<p class="MsoNormal" style="text-align: center; font-family: arial,helvetica,sans-serif;" align="center">=====================================================</p>

<p class="MsoNormal" style="text-align: center; font-family: arial,helvetica,sans-serif;" align="center">L O W L A N D S - L - 31 March - Volume 02<br>
<a href="mailto:lowlands.list@gmail.com" target="_blank">lowlands.list@gmail.com</a>
- <a href="http://lowlands-l.net/" target="_blank">http://lowlands-l.net/</a><br>
Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>
Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>
Encoding: Unicode (UTF-08)<br>
Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>
============================== =======================</p>

<p style="margin: 0in 0in 0.0001pt; font-family: arial,helvetica,sans-serif;"> </p>

<p style="font-family: arial,helvetica,sans-serif;" class="MsoNormal">From: Hannelore Hinz <<a href="mailto:hannehinz@t-online.de" target="_blank">hannehinz@t-online.de</a><br>
Subject: LL-L "Language varieties" 2011.03.31 (01) [EN]<br>
<br>
Hallo Lowlanners,<br>
<br>
ick mak mal den'n Anfang.<br>
<br>
Twei lütte säute Jungens-Twäschen nu all mit väl Kopps, hebben sick up ehr Oort
väl tau vertellen. Dat möt je bannig wichtig sien. Mit Da-da-da-Spraak un mit
eigen Regie (Gestikulation) mit de lütten Hänn' gäw de ein Butscher de Spraak
noch mihr Swunk. Spraak un Gestikulatschon stünn'n in' Harmonie (Einklang). <br>
<br>
Ümmer wedder heff ick dat Tauhüren ansett', wull tau giern den'n Rhythmus von
dat Spräken mitkriegen. Da da da da da, heff de Metrik mit Strichen
henkritzelt, künn dat oewer nich dörchstahn un möt woll noch mal ansetten. Dat
Da-da-da hett all ein eigen Melodie, de man in Noten setten künn, wohrhaftig.
Bi de Fragen, so vermaud ick dat, klüng de Stimm' nah baben.<br>
<br>
Ick mücht' woll meinen, so as sei jüst snackten, hebben sick ofteins Vadding un
Mudding wat tau seggen hatt. Künn je sien, Mudding hett Vadding noch up ein
fründlich Oort de Lex (eine Lektion erteilt) verhürt. (Künn ok von ein passiv' Mithüren von niemodsche Musik sien...mit väl
Bass-Bum-Bum...)<br>
<br>
De ein lütt Schietebücks hadd dat Wuurd un sett'te ümmer wedder an. De Ton
(Klang) von den'n annern Lütten klüng so as ein Begäuschen, as wenn hei blot
noch sien' Semp hentausetten wull, de hett woll Vadder sien'n Snack
oewernahmen.<br>
<br>
Kiek an, wat disse lütten Rabauken all so von sick gäben koenen...<br>
<br>
Tschä, un wat Vadding un Mudding sick villicht ofteins tau seggen harden,
weiten wi liekers nich.<br>
<br>
Gifft dat womoeglich noch ein Land up de Welt, wo de Minschen Da-da-da-da-da-da
.....da-da-da-da...usw. snacken...na ja, ick mein man so.<br>
 <br>
Dat is all lat, na denn...<br>
<br>
Dada Da.<br>
<br>
Hanne</p>

<p style="font-family: arial,helvetica,sans-serif;" class="MsoNormal"> </p>

<p class="MsoNormal" style="text-align: center; font-family: arial,helvetica,sans-serif;" align="center">=========================================================<br>
Send posting submissions to <a href="mailto:lowlands-l@listserv.linguistlist.org" target="_blank"><span style="color:windowtext;text-decoration:none;text-underline:none">lowlands-l@listserv.linguistlist.org</span></a>.<br>


Please display only the relevant parts of quotes in your replies.<br>
Send commands (including "signoff lowlands-l") to<br>
<a href="mailto:listserv@listserv.linguistlist.org" target="_blank"><span style="color:windowtext;text-decoration:none;text-underline:none">listserv@listserv.linguistlist.org</span></a>
or <a href="mailto:lowlands.list@gmail.com" target="_blank"><span style="color:windowtext;text-decoration:none;text-underline:none">lowlands.list@gmail.com</span></a><br>
<a href="http://linguistlist.org/subscribing/sub-lowlands-l.html" target="_blank"><span style="color:windowtext;text-decoration:none;text-underline:
none">http://linguistlist.org/subscribing/sub-lowlands-l.html</span></a>.<br>
<a href="http://www.facebook.com/?ref=logo#%21/group.php?gid=118916521473498" target="_blank"><span style="color:windowtext;text-decoration:none;text-underline:
none">http://www.facebook.com/?ref=logo#!/group.php?gid=118916521473498</span></a><br>
===========================================================</p>

<p style="font-family: arial,helvetica,sans-serif;" class="MsoNormal"> </p>