<div style="text-align: center; font-family: arial,helvetica,sans-serif;">===========================================<br>L O W L A N D S - L - 27 December 2009 - Volume 05<br style="color: rgb(153, 153, 153);"><span style="color: rgb(153, 153, 153);"><a href="mailto:lowlands.list@gmail.com">lowlands.list@gmail.com</a> - <a href="http://lowlands-l.net/">http://lowlands-l.net/</a></span><br style="color: rgb(153, 153, 153);">
<span style="color: rgb(153, 153, 153);">Encoding: Unicode (UTF-08)</span><br style="color: rgb(153, 153, 153);"><span style="color: rgb(153, 153, 153);">Language Codes: <a href="http://lowlands-l.net/codes.php">lowlands-l.net/codes.php</a></span><br>
===========================================<br></div><br style="font-family: arial,helvetica,sans-serif;"><span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="gI"><span class="gD" style="color: rgb(121, 6, 25);">M.-L. Lessing</span> <span class="go"><<a href="mailto:marless@gmx.de">marless@gmx.de</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">Subject: </span><span style="font-family: arial,helvetica,sans-serif;" class="gI"><span style="font-family: arial,helvetica,sans-serif;">LL-L "Language promotion" 2009.12.27 (03) [DE-NDS]</span><br>
<br></span><div style="font-family: times new roman,serif;"><font size="4">Leev Hanning, leven Lü,</font></div>
<div style="font-family: times new roman,serif;">Â </div>
<div style="font-family: times new roman,serif;"><font size="4">wi wüllt all de Sprook wohren, dat
schulln wi eerstmal fasthollen. Wi wüllt ehr ok utbreden, denk ik; wi all wüllt,
dat mehr un jüngere Snackers en godes Platt beherrscht un Togang to mehr pd.
Informaschonen hebbt, wieldess de regionale un veelfältige Charakter vun Platt
wohrt blifft. So wied sünd wi övereen? Good. Wat wi för de Spraak doon köönt un
wüllt, schull good dördacht ween. Dat schulln wi denn best hier tosamen maken.
Du, Hanning, betonst, dat de Spraak al so veel överstahn hett un wiss noch mehr
överstahn warrt ("<font size="2"><strong>de Fahn weiht all
oewer duusend Johr, </strong>un sei weiht noch, noch, un sei ward
weihn!</font>"). Marcus meent op de anner Siet, de Kulturverlust hett
hüüt ganz anner Tempo opnahmen, un veel davun warrt de Spraak nich mehr
överstahn, ehrdat se ünnergeiht (wenn ok mit weihen Fahn :-)). Dorwegen will
Marcus opleevst mit en "grotes" Medium as'n Kiekschapp-Senner Platt präsent
maken. Du, Hanne, wohrschuugst, de Spraak nu "<font size="2">'n Hittkopp mit "Schnell-Rezeptur" (womoeglich mit'n flinken raschen
Kakpott) up niemodsch' Oort mit Dunner un Blitz ünner de Lüüd to
bringen.</font>"Â Du meenst, wenn ik Di recht verstah, de Idee (den Droom,
dat Wulkenslott...) vun en Kiekschappkanaal orr (vöreerst) en Webstee,
'neem Platt in multimediale Wies ünner de Lü bröcht warrt. Richtig? As ik Marcus
verstah, hett he da nix Överflächlichs plaant, keen Schund; he will veelmehr
weertvulle un ganz normale Informaschonen in Platt faten. So as dat mit
Hoochdüütsch ok passeert. Richtig, Marcus? Man Du, Hanne, wohrschuugst, un
dat maakt mi nadenkern. Du hest veel Künn vun de pd. Konsumentenschap un ok vun
pd. Medienarbeit, un mi dücht, Du kunnst de Lowlanners nauer seggen,
wat Du för Probleme förchten deist.</font></div>
<div style="font-family: times new roman,serif;">Â </div>
<div style="font-family: times new roman,serif;"><font size="4">1. Wat nau is de "niemoodsch Aart", de
wi meiden mööt? Internet un TV wiss nich, de gifft dat ja al, un Du steihst dor
achter, dat weet wi. </font></div>
<div style="font-family: times new roman,serif;"><font size="4">2. Wenn de Spraak al so veel verkraft
hett, as Du seggst ("<font size="2"><strong>de Fahn weiht all
oewer duusend Johr, </strong>un sei weiht noch, noch, un sei ward
weihn!</font>"), woso schull se jüst an en Vörhebben as dat vun Marcus
Schaden nehmen? Welk borgen Gefohr sühst Du?</font></div>
<div style="font-family: times new roman,serif;"><font size="4">3. Du seggst: "<font size="2">Grote Schräd könn' noedige Epochen/Phasen in 'n Dutt maken</font>",
un dat maakt hellhöörn. Welk Phasen meenst Du? Fehlt Platt en
"Entwicklungsphase", ehrdat dat riep is för sowat as Feernsehn? Meenst Du, dat
de Spraak to ooltmoodsch is un moderniseert höört? Orr is de Konsumentenschap
nich praat daför? Slah doch mal vör, welk Schreed een toeerst doon schull,
dat so'n Projekt as Marcus sien Spood hebben kunn! Woans wöörst Du de Saak
anpacken?</font></div>
<div style="font-family: times new roman,serif;">Â </div>
<div style="font-family: times new roman,serif;"><font size="4">Blangenbi hest Du ganz recht, Hanne,
wenn Du mi wohrschuugst, mi nich to övernehmen. Jümmers, wenn mi en
Ünnerfangen good schient, bün ik as eerst dorbi, min Mitdoon in'n Ring to
smieten, wieldat dat de beste Aart is, en Saak to feddern; man dat heff ik nu al
bi so mennig Saken daan, dat meist nix mehr nablifft vun mi, un ik weet, dat ik
an min Grenz kamen bün. Maak Di keen Sorg, ik övernehm mi nich. </font></div>
<div style="font-family: times new roman,serif;">Â </div>
<div style="font-family: times new roman,serif;"><font size="4">Hartlich</font></div>
<div style="font-family: times new roman,serif;">Â </div>
<div style="font-family: times new roman,serif;"><font size="4">Marlou</font></div>
<div style="font-family: times new roman,serif;">Â </div>
<div style="font-family: times new roman,serif;"><font size="4">P.S. Mailst mi mal Din nieges Gedicht
över'n Klimawannel?</font></div><br style="font-family: arial,helvetica,sans-serif;"><span style="font-family: arial,helvetica,sans-serif;">----------</span><br style="font-family: arial,helvetica,sans-serif;"><br style="font-family: arial,helvetica,sans-serif;">
<span style="font-family: arial,helvetica,sans-serif;">From: </span><span style="font-family: arial,helvetica,sans-serif;" class="gI"><span class="gD" style="color: rgb(91, 16, 148);">Marcus Buck</span> <span class="go"><<a href="mailto:list@marcusbuck.org">list@marcusbuck.org</a>></span></span><br style="font-family: arial,helvetica,sans-serif;">
<span style="font-family: arial,helvetica,sans-serif;">
Subject: </span><span style="font-family: arial,helvetica,sans-serif;" class="gI">LL-L "Language promotion" 2009.12.27 (03) [DE-NDS]</span><br style="font-family: arial,helvetica,sans-serif;"><br style="font-family: arial,helvetica,sans-serif;">
<span style="font-family: arial,helvetica,sans-serif;">From: Hannelore Hinz  <</span><a style="font-family: arial,helvetica,sans-serif;" href="mailto:HanneHinz@t-online.de" target="_blank">HanneHinz@t-online.de</a><span style="font-family: arial,helvetica,sans-serif;"> <mailto:</span><a style="font-family: arial,helvetica,sans-serif;" href="mailto:HanneHinz@t-online.de" target="_blank">HanneHinz@t-online.de</a><span style="font-family: arial,helvetica,sans-serif;">></span><div style="font-family: arial,helvetica,sans-serif;" id=":1a5" class="ii gt">
><br>
<blockquote class="gmail_quote" style="border-left: 1px solid rgb(204, 204, 204); margin: 0pt 0pt 0pt 0.8ex; padding-left: 1ex;"><div class="im">
Subject: LL-L "Language promotion" 2009.12.26 (05) [DE-NDS]<br>
 Hallo leiwe Marcus un all' Lowlanners,<br></div>
 *de Fahn weiht all oewer duusend Johr,*<br>
</blockquote>
Richtig.<br>
<blockquote class="gmail_quote" style="border-left: 1px solid rgb(204, 204, 204); margin: 0pt 0pt 0pt 0.8ex; padding-left: 1ex;">
* *un sei weiht noch, noch,<br>
</blockquote>
Richtig.<br>
<blockquote class="gmail_quote" style="border-left: 1px solid rgb(204, 204, 204); margin: 0pt 0pt 0pt 0.8ex; padding-left: 1ex;">
un sei ward weihn!<br>
</blockquote>
Hm.<br>
Vör hunnert Johr weren dat noch so bi 20 Millionen Minschen
Plattsnackers, von de de grote Deel ok den ganzen Dag Platt snackt
hebbt. Vondaag sünd noch so bi 5 Millionen nableven. Dor sünd al de
mittellt, de blot "Hoochdüütsch op plattdüütschen Luudstand" snackt (un
ok "Nedderlandsch op Nedersaksischen Luudstand") un ok de, de man af un
to Platt snackt. Un von disse 5 Millionen staht bestimmt mehr as 4
Millionen al in't twete Halv von't Leven. Dood is de Spraak noch lang
nich, dat stimmt. Ik bün aver meist vermoden, dat de Fahn in Tokumst
blot noch labbig üm de Fahnenstang slackert. Stüttig in'n Wind knattern
schall se woll nich mehr. Nich ahn frischen Wind...<div class="im"><br>
<blockquote class="gmail_quote" style="border-left: 1px solid rgb(204, 204, 204); margin: 0pt 0pt 0pt 0.8ex; padding-left: 1ex;">
 Du hest di nu inreiht, dat finn ick grotorrig, hest all 'n Kumpelment
verdeint, denn jung' Lüüd bruken wi, wenn't güng bannig väl, de eins as
uns' Nahkamen dorför sorgen, dat de Wind ut all' Richtungen uns' Fahn
lustig fladdern lött.<br>
Man, du steihst an'n Anfang, uns' Spraak nich. Dat möten respektieren,
sick mit de Spraak vertruugt maken, all' ehrn Riekdaum annähmen un
begriepen un ok ehr männig Up un Dal, un för ehr Bestahn un Wiererkamen
instahn. Grote Dichters , Künstler un anner  einfache Lüüd ut verleden
Tieden, de wi binah all vergäten hebben un väl leiwe Minschen (ok
hütigendaags) ehr Gäben, männigmal mit Hartblaut, dat möten wi achten.<br>
Hefft ji dat bether all mitkrägen. Dor möten männigmal ahn Komputer-Technik  Literatur<br>
ok von dunnmals läsen.<br>
Uns' Spraak is nich krank, sei is all lang' ut de Winneln rut un hett sick grot rutreckt.<br>
Fählers liggen mihr an'n Ümgang un mit ehr Snacken un womoeglich an de Makers.<br>
Sei hett, na ja, segg ick mal "ehr Krise" (nich so leeg as de
Klimawannel, Wärerwannel), un wenn in so ein Tied noch all'n up'n Kopp
stellt ward. wat sall dor bi rutkamen, dennkann't blot leeger kamen.
Uns' Spraak is kein "Gegenstand", sei is "Uns' Mudderspraak", jawoll
Mudder un Spraak, de will man nu so so dägt, 'n Hittkopp mit
"Schnell-Rezeptur" (womoeglich mit'n flinken raschen Kakpott) up
niemodsch' Oort mit Dunner un Blitz ünner de Lüüd bringen. Grote Schräd
könn' noedige Epochen/Phasen in 'n Dutt maken. Uns' Spraak  paßt nich
in ein "Labor". Wat bether löp is gaud lopen, dat verdanken wi väl väl
väl Minschen hier un wietaf, ok unsen LL-L Baas, jawoll!<br>
Hest du di mal utkundschaft, wat Minschen nah ehren Arbeitsdag för uns
Platt makt hebben un ümmer wedder "ehrenamtlich" mit bi sünd. Kiek di
mal üm, dat is as in einen Immenrump, wo sick wohrhaftig wat deit.<br>
</blockquote></div>
"ehrenamtlich" is dat Problem. Dat reckt nich. Weertschop drifft uns
Welt an. Dat gifft noog Lüüd, de kannst du dusend Maal de Schöönheit
von de Spraak wiesen un se intresseert sik dor nich för. Aver wenn se
dor Euros mit maken köönt, denn kummt dat Intress! Dat mutt mööglich
wesen mit Plattdüütsch Geld to maken.<br>
Düütschland gifft 2009 97,9 Milliarden Euro för Bildung ut. Wenn dor
man 1% von för Plattdüütsch utgeven warrn dee (de Andeel von de
Platdüütschen an de Bevölkerung liggt bi 5%, fröher wohrschienlich över
30%), denn dee de plattdüütsche Kultur exploderen!<br>
De Staat hett in de Vergangenheit Billionen utgeven för en System, dat
dor op utricht weer oder dat tominnst ahn mit de Wimper to tucken
tolaten hett, dat Plattdüütsch bilütten utstarvt.<br>
Dat Recht op Moderspraak is en Minschenrecht. Un dit Minschenrecht
hebbt de Bundsrepubliek Düütschland un dat Königriek Nedderland för dat
Plattdüütsche ok goodkennt. Theoretisch hebbt de Plattdüütschen en
Anspruch dor op, dat in Plattdüütsch vergliekbor veel investeert warrt,
as in Hoochdüütsch un in all de annern Spraken von Düütschland (de aver
jüstso slecht dorstaht as Plattdüütsch). Wo liggt dat an, dat wi dor
Lichtjohren wied von af sünd? Dat liggt alleen dor an, dat nüms dat
infeddert! Passeert ja nix, wenn de Staat sik an sien Plichten nich
höllt. Un de Staat gifft blot Geld, wenn he wat op de Mütz kriggt,
falls he dat nich gifft. Wenn de Plattdüütschen maal den Staat op de
Mütz haut, denn kunnen se ok Geld kriegen. Se müssen em aver önnig op
de Mütz geven, dat he dat ok markt. Demos un sowat.<br>
<br>
Wenn wi sowat harrn as de Okzitaniers mit Anaram Au Patac, denn dee dat
al veel helpen. Ehrenamtliche Kulturarbeit is good, aver ahn Aktivismus
helpt de Hobbyismus nich veel.<br><font color="#888888">
<br>
Marcus Buck</font><br style="font-family: arial,helvetica,sans-serif;"></div><br style="font-family: arial,helvetica,sans-serif;">
•
<p>
==============================END===================================
<p>
* Please submit postings to lowlands-l@listserv.linguistlist.org.
<p>
* Postings will be displayed unedited in digest form.
<p>
* Please display only the relevant parts of quotes in your replies.
<p>
* Commands for automated functions (including "signoff lowlands-l")
<p>
are to be sent to listserv@listserv.linguistlist.org or at
<p>
http://linguistlist.org/subscribing/sub-lowlands-l.html.
<p>
*********************************************************************