<div style="text-align: center; font-family: arial,helvetica,sans-serif;">===========================================<br>L O W L A N D S - L - 21 June 2009 - Volume 03<br style="color: rgb(153, 153, 153);"><span style="color: rgb(153, 153, 153);">Encoding: Unicode (UTF-08)</span><br style="color: rgb(153, 153, 153);">
<span style="color: rgb(153, 153, 153);">Language Codes: <a href="http://lowlands-l.net/codes.php">lowlands-l.net/codes.php</a></span><br>===========================================<br></div><br style="font-family: arial,helvetica,sans-serif;">
<div style="font-family: arial,helvetica,sans-serif;"><font size="2">From: Hannelore Hinz <<a href="mailto:HanneHinz@t-online.de" target="_blank">HanneHinz@t-online.de</a>|></font></div>
<div style="font-family: arial,helvetica,sans-serif;"><font size="2">Subject: LL-L "Language planning" 2009.06.20 (01)
[NDS]</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Leiw' Frünn', </font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">ob mien Gedanken hier so rinpassen, weit ick nich
so recht, oewer Ron kriggt dat all hen.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Wecker kennt noch Gerd Lüpke (ein Perfesser mit
hoge Verdeinsten). Ein deipe Fründschaft mit dat Schriewer-Poor Gerd un Irmgard
(Greif-Lüpke) höllt ümmer noch; nu mit sien Wittfru.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Wat de Grammatik angeiht, later noch nahdenkern
Wüür.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">G. Lüpke ut Varel schrew 6. Mai 2000 an mi
(Strämel ut dissen Breif):</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Un kümmt noch tau, dat ick giern an Di schrieben
dau.</font></div>
<div style="font-family: arial,helvetica,sans-serif;"><font size="2">Nu över tau Dienen Breif. Inga is stolt as son Hahn
- nee, as son Kluck up'n Meß, indäm ehr Geschicht Di so gaud geföllt un Du Di
dor so väl Gedanken üm makt hest:</font></div>
<div style="font-family: arial,helvetica,sans-serif;"><font size="2">Ick mein, Du hest dat bäten tau dull mit de klauken
Vörschriften, Hanning. Wossidlo hett ganz, ganz grote Verdeinsten, dat is klor,
öwer'n Minsch wier he ok man. Vörschriften wat de Formen angeiht, sünd nödig un
könen Holt gäben. Öwer de Gedichten maken wi! Wi un nich de klauken Theoretiker.
Un wenn wi de Formen kennen un meinen, wi müßten dor öwer weg - wägen de Saak,
wägen dat Gedicht un dat, wat dat seggen will un sall - denn hebben wi dat
Recht, uns dor ok öwer wegtausetten. Dichtung läwt - öwer Formen sünd man dat
Skelett - un dat kannst bögen. Öwer wenn Dichtung läben sall, denn möt Fleisch
un Blaut up dat Skelett. Un dat kümmt nu mal von uns. Ick weit, dat willen väle
von de klauken Akkemickers nicht weiten - öwer dat sünd denn ja ok man blot de
Eunuchen, de woll weiten, woans dat makt warden möt, de dat öwer sülben nich
könen. So väl tau de Theorie.</font></div>
<div style="font-family: arial,helvetica,sans-serif;"><font size="2">Ick pack Di mien Basha-Essay mit in. Denn ja
ok noch mal mien eigen Haiku "Lotos und Weidenbaum" tau'n Ankieken, wenn Di ok
de intressieren daun. Möst denn man seggen. (Ende)</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Wi hebben jeden Sünndag per Quasselstripp vertellt.
As wi up de Grammatik tau snacken kämen, säd hei: Hanning, mak dat nich tau dull
mit de Grammatik, mit ehr maken wi uns Sprak kaputt.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Un dor is väl an wohr. Bi mien' Vörgänger (ein hd.
un nd. Schriftsteller) sünd de "Erwachsenen", Lehrer, Ärzte, Hausfrauen usw.
usw. nah ein Semester nich wedderkamen. Sei harden de Näs' vull, ja, sei sünd
weglopen 1977/78. Denn hett de Direkter von de VHS (feinen Kierl) so lang mit mi
rümmegummelt (gebettelt), un ick säd tau. Un woans ick de Saak angahn bün, dat
is ein anner Geschicht.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Ick heff 27 Johr (nebenberuflich)Â un nu noch 3
Johr (ut Freud) mit de Mitmakers wierermakt, un so sall dat blieben. Probleme,
wat de Grammatik angüng, man blotsen</font> </div>
<div style="font-family: arial,helvetica,sans-serif;"><font size="2">bi de Konjugation Präsens as Bispill: ick gah, du
geihst, hei sei dat (et) geiht, wi gahn (so heit dat hier), ji gaht, sei gahn.
Fief bet teihn Minuten un nich länger... süss...oha.</font></div>
<div style="font-family: arial,helvetica,sans-serif;"><font size="2">Un wenn wi Reuter, Brinckman, Groth, Bellmann, ok
R. Hahn lääst hebben, also mit de Klür von ehr Platt, denn hett dat
ofteins heiten "... bi uns Tauhuus seggen wi dat ganz anners", un dat
möten annähmen un jeder hett't veertellt. Ick wull man seggen, </font><font size="2">wer uns' Spraak snackt, de kann ok de Klür von anner pd.
Spraken bestens verstahn. Dor möten wi gor nich soväl Ümstänn' mit maken, dat
fäuhlt man doch gliek.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">In de iersten Johrn bi de VHS haar ick so an 25
Mitmakers (Fortgeschrittene), un bi de </font></div>
<div style="font-family: arial,helvetica,sans-serif;"><font size="2">Anfänger binah so väl. Heff je noch all' de Listen
un Lihrprogramme, man de müßt ick ok noch utklamüsern, wiel 't hier noch kein
gäw. Un ahn PC, man blot mit ein klapperig Schriewmeschin, wat'n hüt nich
mir glöwen will usw.. Un denn gew't nich dat "Durchschlagpapier", wat hetten
sick dunnmals afquäln möten.</font></div>
<div style="font-family: arial,helvetica,sans-serif;"><font size="2">(Un denn noch de Bang vör gewisse
Aportendräger.)</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Dit is nu mien Wuurt taun Sünndag.</font></div>
<div style="font-family: arial,helvetica,sans-serif;"><font size="2">Wi möten mihr an dat Bestahn von uns' Spraak
denken.</font></div>
<div style="font-family: arial,helvetica,sans-serif;">Â </div>
<div style="font-family: arial,helvetica,sans-serif;"><font size="2">Von Harten mien Gräuten.</font></div><br style="font-family: arial,helvetica,sans-serif;"><br style="font-family: arial,helvetica,sans-serif;"><br style="font-family: arial,helvetica,sans-serif;">
•
<p>
==============================END===================================
<p>
* Please submit postings to lowlands-l@listserv.linguistlist.org.
<p>
* Postings will be displayed unedited in digest form.
<p>
* Please display only the relevant parts of quotes in your replies.
<p>
* Commands for automated functions (including "signoff lowlands-l")
<p>
are to be sent to listserv@listserv.linguistlist.org or at
<p>
http://linguistlist.org/subscribing/sub-lowlands-l.html.
<p>
*********************************************************************