<div style="text-align: center; font-family: arial,helvetica,sans-serif;">===========================================<br>L O W L A N D S - L - 24 December 2009 - Volume 02<br style="color: rgb(153, 153, 153);"><span style="color: rgb(153, 153, 153);"><a href="mailto:lowlands.list@gmail.com">lowlands.list@gmail.com</a> - <a href="http://lowlands-l.net/">http://lowlands-l.net/</a></span><br style="color: rgb(153, 153, 153);">
<span style="color: rgb(153, 153, 153);">Encoding: Unicode (UTF-08)</span><br style="color: rgb(153, 153, 153);"><span style="color: rgb(153, 153, 153);">Language Codes: <a href="http://lowlands-l.net/codes.php">lowlands-l.net/codes.php</a></span><br>
===========================================<br></div><br style="font-family: arial,helvetica,sans-serif;"><span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="gI"><span class="gD" style="color: rgb(0, 104, 28);">victorie.a</span> <span class="go"><<a href="mailto:victorie.a@home.nl">victorie.a@home.nl</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">Subject: </span><span style="font-family: arial,helvetica,sans-serif;" class="gI">Karstfeest</span><br style="font-family: arial,helvetica,sans-serif;"><br style="font-family: arial,helvetica,sans-serif;">
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">Moi lèeglaanders</span></font></p>
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">Vanuut ’t Ogeveine een gezegend karstfeest.</span></font></p>
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">Hieronder een karstverhaal uut vrogger tieden</span></font></p>
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">Arend Victorie</span></font></p>
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">’t Ogeveine</span></font></p>
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">Drenthe</span></font></p>
<p style="font-family: arial,helvetica,sans-serif;" class="MsoNormal"><font size="2"><span style="font-size: 10pt;">Nederlaand.</span></font></p>
<p style="font-family: times new roman,serif;" class="MsoNormal"><font size="3"><span style="font-size: 12pt;">De vèurspelling in de karstnacht.</span></font></p>
<p style="font-family: times new roman,serif;" class="MsoNormal"><font size="3"><span style="font-size: 12pt;">Op midder-karstnacht wörde der verteld dat de dieren kunt praoten.</span></font></p>
<p style="font-family: times new roman,serif;" class="MsoNormal"><font size="3"><span style="font-size: 12pt;">Juust as de klokke twaalf ure zal slaon verteld zij menaar vrumde
dinger.</span></font></p>
<p style="font-family: times new roman,serif;" class="MsoNormal"><font size="3"><span style="font-size: 12pt;">Mienigiene, wel neisgierig was, perbèerde in die nacht te vernèmen wat
’t vee onder menaar te vertellen had. En mienigien hèurde dan dinger die
hij ’t liefste nooit ehèur hadde.</span></font></p>
<p style="font-family: times new roman,serif;" class="MsoNormal"><font size="3"><span style="font-size: 12pt;">Zo was der ok ies een boer die in de karstnacht naor zien stal gung
umme zien vee an te hèuren. Hij gung hiel veurzichtig de stal in, verschuulde
zich in een nis en wachte töt de klokke middernacht anwèes. Zien jaank umme te
weten war der komend jaor gebeuren zal, was zo groot, dat hij de verzuuking
niet had kunnen weerstaon en een plekkie vlakbij koe en peerd zöcht, umme ’t
gesprek of te luustern. Stief van de zenings wachte hij of. En töt zien
verbaozing klunk daor iniens de stemme van zien peerd in de stille en bedomte
stal. “Der is sinds veurig karstmis alweer een jaor veubij”. Heurde
hij zien peerd zeggen. “Ja”, zee de koe, “t Was een good
jaor, ’t komend jaor liekt niet zo best.” “Nee,’t
benauwt mij arg” en ’t peerd zuchte, “t benauwt mij arg”.
“Mij ok”, was ’t weerwoord van de koe, “mar veur oe is ’t
veul arger”. “Och”, zee ’t peerd, “de boer was
altied zo goed veur mij en dan te bedeinken, dat ik hum zölf mut wegbrengen”.
“Dat is ok arg en ie ontkoomt der niet an”, zee de koe. “Nee”,
zuchte ’t peerd, “daor ontkoom ik niet an. Mar ’t is nog gien
mei”. De karkklokke had zien twaalf slagen edaone en koe en peerd stunden
weer net zo onneuzel te kieken as toen de boer stiekem de stal was
binnen-ekomen…’t Ende van zien leven….. Lag dat niet verbörgen
in de weinige woorden deur de beide dieren ewisseld? Hij gung langzem deur de
schuure en zöcht zien beddestèe weer op umme te gaon slaopen. Mar hoe hij ok
keerde en wende, hij kun de slaop niet te pakken kriegen. Zien vrouwe begreep
der niks van en vreug hum naor de reden van zien onröst. Nörs gaf hij te kennen
dat zij stille mus weden. De dagen gungen traog veurbij en de boer zun op een
meniere umme an ‘t noodlot dat hij veur zuch zag, te ontkomen. Hij
besleut ten ende raod zien peerd, wel hum altied goed ediend had, te verkopen,
umme teminste een diel van zien onröst kwiet te raken. ’t Peerd verkocht
hij an een boer, die een hiel ende varder weg woonde, zodat der gien kaans zul
weden, dat ’t hum naor zien groeve kun brengen. Hij kochte een aander
peerd weer, mar hij miste zien olde peerd bij al ‘t wark. Zien naober wörde
ziek en kwam te verstarven en zien boerderije wörde an een aander verhuurd. Die
aander was de boer an wie hij zien peerd har verkocht!... Toen mei in ’t
laand kwam, trök de neie huurder in de naoburige woning. Daordeur aovervöl de
boer een grote aangst en hij duurde zien huus niet uut, umdat hij bange was een
ongelok te kriegen en te starven. Waor hij buutenshuus bange veur was dat
aoverkwaamp hum in zien eigen huus. Hij vol deur ‘t balkenslob, toen hij
heui naor beneden gooide en brak zien nekke. En zien eigen peerd, now van zien
naober, trök de wagen, waormit hij naor zien groeve ebracht wörde…</span></font></p>
<p style="font-family: times new roman,serif;" class="MsoNormal"><font size="3"><span style="font-size: 12pt;">Bron Dreinse Volksoaverleverings J. H. Bermans-Beins 1933</span></font></p><br>
<p>
==============================END===================================
<p>
* Please submit postings to lowlands-l@listserv.linguistlist.org.
<p>
* Postings will be displayed unedited in digest form.
<p>
* Please display only the relevant parts of quotes in your replies.
<p>
* Commands for automated functions (including "signoff lowlands-l")
<p>
are to be sent to listserv@listserv.linguistlist.org or at
<p>
http://linguistlist.org/subscribing/sub-lowlands-l.html.
<p>
*********************************************************************