<div style="text-align: center; font-family: arial,helvetica,sans-serif;">===========================================<br>L O W L A N D S - L - 20 June 2009 - Volume 01<br style="color: rgb(153, 153, 153);"><span style="color: rgb(153, 153, 153);">Encoding: Unicode (UTF-08)</span><br style="color: rgb(153, 153, 153);">
<span style="color: rgb(153, 153, 153);">Language Codes: <a href="http://lowlands-l.net/codes.php">lowlands-l.net/codes.php</a></span><br>===========================================<br></div><br style="font-family: arial,helvetica,sans-serif;">
<span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="gI"><span class="gD" style="color: rgb(121, 6, 25);">M.-L. Lessing</span> <span class="go"><<a href="mailto:marless@gmx.de">marless@gmx.de</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">Subject: </span><span class="gI"><span style="font-family: arial,helvetica,sans-serif;">LL-L "Language planning" 2009.06.18 (04) [DE-EN-NDS]</span><br><br>
</span><div id=":em" class="ii gt">
<div bgcolor="#ffffff">
<div><font face="Times New Roman" size="4">Leve Joachim,</font></div>
<div>Â </div>
<div><font face="Times New Roman" size="4">uff! :-)) Wedder packst Du en ganzen
Barg in Din Mail, un ik warr versöken, de enkelten Pünkt to wägen.</font></div>
<div>Â </div>
<div><font face="Times New Roman" size="4">Also, toeerst fallt mi wedder op, wa
wenig ik vun de Spraakgeschicht verstah. Dat Hanseplatt kenn ik bloots vun poor
Faksimiles vun ole Uurkunnen. Dat hett also en Genitiv un en Dativ geven? Wöör
as "'s avends" heff ik jümmers en beten scheel ankeken; ik heff nich över
nadacht, harr avers so'n Geföhl, dat dat ole Hochdeutschizismen weern!!! Da heff
ik denn ja totaal verkehrt leggen. Sachtens gifft dat gor keen
Hochdeutschizismen, de so oolt sünd, oder? Wa oolt is de öllste
Hochdeutschiszismus in Platt? </font></div>
<div>Â </div>
<div><font face="Times New Roman" size="4">Nu is dat avers so, dat de
allermehrsten Plattsnackers den pd. Dativ un Genitiv nich kennt. In ehr Platt,
dat se (vun Kind an, in poor wenige Fäll) lehrt hebbt, kümmt dat nich vör un
warrt ok nich nödig brukt. Dat is nich "ehr" Platt. De Fraag is wedder, kriggst
düsse Plattsnackers dorto, solk Formen to bruken? Un jümmers noch, worüm
schullst dat versöken? Man da will ik noch wieder nerrn op kamen.</font></div>
<div><font face="Times New Roman" size="4">Â </font></div>
<div>
<div><font face="Times New Roman" size="4">Liekso mit dat, wat Du vun dat "sch"
vertellst. Is "sal" öller, originaler as "schall"? In den Tungslag, den ik kenn,
warrt dat "-tion" t.B. in "Information" in en eenzigen, weken, breden Zischluud
verwannelt: "Informaschoon". So schriff ik dat ok, un ik harr bether dacht, dat
weer besünners plattdüütsch. Denn jedereen kennt doch dat, wat he/se höört hett,
as "dat oginaale Platt"!</font></div></div>
<div>Â </div>
<div><font face="Times New Roman" size="4">Bi de schrievtechnischen un
grammatischen Details bün ik gau afhangt, un wenn ik afhangt bün, warr ik
groottöögsch :-) (Ha! "Groottöögsch" is in düsse Schrievwies en Woort,
'neem 3 Duppelluden direktemang opnanner folgt! Dat schall mal en anner Spraak
namaken!) Dormit meen ik: Ji Facklüüd köönt dat maken, as Ji wüllt. Ik warr mi
denn later mehr orr minner an hollen. Wat Du vun de kotten un langen Vokaaln
schriffst, lücht mi in, un de Bremer Schrievwies mit düsse Dingsdas ünner de
Bookstaven is wohrschienlich en Tortuur op'e PC-Tastatuur, alleen dorwegen bün
ik da liekso skeptisch as Du. Dat mit dat ie för en langes i sitt us all vun't
Hoochdüütsche her in de Knaken, man wenn een "wat Niees" schrieven will, denn
stöött ja ok de Nich-Westfalen op düt Problem. (Utnahmen de, de "wat Nieges" orr
"wat Niedes" schrievt.) Also, vun de Details her stah ik so dorto:</font></div>
<div>Â </div>
<div><font face="Times New Roman" size="4">1. De Schrievwies, da bün ik
verdreeglich un laat de Facklüüd gröttstendeels maken. En eenheitliche
Schrievwies is mi recht.</font></div>
<div>Â </div>
<div><font face="Times New Roman" size="4">2. Wat de Grammatik is, da fangt min
Skepsis al an. Worüm den Dativ un Genitiv inföhren? Ik meen, de Grammatik vun en
vereinheitlichtes Platt schull so neeg an dat Platt vun hüüt ween, as dat man
even geiht.</font></div>
<div>Â </div>
<div><font face="Times New Roman" size="4">Nich dat Du denkst, ik will en
Fack-Menen gellen maken. Nee, ik glööv, de dörsnittliche Plattsnacker warrt ganz
liek reageern. Ut'n Buuk rut, as wi vundaag seggt, also na't Geföhl. Un dat
entscheidt ja jümmers.</font></div>
<div>Â </div>
<div><font face="Times New Roman" size="4">Nu is da avers noch de ganze Fraag:
Worüm? Ik versöch mal, dat in Stichpünkt optoschrieven:</font></div>
<div>Â </div>
<div><font face="Times New Roman" size="4">1. Du wullt sotoseggen en
plattdüütsches Esperanto ut de ole Hansespraak schaffen. </font><font face="Times New Roman" size="4">Bruukt wi dat würklich?</font></div>
<div>Â </div>
<div><font face="Times New Roman" size="4">2. </font><font face="Times New Roman" size="4">Liek as Esperanto weer Din nieg-ole Spraak tosättlich to
de egen Platt-Dialekten, de de Lü in de Wahnstuuv usw. snackt. (Du schriffst
"<font face="Arial" size="3">Dat bruukte je nich (gliiks) de sprauke for de
regionaalen vertellsels un riimels to siin, auk nich de geliegenheytssprauke in
de privaate ünnerholleng van platsnackern hir un daar."). </font>De niege
Hoochspraak mööt se also extra lehren. Dat mutt denn en heel goden Grund
hebben. Hoochdüütsch gifft dat ja al.</font></div>
<div>Â </div>
<div><font face="Times New Roman" size="4">3. Du hest de Spraak vörsehn as en
Hooch- un Kultuurspraak. Dat heet, Texten in düsse ganz niege Spraak mööt ganz
nieg un extra för düssen Zweck schreven warrn. Un bloots bi solk Gelegenheiten,
as Du andüüdst -- wenn nämlich ünnerscheedlich Plattsnackers to kulturellen orr
wetenschaplichen Uttuusch tohoopkaamt --, warrt düsse Spraak snackt. Denn tohuus
snackt ja jedereen sin Dialekt.<br>Jungedi, kann en Spraak ünner düsse Bedingen
leven? Esperanto hett dat reinweg licht dorgegen!</font></div>
<div>Â </div>
<div><font face="Times New Roman" size="4">4. Ik seh jümmers noch nich, woso
sogoor denn so en eenheitliche Hoochspraak nödig is. Dat rükt mi allens to dull
na Retorte. Ehr extra to lehren kost Opwand; liek so lichtfarig köönt de
ünnerscheedlichen Plattsnackers ehr *passives* Plattverstahn orrig breder maken,
dat se een den annern in sin Heimatdialekt verstaht. *Aktiv* snackt denn
jedereen sin egen Dialekt, den de anner passiv versteiht. Dat weer üm un bi dat,
wat ik mi ünner de praktische "Standardveelfalt" vörstelln do.</font></div>
<div>Â </div>
<div><font face="Times New Roman" size="4">5. Wenn Hoochspraak, worüm torüchgahn
in de Hansetied? De pd. Spraak hett sik doch entwickelt, is wiedergahn, un dat
nich bloots divergent in mennig Dialekten; nee, se hebbt ok Gemeensames, dat
nieger is as de Hansespraak. Dat schull bibehollen warrn, denk ik. En
eenheitliche Spraak, wenn överhaupt, schull so neeg an de aktuellen
Platt-Dialekten ween, as dat man even geiht!</font></div>
<div>Â </div>
<div><font face="Times New Roman" size="4">6. Mit welk Argumenten wullt Du düsse
niege Spraak populär maken? Du schriffst: "<font face="Arial" size="3">Dat hänk
daarvan af, of dat genoug "affacionados" gift, düsse sprauke nich blaut wiägen
de döünekes un de gemöütlikheyt liewet, man auk wiils en kultuursprauke met
niwoo was un de man nich unnergaunen lauten wil. </font>". Vun Unnergahn kann
avers keen Reed nich ween, denn de niege Spraak is ja ganz frisch. Dat
"Konservierungs-Argument", dat faken för dat Platt vun hüüt in't Feld föhrt
warrt, gellt also da nich.</font></div>
<div>Â </div>
<div><font face="Times New Roman" size="4">7. Du kannst mit Recht seggen, dat de
enkelten Dialekten un ehr Veelfalt för Lü, de Pd. nieg lehren wüllt, en Hürde
sünd un ehr biester maken köönt. Avers wenn de Lü, de "Platt" lehren wüllt,
staats en Dialekt de Hoochspraak lehrt, lehrt se denn wat, wat in de Wahnstuven
gor nich snackt warrt. Dat helpt ehr ok nich wieder.</font></div>
<div>Â </div>
<div><font face="Times New Roman" size="4">Alltohoop meen ik, dat Hanseplatt is
wiss en faszineern Saak, avers ik bün nich vun Menen, dat en eenheitliche pd.
Snack so bitter nödig deit un wenn doch, dat de olen Foormen us da dull
wiederhelpen wöörn. En levige nedderdüütsche Hoochspraak finnt wi an'n ehesten
in de Nedderlannen. Ik wöör ehrder da henkieken, avers de Veelfalt vun pd.
Dialekten mag ik ok denn nich recht opgeven. Wenn wi de Dialektveelfalt in en
Starkde verwanneln kunnen, weern wi veel wieder.</font></div>
<div>Â </div>
<div><font face="Times New Roman" size="4">Hartlich!</font></div>
<div>Â </div>
<div><font face="Times New Roman">Marlou</font></div>
<div><font face="Times New Roman">(Hamborg/Holsteen)</font></div></div>
</div><br>----------<br><br><meta http-equiv="Content-Type" content="text/html; charset=utf-8"><meta name="ProgId" content="Word.Document"><meta name="Generator" content="Microsoft Word 11"><meta name="Originator" content="Microsoft Word 11"><link rel="File-List" href="file:///C:%5CDOCUME%7E1%5CRon%5CLOCALS%7E1%5CTemp%5Cmsohtml1%5C01%5Cclip_filelist.xml"><style>
<!--
/* Font Definitions */
@font-face
{font-family:SimSun;
panose-1:2 1 6 0 3 1 1 1 1 1;
mso-font-alt:宋体;
mso-font-charset:134;
mso-generic-font-family:auto;
mso-font-pitch:variable;
mso-font-signature:3 135135232 16 0 262145 0;}
@font-face
{font-family:"\@SimSun";
panose-1:2 1 6 0 3 1 1 1 1 1;
mso-font-charset:134;
mso-generic-font-family:auto;
mso-font-pitch:variable;
mso-font-signature:3 135135232 16 0 262145 0;}
/* Style Definitions */
p.MsoNormal, li.MsoNormal, div.MsoNormal
{mso-style-parent:"";
margin:0in;
margin-bottom:.0001pt;
mso-pagination:widow-orphan;
font-size:12.0pt;
font-family:"Times New Roman";
mso-fareast-font-family:SimSun;}
@page Section1
{size:8.5in 11.0in;
margin:1.0in 1.0in 1.0in 1.0in;
mso-header-margin:.5in;
mso-footer-margin:.5in;
mso-paper-source:0;}
div.Section1
{page:Section1;}
-->
</style>
<p class="MsoNormal"><span style="font-size: 11pt; font-family: arial,helvetica,sans-serif;" lang="NL">From: R. F. Hahn <<a href="mailto:sassisch@yahoo.com">sassisch@yahoo.com</a>><br>Subject: Language planning<br>
<br>Leve Lüüd',<br>
Na mien Verschääl is dat Planen vun düt un dat Woord nich vun groot Belang. Dat bringt
villicht mehr Nadelen as Vördelen vun wägen dat "noorddüütsche
Stuurhaftige" ("So snackt <i>wi</i> nich!"). So lang as man de
Schriefwies' œverregionaal un konsequent is (eendoont of up 'n hanseaatsche Wies' [as ik 't </span><span style="font-size: 11pt; font-family: arial,helvetica,sans-serif;" lang="NL">ünnen wies']</span><span style="font-size: 11pt; font-family: arial,helvetica,sans-serif;" lang="NL"> or
nich) un de Dialekten nich doot maakt -- un dat weer schöön, wenn us Lüüd' in de Nedderlannen mit bedacht wöörn
-- vääl, vääl schräven ward un de Minschen annere Dialekten höört un lääst,
so kann Allens lichtfardiger in sien Spoor kamen. So as in't Nynorsk vun
Noorwägen kann denn elk Spräker un elk Schriever sien egenen neen Wöör as Vörslääg'
bruken. Annere Spräkers un Schrievers nähmt sik denn an, wat jüm toseggt, un
bilütten kümmt 'n Slag "soft standard" up de Been. So hett 't bi all
de Standardspraken anfungen. Dat is so wat as "organic growth".<br>
Grötens,<br>
Reinhard/Ron<br>
Seattle, USA<br>
<br>
Leyve luyd',<br>
Na myn verscheel is dat planen vun düt un dat wourd nich vun groot belang. Dat
bringt villicht meyr nadeylen as vördeylen vun wegen dat "nourdduytsche
stuurhaftige" ("So snakt <i>wi</i> nich!"). So lang as man dey
schryvwys' Å“verregionaal un konsekwent is (eyndound of up 'n hanseaatsche wys'</span><span style="font-size: 11pt; font-family: arial,helvetica,sans-serif;" lang="NL"> [as ik 't hyr </span><span style="font-size: 11pt; font-family: arial,helvetica,sans-serif;" lang="NL">wys']</span><span style="font-size: 11pt; font-family: arial,helvetica,sans-serif;" lang="NL"></span><span style="font-size: 11pt; font-family: arial,helvetica,sans-serif;" lang="NL"> or nich) un dey dialekten nich dood maakt
-- un dat weyr schoyn, wen us luyd' in de Nedderlanden mit bedacht woyrden --
veel, veel schreven wardt un dey minschen annere dialekten höört un leest,
so kan allens lichtvardiger in syn spour kamen. So as in't Nynorsk vun Nourwegen
kan den elk spreker un elk schryver syn eygenen neyen woyrd' as vörsleeg' bruken. Annere
sprekers un schryvers neemt sik den an, wat jüm tou-segt, un by lütten kümt 'n slag "soft standard" up dey beynen. So het 't by al dey standardspraken an-vungen.
Dat is so wat as "organic growth".</span><br style="font-family: arial,helvetica,sans-serif;"><span style="font-size: 11pt; font-family: Arial;" lang="NL"><span style="font-family: arial,helvetica,sans-serif;">
Groytens,</span><br style="font-family: arial,helvetica,sans-serif;"><span style="font-family: arial,helvetica,sans-serif;">
Reinhard/Ron</span><br style="font-family: arial,helvetica,sans-serif;"><span style="font-family: arial,helvetica,sans-serif;">
Seattle, USA</span><br style="">
<br style="">
</span></p>
<br><br>
•
<p>
==============================END===================================
<p>
* Please submit postings to lowlands-l@listserv.linguistlist.org.
<p>
* Postings will be displayed unedited in digest form.
<p>
* Please display only the relevant parts of quotes in your replies.
<p>
* Commands for automated functions (including "signoff lowlands-l")
<p>
are to be sent to listserv@listserv.linguistlist.org or at
<p>
http://linguistlist.org/subscribing/sub-lowlands-l.html.
<p>
*********************************************************************