<div style="text-align: center"><font face="arial,helvetica,sans-serif">====================================================</font><font face="arial,helvetica,sans-serif"><br></font><font face="arial,helvetica,sans-serif"> L O W L A N D S - L - 05 July 2011 - Volume 03</font><font face="arial,helvetica,sans-serif"><br>

</font><font face="arial,helvetica,sans-serif"><a href="mailto:lowlands.list@gmail.com">lowlands.list@gmail.com</a> - <a href="http://lowlands-l.net/">http://lowlands-l.net/</a></font><font face="arial,helvetica,sans-serif"><br>

</font><font face="arial,helvetica,sans-serif"> Posting: <a href="mailto:lowlands-l@listserv.linguistlist.org">lowlands-l@listserv.linguistlist.org</a></font><font face="arial,helvetica,sans-serif"><br></font><font face="arial,helvetica,sans-serif"> Archive: <a href="http://listserv.linguistlist.org/archives/lowlands-l.html">http://listserv.linguistlist.org/archives/lowlands-l.html</a></font><font face="arial,helvetica,sans-serif"><br>

</font><font face="arial,helvetica,sans-serif"> Encoding: Unicode (UTF-08)</font><font face="arial,helvetica,sans-serif"><br></font><font face="arial,helvetica,sans-serif"> Language Codes: <a href="http://lowlands-l.net/codes.php">lowlands-l.net/codes.php</a></font><font face="arial,helvetica,sans-serif"><br>

</font></div><div style="text-align: center"><font face="arial,helvetica,sans-serif">=====================================================</font><font face="arial,helvetica,sans-serif"><br></font></div><div><font face="arial,helvetica,sans-serif"><br>

</font></div><font face="arial,helvetica,sans-serif">From: "Stellingwerfs Eigen" <<a href="mailto:info@stellingwerfs-eigen.nl">info@stellingwerfs-eigen.nl</a>></font><font face="arial,helvetica,sans-serif"><br>

</font><div><font face="arial,helvetica,sans-serif">Subject: LL-L "hujjen"</font><font face="arial,helvetica,sans-serif"><br></font></div><div><font face="arial,helvetica,sans-serif"><br></font></div><font face="arial,helvetica,sans-serif">Beste Lowlanders,</font><font face="arial,helvetica,sans-serif"><br>

</font><font face="arial,helvetica,sans-serif">De laeste daegen bin 'k as keuterboertien baandig in de weer west mit hujmaeken. Lichtkaans ok wel aorig om op disse LL-Lieste es te heuren en te kieken as zo'k wark mit al zien eigennaemen deur oons allemaole op dezelde meniere begrepen wodt.</font><font face="arial,helvetica,sans-serif"><br>

</font><font face="arial,helvetica,sans-serif"> </font><font face="arial,helvetica,sans-serif"><br></font><font face="arial,helvetica,sans-serif">Oflopen zaoterdagmiddag he'k zoe'n twienenhalf bunder netuurgrös veur de eerste mi'jd dit jaor. Vroeger wodde zoks deur een peerd veur een mesiene mit een mi'jbalke daon. Vandaege-de-dag doe'we dat mit een mederne cyclomi'jer an de trekker. Et is et beste om in de naomiddag te mi'jen want eerder op de dag zit d'r neffens kenners nog tevule eiwit in 't grös. Oons huj is veur de peerden en daor mag eins niet tevule eiwit in zitten. Veur koenen komt et niet zo krek.</font><font face="arial,helvetica,sans-serif"><br>

</font><font face="arial,helvetica,sans-serif"> </font><font face="arial,helvetica,sans-serif"><br></font><font face="arial,helvetica,sans-serif">De aanderedaegs - zundag dus - he'k een peer ure an 't keren west. De zwillen huj wo'n dan deur een zwadkeerder aachter de trekker over de kop keerd zodat de onderkaante dan boven komt te liggen en et zwad wat beter deurwi'jen kan. D'r ston een mooie zaachte noordoosten wiend. Et dreugde dan ok ommeraek. Stief langs de kaanten rondom et laand mos ik et vanzels wat mit de haand bi'jharken. Een mooi warkien veur de zundagmiddag.</font><font face="arial,helvetica,sans-serif"><br>

</font><font face="arial,helvetica,sans-serif"> </font><font face="arial,helvetica,sans-serif"><br></font><font face="arial,helvetica,sans-serif">Maendag he'k d'r nog es mit de trekker deurhenne west om et nog es weer omme te keren en et al aorig dreuge grös weer wat losser te maeken. Vandaege (deensdag) he'k et vot nao 't middagure mit een zweelmesiene aachter de trekker in wiersen zweelt. Om goed drie ure kwam de pakkiesmaeker en die het d'r twiehonderd en acht prachtig mooi wunnen huj van past. Een ure of wat naotied kwam d'r een ni'jmoodse plestifiseerder die de pakkies automaoties van de grond opnemt, d'r een protte gruun plestiek omhenne wikkelt en ze dan weer valen lat. Laot de regen now mar kommen.</font><font face="arial,helvetica,sans-serif"><br>

</font><font face="arial,helvetica,sans-serif"> </font><font face="arial,helvetica,sans-serif"><br></font><font face="arial,helvetica,sans-serif">Ien zoe'n pakkien weegt deurmekeer zoe'n vuvendattig kilo. Vroeger wodde dat mit pakkiestouw bi'j mekeer hullen. Vandaege-de-dag is dat touw ok al van een soorte van plestiek. Dit plestiek touw is naoderhaand ofval. Dat oolde touw daor maekte mien vader - en ik mos 'm dan helpen - mit touwdri'jen opni'j weer touw van. Vaeke een veur- of aachterliende waor de wezeboom mit vaastezet wodde op de hujwaegen. Hi'j maekte d'r ok wel koetouwen en helsters van. Mar goed, zo as et mit meer dingen gaot, dat bestaot niet meer. </font><font face="arial,helvetica,sans-serif"><br>

</font><font face="arial,helvetica,sans-serif"> </font><font face="arial,helvetica,sans-serif"><br></font><font face="arial,helvetica,sans-serif">Al mit al hewwe now roem zuven ton lekker huj liggen en hoeven oonze peerden et kommende winterschoft gien honger te lieden. As de nood an de man komt zo'k d'r lichtkaans zels nog wel van lusten.</font><font face="arial,helvetica,sans-serif"><br>

</font><font face="arial,helvetica,sans-serif"> </font><font face="arial,helvetica,sans-serif"><br></font><font face="arial,helvetica,sans-serif">Toch een hiel verschil mit vroeger daegen. Dan waj' veur zoe'n twienenhalf bunder meer as een hiele dag an 't mi'jen mit de zende. As d'r regen driegde mos et hiele spul vlogge in oppers zet wodden en de aanderedaegs weer uut mekeer stri'jd wodden. As 't even tegenzat mos et alderdeegst een peer keer in oppers en weer uut mekeer. D'r beston nog gien bujjeradar dat alles mos op et eigen gevuul. Aj' gelok hadden, of was et toch vakmaanschop, dan koj' nao daegen hiel hadde warken et huj binnenhaelen. Vandaege-de-dag is 't eins mar een tik an 't oor.</font><font face="arial,helvetica,sans-serif"><br>

</font><font face="arial,helvetica,sans-serif">Mit een vrundelike groet uut een zunnig Stellingwarf,</font><font face="arial,helvetica,sans-serif"><br></font><font face="arial,helvetica,sans-serif">Piet Bult</font><font face="arial,helvetica,sans-serif"><br>

</font><div><font face="arial,helvetica,sans-serif"><br></font></div><div style="text-align: center"><font face="arial,helvetica,sans-serif">=========================================================</font><font face="arial,helvetica,sans-serif"><br>

</font><font face="arial,helvetica,sans-serif">Send posting submissions to <a href="mailto:lowlands-l@listserv.linguistlist.org">lowlands-l@listserv.linguistlist.org</a>.</font><font face="arial,helvetica,sans-serif"><br>

</font><font face="arial,helvetica,sans-serif"> Please display only the relevant parts of quotes in your replies.</font><font face="arial,helvetica,sans-serif"><br></font><font face="arial,helvetica,sans-serif"> Send commands (including "signoff lowlands-l") to</font><font face="arial,helvetica,sans-serif"><br>

</font><font face="arial,helvetica,sans-serif"><a href="mailto:listserv@listserv.linguistlist.org">listserv@listserv.linguistlist.org</a> or <a href="mailto:lowlands.list@gmail.com">lowlands.list@gmail.com</a></font><font face="arial,helvetica,sans-serif"><br>

</font><font face="arial,helvetica,sans-serif"><a href="http://linguistlist.org/subscribing/sub-lowlands-l.html">http://linguistlist.org/subscribing/sub-lowlands-l.html</a> .</font><font face="arial,helvetica,sans-serif"><br>

</font><font face="arial,helvetica,sans-serif"><a href="http://www.facebook.com/?ref=logo#!/group.php?gid=118916521473498">http://www.facebook.com/?ref=logo#!/group.php?gid=118916521473498</a> </font><font face="arial,helvetica,sans-serif"><br>

</font><font face="arial,helvetica,sans-serif"> =========================================================</font><br><br>
</div>