<div style="text-align:center;font-family:arial,helvetica,sans-serif;color:rgb(0,0,0)"><font size="2">==============================</font><font size="2">=======================<br>
L O W L A N D S - L - 06 December 2011 - Volume 01<br>
<a href="mailto:lowlands.list@gmail.com" target="_blank">lowlands.list@gmail.com</a>
</font><font size="2">
- <a href="http://lowlands-l.net/" target="_blank">http://lowlands-l.net/</a><br>
Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>
Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>
Encoding: Unicode (UTF-08)<br>
Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>
==============================</font><font size="2">=======================</font></div><font style="font-family:arial,helvetica,sans-serif" size="2">
</font><div style="font-family:arial,helvetica,sans-serif;color:rgb(0,0,0)"><div>
<p class="MsoNormal"><font size="2"> </font></p><big>From: Hannelore Hinz <a href="mailto:hannehinz@t-online.de" target="_blank"><hannehinz@t-online.de></a><br>
Subject: LL-L "Lexicon" 2011.12.05 (01) [DE-NDS]<br>
</big><br>
<big><big><small>Leiw' Marlou,<br>
<br>
ick künn di so an 800 Blärrer von verschieden Texten anbeiden.<br>
Oewer ick möt ihrlich taugäwen, an'n schönsten hürt sick dat
Wuurt <i>Olljohrsabend </i>an. Dor liggt mihr Warmnis in un
weiker hürt sick dat ok an.<br>
Dat <b>O </b>is bäten düüster oewer hett Warmnis un de
beiden <i>ll </i>gäwen de ierste Silw' mihr Klang', un de
Oewergang tau dat <i>j </i>is weik, also <i>lj, </i>dat l
smölt tausamen mit dat <i>j </i>un de Baukstawen
alltohopen hüren sick schön an. Dat mäkelborger <i>l </i>is
binah all ein halw <i>j. </i>Dat Hochdüütsch Wuurt <i>Alt-jahrs-abend
</i>klingt kolt, dat is so ein <i>Afhacken</i>, dat heit jede
Sülw' steiht för sick, dat klingt oewerhaupt nich, dat is je
binah 'n Tungenknieper.<br>
Un Perfesser Voßlo hett ok nicks gegen <b>Silvester</b>, dat
gellt denn för den'n letzten Dag von't Johr s. <i>Olljohrsabend
</i>oewer ok för <i>dickkrempiger Hut </i>odder <i>Zylinder.<br>
</i><b>Silvester (Sylvester? </b>hett'n dat nich ok eins so
schräwen?): Der letzte Tag des Jahres ist nach dem
Tagesheiligen des 31. Dezembers, dem Papst Silvester I
(314-335 n. Chr.), benannt.<br>
Lit.: DUDEN 7<br>
<br>
Nu gahn wi ierst mal up Wiehnachten tau un af un an 'n bäten
poetsch'.<br>
<br>
<b>Stille Wiehnachten<br>
<br>
</b>Frie steiht lütt Dann an'n dakig Weg, will läben,<br>
un reckt sick schug all in denn' griesen Dag.<br>
Man blot noch Näwelsleier dukt dat Flag,<br>
för niegen Anfang möt dat Gries' sick gäben.<br>
<br>
Wiet weg von'n Häben plinkt de Sünn zort nedder,<br>
wat hett sei vör, schuw Näwel rasch bisied<br>
un fründlich höger stieg nu endlich wedder,<br>
gäw Licht in'n Anfang för ein bäter Tied.<br>
<br>
Un wat ein Läben kümmt in uns taurügg,<br>
de Ierd wakt up un œwerall' ein Hägen,<br>
mit Kraasch nu bugt de Minsch sien niege Brügg<br>
<br>
för sick; still rankt üm't Wark von Frünn' de Sägen.<br>
Un noch soväl ick giern woll wünschen müch' (t).<br>
Dis' Freud för all' hett lang' up't Hart mi lägen.<br>
<br>
Hägen: ein Behüten<br>
<br>
(15.12.02)<br>
<br>
Also, makt jug dat komodig.<br>
<br>
Hanne<br>
</small></big></big><font size="2"><span lang="DE"></span></font><font size="2">
</font><font size="2">
</font><font size="2">
</font><font size="2"><br>
</font><font size="2"><br><span style="color:rgb(31,73,125)" lang="NL"></span></font>
</div></div><font style="font-family:arial,helvetica,sans-serif" size="2">
<span style="color:rgb(0,0,0)">
</span></font><font style="font-family:arial,helvetica,sans-serif;color:rgb(0,0,0)" size="2"><div style="text-align:center">
=========================================================<br>
Send posting submissions to <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a>.<br>
Please display only the relevant parts of quotes in your replies.<br>
Send commands (including "signoff lowlands-l") to<br>
<a href="mailto:listserv@listserv.linguistlist.org" target="_blank">listserv@listserv.linguistlist.org</a>
or <a href="mailto:lowlands.list@gmail.com" target="_blank">lowlands.list@gmail.com</a><br>
<a href="http://linguistlist.org/subscribing/sub-lowlands-l.html" target="_blank">http://linguistlist.org/subscribing/sub-lowlands-l.html</a>.<br>
<a href="http://www.facebook.com/?ref=logo#%21/group.php?gid=118916521473498" target="_blank">http://www.facebook.com/?ref=logo#!/group.php?gid=118916521473498</a><br>
==========================================================</div></font>