche Regeln in en poor Johr
so ännert, dat de Gesellschaft dat Ümbringen vun Millionen Minschen för
normal höllt, denn schall dat nich mööglich ween, dat sik de
gesellschaftlichen Regeln to dat Thema Spraak ännert? Ha, in teihn Johr
kann Plattdüütsch eenzige Amtsspraak in Düütschland ween, wenn wi man
blot de gesellschaftlichen Regeln gründlich noog in't Wanken bringt ;-)</span><br style="font-family: arial,helvetica,sans-serif;"><span style="font-family: arial,helvetica,sans-serif;">
Süh, ik bün nich depri, ik bün würklich över de maten optimistisch ;-)</span><br style="font-family: arial,helvetica,sans-serif;">
<blockquote class="gmail_quote" style="border-left: 1px solid rgb(204, 204, 204); margin: 0pt 0pt 0pt 0.8ex; padding-left: 1ex; font-family: arial,helvetica,sans-serif;">
Nu' gauw trüch noa' de Individualisten: doar findst' jümmer minner van.
Chancengleicheit in der Ausbildung, alles bedeckende (und beglückende?)
soziale 'Fang'netze, Globalisierung, Konsum- und Medienterror lassen
eine Originalität nicht mehr (zahlreich) zu.<br>
 Man- de Sehnsucht blivvt... Wenn ick (wat selten worr'n is) maol in 't
'Brauhaus Alt-Neuhaus' gohn dou, denn koamt jümmer meyhr junge Lüü' opp
mii doal un' wöllt van mi Platt hoyr'n. Un denn bün 'ck jüst doar
an-langt, wo Ina Müller un' dat Ohnsorg-Theater all lang sünd: bi de
'Volksbelustigung'.<br>
</blockquote><span style="font-family: arial,helvetica,sans-serif;">
Dat höört sik so vorwurfsvoll an, 'al lang'. Dat Ohnsorg-Theater is en
Theater, dat is jemehr Job, dat se dat Volk so'n beten 'bespaaßt'. Un
jüstso uns Ina. Oder meenst du, dat Plattdüütsch blot noch Instrument
is? Dat dat blot Beroops-Plattdüütsche sünd, bi de Plattdüütsch nich
ut'e Seel kummt, för de Plattdüütsch blot Marktnische is un de tohuus
ans nix as Hoochdüütsch snackt? Bi dat Ohnsorg-Theater weet ik dat
nich, mag so'n un so'n geven. För Lüüd so as Yared Dibaba mag dat
stimmen (dat gifft he ja ok sülvst to, dat he blot en
Bühnen-Plattdüütschen is). Oder för Fabius, den Italiener, de
plattdüütsch singt. Aver de Ina, de is en echte Plattdüütsche. Bi de
kummt dat ut'e Seel.</span><br style="font-family: arial,helvetica,sans-serif;">
<span style="font-family: arial,helvetica,sans-serif;">
Nee, Marcus, loat dennen Kopp man ne hingen. Du hesst all Diin Spoyr'n
moakt; Du büsst all 'n Oart van Vörbild mit al Diin' Ehrenämters. Moak
man wiider sou, man pack Dii ne tou veel Eier ünner. Du büsst mi doch
keyn Vaogel Strauss, un' dey steekt jo mennig-moal dennen Kopp innen
Sand ;-)!</span><br style="font-family: arial,helvetica,sans-serif;"><span style="font-family: arial,helvetica,sans-serif;">
 Allerbest, houl Di hattig!</span><br style="font-family: arial,helvetica,sans-serif;"><span style="font-family: arial,helvetica,sans-serif;">
 Jonny Meibohm</span><br style="font-family: arial,helvetica,sans-serif;"><br style="font-family: arial,helvetica,sans-serif;"><br style="font-family: arial,helvetica,sans-serif;">