<div style="text-align:center;font-family:arial,helvetica,sans-serif;color:rgb(0,0,0)"><font>==============================</font><font>=======================<br>
L O W L A N D S - L - 16 December 2011 - Volume 04<br>
<a href="mailto:lowlands.list@gmail.com" target="_blank">lowlands.list@gmail.com</a>
</font><font>
- <a href="http://lowlands-l.net/" target="_blank">http://lowlands-l.net/</a><br>
Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>
Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>
Encoding: Unicode (UTF-08)<br>
Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>
==============================</font><font>=======================</font></div><font><span style="font-family:arial,helvetica,sans-serif">
</span></font><font style="font-family:arial,helvetica,sans-serif" size="2">
</font><font style="font-family:arial,helvetica,sans-serif" size="2">
</font>
<div style="font-family:arial,helvetica,sans-serif;color:rgb(0,0,0)"><div>
<p class="MsoNormal"><font> </font></p><font>From: Hannelore Hinz <a href="mailto:hannehinz@t-online.de" target="_blank"><hannehinz@t-online.de></a><br>
Subject: Kultur/Tradition ?<br>
<br>
Hallo an all' Lowlanners!<br>
<br>
Wat nich tau faten is, steiht hüt in uns' Loegenblatt (Presse).
Gistern kreg ick dit, wat nu kümmt, all tau weiten un schrew
glieksen (up Hoch) wat ick later up Platt frisiert heff.<br>
<br>
NNN (Norddeutsche Neuesten Nachrichten) "<br>
TOP-THEMA Unverantwortliche Gleichmacherei".<br>
Schweriner Volkszeitung (<a href="http://www.svz.de/" target="_blank">WWW.SVZ.DE</a>):<b> Drama am Theater:
Schwerin schließt Fritz-Reuter-Bühne.</b><br>
<br>
<i>Ick kam jüst (15.12.11) in de Abendstunn' von'n
Ingelsch-Kurs nah Huus un heff nienich mit so ein Nahricht
räkent. Ick kannt't nich faten un will't ok nich. Nu sall dat
upstund's kein Fritz Reuter Bühn hier in Swerin
(Landeshauptstadt) gäwen, un disse F.R.-Bühn is de einzigst
"professionelle" hier in Meck-Pom. Mit disse Ordder hebben
sick de Boewelsten von uns' Land ein leeg Tügnis gäben. - In
Ratzeburg kein "Haus Mecklenburg", dat Plattdüütsche Zentrum
sall oewer in Swerin upbuugt warden. Is dit womoeglich ein
Uträd, will'ns uns' Fritz Reuter Bühn noch läwig ünner de
Wrausen (Beerdigung) schuwen...!? <br>
De F.R.-Bühn hett soväl Frünn', de du nich tellen kannst. Dat
heit för mi, nu oewer ran an'n Speck un sick för disse Bühn
insetten. Nich snacken, oewer helpen. Un dat möt glieksens
sien. De "Landesheimatverband" möt ok mihr mit den'n
Hinnelsten höger up kamen un wat daun, wotau hebben wi denn
dissen Verein.<br>
De Bühn näumt sick "Fritz Reuter", oh ha, un Fritzing wüür
sick nu in sien Graff ümdreiden. 'Kein Hüsung' hett hei mit
sien Hartblaut schräwen. Ja, un de F.R.-Bühn' is ok so wat as
ein Oort Hüsung för uns. Un nu dit! Ja ja, de Lütten geiht'
an'n Kragen. Vör Johren wier Nedderdüütsch nich ümmer ein
Willkam, man blot gäl un Hochdüütsch snacken; un wat maken's
nu upstunds?<br>
Wi all' setten uns up ein verschieden Oort un Wies' mit Leiw'
för uns' Nedderdüütsch in. Un nu in dat 20. Johrhunnert, so
dücht' mi, dreiden's dat Rad von uns' Historik trüggwarts, hm,
sünd's nu in Hysterie follen, wiel de €'s nu knapper warden.
Wo snaksch dat ümmer wedder is. Wi koenen all up den'n Maand
fleigen, man anner sünd so mall un doemlich un koenen nich mal
up de Ierd ein Taditschon ihren un plägen. -<br>
Nu is man trurig un kümmt taugliek in de Rage (Wut). Dat
koenen wi nienich so taulaten, nee, wi sünd noch lang nich "De
letzt'...". - Up de ein Sied klattern de Diäten för de
Boewelsten ümmer höger up un egentlich müßten's je ok för dat
Plattdüüsche instahn un mit Hägen un Plägen ein Bispill
gäben. Wo stahn wi nu. Uns Plattdüütsch hett soväl Warmnis in
sick un lött anner kolt, jüst de, de womoeglich kein Platt
snacken koenen un woll ok nich will'n. So ännern sick perdautz
de Tieden. Un jüst kümmt mi ein Nahsinnen, woans steiht dat
mit "Ohnsorg-Theater" in Hamburg...? Möten later de Künstlers
von uns' Bühn nu dor schnurren (betteln) gahn...? - Un ick
denk an de Künstlers, de ut den'n Westen an uns' Bühn
anglesiert (engagiert) sünd un sick hier gaud makt hebben, ja,
dor is wat wohrhaftig tausamen wussen. 85 Johr hett disse
Bühn ehr Bestahn, eins gründ' von Richard Spethmann ut Swerin,
Kammerschauspieler dunnmals bi dat "Mecklenburgische
Staatstheater".<br>
<br>
Jichtenswat möt makt warden!<br>
<br>
Von Harten mien Gräuten.<br>
<br>
Hanne<br>
</i><span class="HOEnZb adL"><font color="#888888"><a href="http://scotstext.org/" target="_blank"></a></font></span></font><div>
<font><br></font>
</div><font>
<span></span></font><font style="font-family:arial,helvetica,sans-serif" size="2"><span style="color:rgb(31,73,125)" lang="NL"></span></font>
</div></div><font><span style="font-family:arial,helvetica,sans-serif">
</span></font><font style="font-family:arial,helvetica,sans-serif" size="2">
</font><font style="font-family:arial,helvetica,sans-serif" size="2">
<span style="color:rgb(0,0,0)">
</span></font><font style="font-family:arial,helvetica,sans-serif;color:rgb(0,0,0)" size="2"><div style="text-align:center">
=========================================================<br>
Send posting submissions to <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a>.<br>
Please display only the relevant parts of quotes in your replies.<br>
Send commands (including "signoff lowlands-l") to<br>
<a href="mailto:listserv@listserv.linguistlist.org" target="_blank">listserv@listserv.linguistlist.org</a>
or <a href="mailto:lowlands.list@gmail.com" target="_blank">lowlands.list@gmail.com</a><br>
<a href="http://linguistlist.org/subscribing/sub-lowlands-l.html" target="_blank">http://linguistlist.org/subscribing/sub-lowlands-l.html</a>.<br>
<a href="http://www.facebook.com/?ref=logo#%21/group.php?gid=118916521473498" target="_blank">http://www.facebook.com/?ref=logo#!/group.php?gid=118916521473498</a><br>
==========================================================</div></font>