<div style="text-align:center;font-family:arial,helvetica,sans-serif;color:rgb(0,0,0)"><font>==============================</font><font>=======================<br></font><font>L O W L A N D S - L - 2</font><font>9</font><font> December 2011 - Volume 02<br>
<a href="mailto:lowlands.list@gmail.com" target="_blank">lowlands.list@gmail.com</a>
</font><font>
- <a href="http://lowlands-l.net/" target="_blank">http://lowlands-l.net/</a><br>
Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>
Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>
Encoding: Unicode (UTF-08)<br>
Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>
==============================</font><font>=======================</font></div><font><span style="font-family:arial,helvetica,sans-serif">
</span></font><font style="font-family:arial,helvetica,sans-serif" size="2">
</font><font style="font-family:arial,helvetica,sans-serif" size="2">
</font><font style="font-family:arial,helvetica,sans-serif" size="2">
</font><font style="font-family:arial,helvetica,sans-serif" size="2">
</font><font style="font-family:arial,helvetica,sans-serif" size="2">
</font>
<div style="font-family:arial,helvetica,sans-serif;color:rgb(0,0,0)"><div>
<p class="MsoNormal"><font> </font></p><font>From: Hannelore Hinz <a href="mailto:hannehinz@t-online.de" target="_blank"><hannehinz@t-online.de></a><br>
Subject: Traditions 'In de Twölwen'<br>
<br>
Wenn't Johr tau End' geiht...<br>
<br>
Vörweg Klaus Groth:<br>
"Wir Plattdeutsche sind nicht eine naturwüchsige Kaste mit einer
volkstümlichen Poesie: sondern wir haben ein ganzes Menschenherz
im Leibe und einen vollen Atem in der Brust; - - - wir haben und
geben Poesie, urteilt, was sie als solche wert sei."<br>
<br>
In ein lütt' Schummerstunn' vör de Wiehnachtstied, oewer ok
twüschen Wiehnachten un Niejohr hett Größing womoeglich
männigen Späukelkram vertellt, dit is mi jüst so infollen bi den
Storm letzt' Nacht...<br>
Fru Waud is ok ein von de, de in de Twölwen bi Storm üm das Huus
fleigen. Un wenn ein so'n bäten swäklich in sienen Gloven
wier, denn künn so'n Minsch duntaumalen woll wat taterich,
oewerglöwsch, unglöwsch, also 'abergläubisch' warden.<br>
De Twölwen, de twölwen Daag twüschen Wiehnachten un den'n 6. Dag
in'n Hartmaand (6. Jan.) sünd de stickenbalkendüster
(stockdunkel) Daag, un männigein siniert oewer Späukels.
Geister, Gespenster dräben ehr Unwäsen tau Middennacht, un de
Minschen müßten "Verbote un Gebote " inholl'n, süst vertürten
's sick mit de Gespenster.<br>
De "Wilde Jäger" dräw sien Unwäsen, de Drak (Drache) towte dörch
de Wulken, Fru Gaud', Fru Waud' harden 12 Hund'n, dat wieren de
"Twölwen". Fru Waud (Waur) wier ne lütte dicke Fru in
Sommerkleeder. <br>
De Unglöw wier so grot, so hebben de Minschen sick up all'ns
instellt.<br>
Dat sponn'n Gorn müßt all an'n Hilligen Abend von de Haspel
nahmen warden, süss künn dat Fru Goden behexen.<br>
All de Geräten för den'n Acker nienich buten stahn laten, süss
wüür de Acker unlannig (unfruchtbar). An'n 24.12. truugte man
sick nich, Water ut den'n Sod (Brunnen) tau halen, männigein
nähm ok den'n Sodschwengel mit in't Huus. Bevör de Käuh in de
Twölwen wat tau suupen krägen, versöpen's ein'n Hund in ein
Waterlock. <br>
Man künn jedoch de Hexen den'n Taugang in dat Huus vermiesen,
wenn man einen niegen Bessen vör dat Heck-Duur leggen deh.<br>
Dat gäw oewer ok in de Twölwen gaude Brüüke, de den'n Minschen
Tauvertrugen un em Glück un Riekdaun schenkten.<br>
Naja, un an so'n Späukel wüür denn womoeglich glöwt, dunnmals
ja!<br>
So künn'n Mann un Fru dat Glücksgorn ne Fitz (eine Docke)
unrecht in de Niejohrsnacht spennen. De Mann müßt' dat uphaspeln
un ... beid mößten dat splitterfadennaakt maken; un dat wier
denn dat Twölwengorn, also dat Glücksgorn. (Dat stell ick mi
recht vergnäuglich vör...)<br>
Un wenn 'n Quarrbücksen-Goern harr, denn steckte man so'n
Schietebücks stillswiegend dreimal dörch dat Twölwengorn
(Twölftengorn), dat süll helpen.<br>
Un wenn ein so'n, ick segg/schriew dat mal up Hochdüütsch
"Bettnässer" wier, denn wüür em de Fitz Twölwengorn an'n
Dunnersdag üm den'n Hals hängt.<br>
Ja, männigmal hadden de "bösen Geister" ok wat Gaudet an sick.<br>
Dat wier noch nich all'ns, man mi dücht', dit langt woll.<br>
<br>
Hm, giwwt dat annerswo ok in de Twölwen allerhand Kamedi...<br>
Dat all' un mihr heff ick 1984 sammelt un upschräwen in "Von
Niklas, Ruhklas un Julklapp" un bi de URANIA vördragen un
utsmückt mit Vertellers un Gedichten un Wiehnachtsmusik up
Keyboard un Treckfiedel...<br>
<br>
Also wohrt jug in de Twölwen!<br>
Ick hefft dat man blotsen gaud meint...<br>
<br>
<b><i> </i></b><i>Niejohr<br>
Will Storm bi Küll un Snei mit mi
nu strieden?<br>
Lop rin in't Land un finn ein anner Flagg,<br>
mi is, as läwte hier de ierste Dag,<br>
sien weike Farw mit kloren Klang' strakt Lieden.<br>
<br>
Un in de Still finn ick den'n deipen Fräden;<br>
gah ick de ierste Spoor hier dörch dat Land?<br>
Kein Rauh dat Hart, kein Minsch tau'n fründlich Räden,<br>
säuk wider nu ein Hus un Minschenhand.<br>
<br>
Vör mi kein Spoor, taudeckt de Ierd mit Snei,<br>
mit Maut will ick den'n frömden Weg nu finn'n,<br>
noch bäter geiht't, fläut ick mien Melodei.<br>
<br>
Kiek noch mal üm un wedder eins mien Sinn'n,<br>
peer knasch betau, un ihr ick mi verseih,<br>
drap ick bi Küll ein von mien ollen Frünn'n.<br>
</i><i><br>
All' mien Gräuten un best' Wünschen<br>
för <b>2012</b>! <br>
<br>
Hanne</i><br><span style="color:black"><br>
</span></font>
<font style="color:rgb(0,0,0);font-family:arial,helvetica,sans-serif" size="2"><span></span></font></div></div><font><span style="font-family:arial,helvetica,sans-serif">
</span></font><font style="font-family:arial,helvetica,sans-serif" size="2">
<span style="color:rgb(0,0,0)">
</span></font><font style="font-family:arial,helvetica,sans-serif;color:rgb(0,0,0)" size="2"><div style="text-align:center">=========================================================<br>
Send posting submissions to <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a>.<br>
Please display only the relevant parts of quotes in your replies.<br>
Send commands (including "signoff lowlands-l") to<br>
<a href="mailto:listserv@listserv.linguistlist.org" target="_blank">listserv@listserv.linguistlist.org</a>
or <a href="mailto:lowlands.list@gmail.com" target="_blank">lowlands.list@gmail.com</a><br>
<a href="http://linguistlist.org/subscribing/sub-lowlands-l.html" target="_blank">http://linguistlist.org/subscribing/sub-lowlands-l.html</a>.<br>
<a href="http://www.facebook.com/?ref=logo#%21/group.php?gid=118916521473498" target="_blank">http://www.facebook.com/?ref=logo#!/group.php?gid=118916521473498</a><br>
==========================================================</div></font>