<div style="font-family: arial,helvetica,sans-serif;" id=":12c" class="ii gt"><div id=":12b"><div><div><div><div><div><div><div><div><div><div><div style="text-align:center">=====================================================<br>
L O W L A N D S - L - 07 October 2011 - Volume 03<br>
<a href="mailto:lowlands.list@gmail.com" target="_blank">lowlands.list@gmail.com</a>
- <a href="http://lowlands-l.net/" target="_blank">http://lowlands-l.net/</a><br>
Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>
Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>
Encoding: Unicode (UTF-08)<br>
Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>
=====================================================</div><div><div>
<p class="MsoNormal"> </p>From: "Stellingwerfs Eigen" <<a href="mailto:info@stellingwerfs-eigen.nl">info@stellingwerfs-eigen.nl</a>><br>
Subject: LL-L "Etymology"<br><br><div>Hi All,</div>
<div>Just an etymology story about the word 'groeten'...</div>
<div> </div>
<div><strong>De groeten</strong><br>Een speciaol oold-Saksisch woord eins, dat
groeten. Aj't een peer honderd jaor leden in et oolde Saksenlaand over groeten
hadden dan reup ie op tot oorlog: ten aanval..! Groeten... was etzelde
Aanvalluh..! In et oold-Saksisch wodde et schreven as 'grötian' en betekende et
ok wel: anspreken, sommeren, anklaegen, uutdaegen, veur et gerecht slepen en
zowathenne. Dit groeten wodde altied mit lude stemme toereupen, zuver raosd
(gräzen). Laeter is dat allemaole wat minder wodden en wodde et grëtan tot een
soorte van goelen, janken en knorren.</div>
<div> </div>
<div>Dat dit groeten ok femilie is van raozen, zal je dan lichtkaans ok gien
ni'jdoen. Dat raozen wodde doe een protte bruukt in geval van een overval,
moord, steelderi'je, vrouwludemisbruuk en gao zo mar deur. In zoe'n geval wodde
dat raozen uutlegd as toeroepen om iene veur et gerecht te slepen. Et woord
groeten komt dan ok uut de rechtstael, krek as et daor bi'j heurende
anvalen.</div>
<div> </div>
<div>In liekewel et Stellingwarfs as et Fries klinkt dit woord 'groeten' bi'j
slot van zaeke ok nog deur in grëtman (grietman, rechter en laeter
burgemeester), een grietenij(e) was een grondgebied of distrikt en dat wodde -
weer laeter - een gemiente. Et groeten as meervooldsvorm van een 'groete', as
een vorm van rimpels komt lichtkaans van 'groeve' (gruoba) in de oolde betekenis
die we now ok nog wel kennen van graf, groeve, (vaal)koele, sponning of
hol.<br>Al mit al, niks vrundeliks an et 'groeten' te bespeuren, zoas wi'j dat
vandaege-de-dag kennen.<br>Mit een vrundelike groet uut Stellingwarf,<br>Piet
Bult<br></div>
<div>P.S. I'm nominated for the (Frisian) Sulveren Twicht...</div>
<div><a href="http://www.moannefanitfryskeboek.nl/index.php?option=com_content&view=article&id=249%3Adoch-wer-mei-oan-de-twicht-wedstryd&catid=23%3Aop-de-homepagina&Itemid=11&lang=nl" target="_blank">http://www.moannefanitfryskeboek.nl/index.php?option=com_content&view=article&id=249%3Adoch-wer-mei-oan-de-twicht-wedstryd&catid=23%3Aop-de-homepagina&Itemid=11&lang=nl</a></div>
</div></div><div style="text-align:center"><span style="color:rgb(0, 0, 153)">
</span><br>=========================================================<br>
Send posting submissions to <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a>.<br>
Please display only the relevant parts of quotes in your replies.<br>
Send commands (including "signoff lowlands-l") to<br>
<a href="mailto:listserv@listserv.linguistlist.org" target="_blank">listserv@listserv.linguistlist.org</a>
or <a href="mailto:lowlands.list@gmail.com" target="_blank">lowlands.list@gmail.com</a><br>
<a href="http://linguistlist.org/subscribing/sub-lowlands-l.html" target="_blank">http://linguistlist.org/subscribing/sub-lowlands-l.html</a>.<br>
<a href="http://www.facebook.com/?ref=logo#%21/group.php?gid=118916521473498" target="_blank">http://www.facebook.com/?ref=logo#!/group.php?gid=118916521473498</a><br>
========================================================== </div>
</div></div>
</div></div>
</div></div>
</div></div>
</div></div>
</div></div>