<div style="text-align:center;font-family:arial,helvetica,sans-serif">=====================================================<br> L O W L A N D S - L - 16 November 2011 - Volume 01<br>







<a href="mailto:lowlands.list@gmail.com" target="_blank">lowlands.list@gmail.com</a>
- <a href="http://lowlands-l.net/" target="_blank">http://lowlands-l.net/</a><br>
Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>
Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>




Encoding: Unicode (UTF-08)<br>
Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>
=====================================================</div><div style="font-family:arial,helvetica,sans-serif"><div>

<p class="MsoNormal"> </p><big><big>From: Lowlands-L - 16. November 2011 - Volume 01</big></big>
    <br>
    <big><big>Subject</big></big>: <big><big>LL-L "Language use"
        2011.11.15 (01 [EN-NDS-NL]<br>
        <br>
        Hallo all' Lowlanners.<br>
        <br>
        Ick kann dat gor nich so recht verstahn, dat sowat as ein
        Unfräden ünner de Maten upkamen is. Ick bün mi ümmer wedder wiss, wat mi Lowlands bedüden deit. Lowlands is för mi so
        wat as ein Sod. Hier heff ick denn' besten Weg funn'n, wo ick
        noch väl, bannig väl taulihren kann, nich blot Spraken seggen mi
        tau, ok dat woroewer beraden ward un all' dat, wat mit Spraken
        tau  daun hett, un ok de Mitmakers, de Minschen.<br>
        Wi sünd doch weltwied ein grotorrig Sprakenbom un uns' Baas Ron
        hett de beste Ort un Wies', uns ümmer tau Sied tau stahn. Wo
        kann man hüt noch so feine un klauke Maten finn'n. Mi bedüden
        sei all' väl un ick häg grot Hochachten. Wi känen doch all'ns in
        Frieheit mit Pli un Fantasie angahn, wi hebben doch denn' besten
        Wiespahl, un wenn wi de Vörschriften inholl'n, denn kann nicks
        nich scheif lopen. Keinein leggt uns Käden an, wi all' sünd
        frie. Frieheit un Respekt gellt ok för denn' Gloven, un wo riek
        is de, de noch glöwen kann.<br>
        Uns' Baas hölt dat Stüer (Steuer) fast un dat möt man em hoch
        danken. Ick heff mi oft eins wat utdruckt vun wägen de Sprak, so
        taun Bispill Nederlands Sprak. Dor kann ick väl von afläsen,
        woans Plattdüütsch un Nedderland sick mögen. Ick heff mi so gor
        vör poor Johr (as ick noch nich bi LL wier) up denn' Flohmark
        ein grotorrig Wüürbauk köfft "KRAMERS DUITS WOORDEN BOEK
        NederlandsDuits/DuitsNederlands VAN GOOR ZONEN.<br>
        Un mit mien Ingelsch lihren bün ick ümmer noch taugang, dat möt
        noch riepen, un künn je sien, dat ick mi denn eins unvermaudens
        mit dis' Sprak mellen dau. Man, dat brukt all' sien Tied.<br>
        Oewer up Lowlands lat ick nicks nich kamen, ick wüßt kein bäter
        Städ. De Spraken bringen uns doch neger un jedein Sprak het ehr
        eigen Melodei (Sound), wo künn ick süss sowat noch finn'n... Nu
        hebben wi unsen besten Sprakenbom un sien Wötteln sünd eddel un
        holl'n ut.<br>
        <br>
        IDIOM: Heraus mit der Sprache! <i>Out with it! </i>Rut mit de
        Sprak!<br>
        So heff ick mi nu up mien Oort tau Wuurd mellt.<br>
        Ick kann ümmer un will wedder unsen Ron danken un ok all'
        Frünn'.<br>
        Mit best Gräuten. <br>
        <br>
        Hanne<br>
        ut Schwerin </big></big><br><br></div></div><span style="font-family:arial,helvetica,sans-serif"><font color="#888888"><div style="text-align:center;color:rgb(0, 0, 0)">

=========================================================<br>

Send posting submissions to <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a>.<br>




Please display only the relevant parts of quotes in your replies.<br>
Send commands (including "signoff lowlands-l") to<br>
<a href="mailto:listserv@listserv.linguistlist.org" target="_blank">listserv@listserv.linguistlist.org</a>
or <a href="mailto:lowlands.list@gmail.com" target="_blank">lowlands.list@gmail.com</a><br>
<a href="http://linguistlist.org/subscribing/sub-lowlands-l.html" target="_blank">http://linguistlist.org/subscribing/sub-lowlands-l.html</a>.<br>




<a href="http://www.facebook.com/?ref=logo#%21/group.php?gid=118916521473498" target="_blank">http://www.facebook.com/?ref=logo#!/group.php?gid=118916521473498</a><br>




==========================================================</div></font></span>