<div style="text-align: center;">===============================================<br>L O W L A N D S - L - 21 February 2010 - Volume 03<br style="color: rgb(102, 102, 102);"><span style="color: rgb(102, 102, 102);"><a href="mailto:lowlands.list@gmail.com">lowlands.list@gmail.com</a> - <a href="http://lowlands-l.net/">http://lowlands-l.net/</a></span><br style="color: rgb(102, 102, 102);">
<span style="color: rgb(102, 102, 102);">Archive: <a href="http://listserv.linguistlist.org/archives/lowlands-l.html">http://listserv.linguistlist.org/archives/lowlands-l.html</a></span><br style="color: rgb(102, 102, 102);">
<span style="color: rgb(102, 102, 102);">Encoding: Unicode (UTF-08)</span><br style="color: rgb(102, 102, 102);"><span style="color: rgb(102, 102, 102);">Language Codes: <a href="http://lowlands-l.net/codes.php">lowlands-l.net/codes.php</a></span><br>
===============================================<br></div><br>From: <span class="gI"><span class="gD" style="color: rgb(0, 104, 28);">Jonny</span> <span class="go"><<a href="mailto:jonny.meibohm@arcor.de">jonny.meibohm@arcor.de</a>></span></span><br>
Subject: <span class="gI">LL-L "Language politics"<br><br></span><div><font face="Courier New">
<p style="margin: 0cm 0cm 0pt;" class="MsoNormal"><span lang="EN-US">Beste Lowlanners,</span></p>
<p style="margin: 0cm 0cm 0pt;" class="MsoNormal"><span lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">wenn Jii Lust hebbt, köönt Jii hier
maol lesen, wat mii leestda<span>o</span>gs ünnerkaomen
is. Veel Plezeeyr!</span></p>
<p style="margin: 0cm 0cm 0pt; text-align: center;" class="MsoNormal" align="center"><span lang="EN-US"> <br></span></p>
<p style="margin: 0cm 0cm 0pt; text-align: center;" class="MsoNormal" align="center"><span lang="EN-US"> </span></p>
<p style="margin: 0cm 0cm 0pt; text-align: center;" class="MsoNormal" align="center"><span lang="EN-US"><strong>Babylon
liggt anne Elv</strong></span></p>
<p style="margin: 0cm 0cm 0pt; text-align: center;" class="MsoNormal" align="center"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span><span lang="EN-US">Tjunge Dii – wat hebbt wii ‘n
greesigen Winter van Joahr! Magst gonne uut ‘n Huus gaohn, allerwärts ‘n dicke
Schicht Iis opp de Bürgerstiegen, un’ ouk opp de lütten Schosseeyn liggt jümmer
noch ‘n Barg fast-foyhrten Snay. Kaomst meist ne lang mit ‘n Auto. De
Ködelfegers harr’n jao ne ‘nough Solt; de hebbt sick jao woll tou dull opp de
“Globale Erwärmung” verlaoten.</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Dat hülp’ altohoup nix meyhr – ick
müss’ nu’ woll doch maol weller tou’n Inhaolen foyhr’n. Dat letzte Broud, wat
ick noch uut de Koyhl-Truhen haolt haar, weyr droyg, un’ de Roudspoon weyr mii
ouk uut-gaohn. Naja – sünd jao man drey Kilomeyters nao Kaodenbarg
(“Cadenberge”); dat schull jao woll ouk bii disse Witterung tou schaffen
ween....</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Ebent gouw den’n Snay van’t Auto
raokt, un’ denn güng’t lous nao’n ALDI. Weyr woll ‘n beten glatt oppe Straot,
aobers bii lütten haar ‘ck mi jao weller an dat Auto-Foyhrn in’n Winter ‘woyhnt.
Fein sinnig, ne tou veel Gas geben un’ ne unnoydig de ABS uut-perbeyrn, sou
güng’t meist commoud vööran.</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Man – hotzverdoori’! Opp eynmaol
verfaohr ick mii sou dull, wat ick full mit ‘n Fout opp dat Brems-Pedal petten
müss’ un’ meist in’n Schossey-Graoben landt’ weyr! Miin Hatten füng unklouk dat
Puchern an, an de Hannen kreyg ick Sweyt, de Haor’ stünnen nao <span>b</span>aoben un’ miin Kney bebern!
Nee-o-nee!</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Wat weyr passeyrt? ‘n UFO oppe
Straot, edders ‘n Mars-Minschen, de per Anhalter foyhrn
wull?</span></p>
<p style="margin: 0cm 0cm 0pt;" class="MsoNormal"><span lang="EN-US">Nee – dat woll nich’ jüss’, aobers
‘ex-orbitant’ weyr dat opp ‘n ‘wisse Wiis, wat mi daor toumoyt kaomen
weyr!</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">De Kaodenbarger harr’n ‘n nieget
Ourts-Schild kregen, sou’n groudet, geelet Ding. Dat gloor un’ blänker ennig,
sou nieg weer ‘t. Nu’ moygt Jii Jouw woll fraog’n, wosou kann ‘n sick vöör
‘n nieget Ourts-Schild sou verjaog’n!? Tja, mutt ick denn seggen, dat Schild
sülbst hett mii jao gonne bang maokt, man dat, wat daor opp tou Lesen
stünn!</span></p>
<p style="margin: 0cm 0cm 0pt;" class="MsoNormal"><span lang="EN-US">Baoben, in groude Bouk-Staoben,
steiht jümmers noch “Cadenberge”. Daorünner, wat lütter, kaomt “Landkreis
Cuxhaven”. Sou hett dat ouk all opp dat oule Schild staohn, daor weyr ‘ck jao an
‘woyhnt.</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Aobers denn kaomt daor ‘n Wourd,
daor kunn ick heyl un’ deyl keyn Hand an kriig’n:
“Cumbarg”!!!</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Miin eyrsten Gedanken: wat is hier
passeyrt? Hebbt doch de Klingonen de Macht in’n Gemeynt’-Raod öbernaohmen? Den’n
Burgmester aff-sett’ un’ ‘n vöörloypige extra-terrestrische Militärregeerung
maokt? Is dat nu’ Ingelsch un’ heyt (pardon!) ‘Cum-Mountain’ (‘Sperma-berg’)?
Ellers is de Maoler, de dat Schild faarvt hett, duhn ween? Schull daor woll ‘Zum
Berge’ uut waar’n?</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Opp ’n Parkplatz van ’n ALDI bün ‘ck
in ‘n Auto sitten bleben, hebb mii ‘n Zigarett’ ansteken un’ müss mii nu’
eyrs’-inns verhaol’n, van dissen Schrecken. Un’ denn keym ick in ‘t Grübeln. Wat
steekt daor woll achter, wat dat Dörp, in dat ick ‘bourn bün, nu’ as Ökelnaomen
“Cumbarg” kreegen hett? Wat ‘n Swiin-Egel hett sick dat uut-daocht? Eyn’ van de
Graffiti-Sprayers, mag ween uut Cuxhaoben? Nee – daor weyr ‘t ne schnörkelig
‘nough foyr schreeben, daorfoyr seyh ‘t tou offiziell uut.</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Un’ wat foyr ‘n Spraok schall ‘t
denn nu’ taotsächli’ ween?</span></p>
<p style="margin: 0cm 0cm 0pt;" class="MsoNormal"><span lang="EN-US">Plattdüütsch wiss ‘ne; denn müss dat
‘Kodenbarg” edders ‘Kaodenbarg’ heyten, edders ‘Cuddeldutt’ (‘Cuddel’ = ‘Kodder’
= Lumpen; ‘Dutt’ = kleiner Haufen), as welk’ Lüü’ in ‘n Spooß
seggt.</span></p>
<p style="margin: 0cm 0cm 0pt;" class="MsoNormal"><span lang="EN-US">Nee – wat daor nu’ opp ‘t Plitt
steiht, hett mit de mi bekannte lebende Spraoken amend nix tou douhn, dat is man
‘n öddelig’t “Slang”-Wourd, hett man jüst de Beteyknung “Verballhornung”
verdeynt.</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Wokeeyn hett dat woll
tougang-bröcht? Eyn Deyl weyt ‘ck: dat sünd Lüü’ ween, de nix van Platt un’ nix
van de eytmoloog’sche Herkumst van ‘Cadenberge’ watt
aff-weyt.</span></p>
<p style="margin: 0cm 0cm 0pt;" class="MsoNormal"><span lang="EN-US">Dat Wourd-Deyl ‘kade-‘ finnt wi in
Düütschland woll alleyn noch hier, in uns Lann’schopp: ‘Kehdingen’ (froyher
‘Kadingen’), ‘Alt-Kehdingen’, ‘Cadewisch’, ‘Kehdingbruch’ sünd b’langen
‘Cadenberge’ woll de letzten Resten van eyn Wourd, wat de Hollanners as
‘kade’ foyr ‘Kai’ kennt, un’ ouk al disse Ourts-Naomen hebbt wat mit ‘(houghe)
Kant’ an’n Waoter’ tou kriigen.</span></p>
<p style="margin: 0cm 0cm 0pt;" class="MsoNormal"><span lang="EN-US">Dat is ‘n our-oulet Wourd, mag ween,
all uut de oul’n Sassen-Tiiden, all vöör Karl den’n Grouden. Un’ jüst
‘Kaodenbarg’ (= ‘Berg an der Kante’) is wiss all ‘n ennig’ Stood öller un’
beseedelt ween as de offizielle “erste urkundliche Erwähnung” uut dat Jaohr
1148.</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Tja – nu’ steiht daor ‘Cumbarg’ opp
dat Schild, daorfoyr, wat de Touristen ennig in ‘t Tüdeln kaomt öber disse
verdreihte plattdüütsche Spraok. Un’ dat schall jao woll foyr lange Tiid staohn
bliiben....</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">Ellers doch ne? Ick hebb mii güstern
sou ’n Fliet-Dous’ köfft, mit swatte Faarv binnen. De bruuk ick foyr miin
Faohrrad....</span></p>
<p style="margin: 0cm 0cm 0pt;" class="MsoNormal"><span style="font-family: 'Times New Roman';" lang="EN-US"> </span></p>
<p style="margin: 0cm 0cm 0pt;" class="MsoNormal"><span lang="EN-US">(As ick weller ‘trüch in ‘n Huus
weyr, hebb ‘ck foors bii de.wiki stoybert – un’ kiek inns: daor steiht all lang
‘Cuddeldutt’ un’ ‘Kumbarg’. Daor hett woll all jichens sou’n Half-Plattdüütschen
an rüm-rütereyrt! Man – de Wirklichkeyt hett em all öberhaolt, dat is ouk
all weller Snay van güstern!)</span></p>
</font></div>
<div> </div>
<div align="left"><font face="Courier New">Allerbest!</font></div>
<div align="left"> </div>
<div align="left"><font face="Courier New">Jonny Meibohm</font></div>
<div align="left"><font face="Courier New">Lower Saxony, Germany</font></div><br><br><br>
<p>
<p>
==============================END===================================
<p>
* Please submit postings to lowlands-l@listserv.linguistlist.org.
<p>
* Postings will be displayed unedited in digest form.
<p>
* Please display only the relevant parts of quotes in your replies.
<p>
* Commands for automated functions (including "signoff lowlands-l")
<p>
are to be sent to listserv@listserv.linguistlist.org or at
<p>
http://linguistlist.org/subscribing/sub-lowlands-l.html.
<p>
*********************************************************************