<div dir="ltr"><p class="MsoNormal" align="center" style="font-size:12.727272033691406px;font-family:arial,sans-serif;text-align:center"><span style="font-family:Arial,sans-serif;color:black">=====================================================<br>

 L O W L A N D S - L - 21 May 2014 - Volume 04<br><a href="mailto:lowlands.list@gmail.com" target="_blank">lowlands.list@gmail.com</a> - <a href="http://lowlands-l.net/" target="_blank">http://lowlands-l.net/</a><br>Posting: <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a><br>

Archive: <a href="http://listserv.linguistlist.org/archives/lowlands-l.html" target="_blank">http://listserv.linguistlist.org/archives/lowlands-l.html</a><br>Encoding: Unicode (UTF-08)<br>Language Codes: <a href="http://lowlands-l.net/codes.php" target="_blank">lowlands-l.net/codes.php</a><br>

=====================================================</span><span style="font-family:Arial,sans-serif"></span></p><p class="MsoNormal" style="font-size:12.727272033691406px;font-family:arial,sans-serif"><span style="font-family:Arial,sans-serif"> </span></p>

<p class="MsoNormal" style="font-size:12.727272033691406px;font-family:arial,sans-serif"><span style="font-family:Arial,sans-serif">From: </span><span name="Jack Driedger" class="" style="font-size:12.800000190734863px">Jack Driedger</span><span style="white-space:nowrap"> </span><span class="" style="white-space:nowrap"><span><</span><a href="mailto:jimdee@sasktel.net">jimdee@sasktel.net</a><span>></span></span><span style="font-family:Arial,sans-serif"><br>

Subject: </span><span style="white-space:nowrap">LL-L "Etymology" 2014.05.21 (01) [EN]</span></p><p class="MsoNormal" style="font-size:12.727272033691406px;font-family:arial,sans-serif"><span style="font-family:Arial,sans-serif"> </span></p>

<p class="MsoNormal" style="font-size:12.727272033691406px;font-family:arial,sans-serif">When I grew up in Blumenheim, Saskatchewan, Canada, "backen" was both cheeks and baking.</p><div style="font-family:arial,sans-serif;font-size:12.800000190734863px">

<br></div><div style="font-family:arial,sans-serif;font-size:12.800000190734863px">The following story that I wrote for the Saskatchewan Mennonite Historian tells you how I learn to speak Plautdietsch at home:</div><div style="font-family:arial,sans-serif;font-size:12.800000190734863px">

<br></div><div style="font-family:arial,sans-serif;font-size:12.800000190734863px"><div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">                    </span><b>Onnse Kjikjel fonn Jack Driedger</b></span></div>

<div style="margin:0px;font-size:14px;font-family:Times"></div><div style="margin:0px;font-size:14px;font-family:Times"></div><div style="margin:0px;font-size:14px;font-family:Times"></div><div style="margin:0px;font-size:14px;font-family:Times;min-height:18px">

<span style="letter-spacing:0px"></span><br></div><div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">       </span>Ekj sie enn daut Darp Bloomenheim oppjewossen. Wan jie opp Hüachwajch Numma 11 fonn Sasketün em nuaden foaren, woa jie bie dee Staut Ossla ‘ne Tofel aun’e rajchte Sied seenen, waut wiest daut Bloomenheim tian Kjielomeeta em oosten ess. Doa sie ekj Auprel 26, 1926 jeburen.</span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Ekj freid mie emma too’m Enj Auprel, wan't uck nuscht soont auss een Jeburtsdachjebott ooda Jeburtsjeschenkj bie onns jeef. Soont auss daut wea blooss waut eena fonn läsen deed. Ekj wisst daut, wan ekj joarijch wea, wudden dee Kjikjel 'romm ranen onn schiepren. Doatoo freid ekj mie.</span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Wan ekj Mutta früach, “Mamme, wannea ess mien Jeburtsdach?”, säd’se emma, “Wan dee Kjikjel schiepren.”</span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span> Au'fangs Auprel hold Foda dee Broodmaschien fomm Bän onn stalld dee enn'e groote Stow opp. Ekj jleew dee hilt 225 Eia. Dee haud 'ne Eeljlaump toom dee Eia woam hoolen, soo daut dee ütbrooden. Een Grodglauss enn dee Broodmaschien weess auf daut woam jenüach wea toom dee Eia ütbrooden.</span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Foda täkjend dee Eia aun eene Sied met 'ne Bliesteft aun, soo daut hee wisst auf hee dee jieda Dach ommjedreit haud. Ekj kjikjt emma wan hee daut deed onn wundad, woo dee Kjikjel feelden wan hee an ommdreid. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Dee Broodmaschien haud een langet Fensta wua eena beoobachten kunn soo'ss dee Kjikjel aunfungen üt dee Eia 'rüttookomen. Eascht funk daut Ei aun too duckren. Dan kunn ekj met ee'mol seenen, daut daut Ei 'n bät jeplautst wea. Entlijch wea dee Schnowel 'n bät too seenen, onn dan 'n bät Dünnen. Met ee'mol kjeem daut gaunsse Kjikjel met grooten Aunstrenjen äwadäl. Wan daut Oostren wea, kunn ekj fonn'e School tüss bliewen onn auless tooseenen. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span> Soo fekjs auss dee Kjikjel ütjebroot wearen, sad Mutta dee dijcht biem Owen enn 'n Hock 'nen. Daut Hock wea fonn Bräda een Schoo hüach jemäakt. Oole Sseitungen worden opp'e Flua jespreet toom daut Heenamest oppfangen. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Ekj hab dee Kjikjel stundenlank beoobacht soo'ss dee spälden onn 'rommkleiwden onn frauten. Opp een Enj Hock hunk Mutta een Kodda opp, soo daut dee Kjikjel sikj doaunja fekrüpen kunnen. Wan ekj ornoa lüd “brrrrrrrrrrr” säd, stüsden aul dee Kjikjel hinja daut Kodda, auss wan se' sikj unja 'ne Kluck fekroopen. Dan wearen 'se muckstell onn horjchten, bat se' dochten doa wea kjeene Jefoa. Dan kjikjten eent ooda twee Kjikjel een kjlienet bät fonn unja daut Kodda fäa, onn kjikjten onn horjchten auf doa uck kjeene Jefoa wea. Schliesslijch wearen se' wada aula äwadäl onn krautsten onn frauten. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Joaren lota fetalld Mutta mie waut sea intressauntet. Dee easchta Dach auss ekj trigj no School jinkj, frauten dee Kjikjel nuscht. Dee rakjhaulsden blooss onn kjikjten enn'e Hejcht onn schlemmden. Dan foll Mutta daut bie, daut dee Kjikjel sikj no mie bangden. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Na, waut dan nü? Mutta wisst sikj aul boolt Rot. See wisst krakjt waut se' nü doonen musst. See jinkj opp'm Bän onn socht no dee jratste Popp waut see finjen kunn. Dan sad se' dee Popp em Kjikjelhock 'nen. Fuats wearen dee Kjikjel gaunss toofräd onn krautsten onn frauten wada.</span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Omm 'n poa Wäakj wearen dee Kjikjel groot jenüach, onn daut Wada wea scheen jenüach, daut dee Kjikjel nijch mea bruckten bennen sennen. Wie müaken nü büten een jratret Hock. Dee unjaschte poa Schoo wearen Bräda. Bowa dee Bräda wea een poa Schoo Heenadrot. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Wan ekj 'ne Eadschock benna daut Hock aun dee Brädawaunt näageld, hackten dee Kjikjel oba jnietsch, bat se' dee Eadschock gaunss oppjefräten hauden. Wiel wie soo fäl met an too doonen hauden wiel dee Kjikjel klien wearen, wearen onnse Heena emma sea mack. See hauden kjeene Ferjcht fe Menschen. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Daut dead nijch lang, dan wearen daut nijch mea Kjkjel. Dee wearen nü ütjewossne Heena. Too nacht wearen see em Heenastaul onn äwa dach randen see frie opp’m hoff eromm. </span></div>

<div style="margin:0px;font-size:14px;font-family:Times"><span style="letter-spacing:0px"><span style="white-space:pre-wrap">   </span>Wiels onnse Heena kjeene Ferjcht fe Menschen hauden, kunn ekj ann irjents een Tiet opp häwen onn foodren.</span></div>

<div style="margin:0px;font-size:14px;font-family:Times"><span style="letter-spacing:0px">~~~~~~~~~~~~~~~~~~~~~~~~~~~~~~~~~~~~~~~~~~~~</span></div></div><p class="MsoNormal" style="font-size:12.727272033691406px;font-family:arial,sans-serif">

<span style="font-family:Arial,sans-serif"> </span></p><p class="MsoNormal" align="center" style="font-size:12.727272033691406px;font-family:arial,sans-serif;text-align:center"><span style="font-family:Arial,sans-serif;color:black">=========================================================<br>

Send posting submissions to <a href="mailto:lowlands-l@listserv.linguistlist.org" target="_blank">lowlands-l@listserv.linguistlist.org</a>.<br>Please display only the relevant parts of quotes in your replies.<br>Send commands (including "signoff lowlands-l") to<br>

<a href="mailto:listserv@listserv.linguistlist.org" target="_blank">listserv@listserv.linguistlist.org</a> or <a href="mailto:lowlands.list@gmail.com" target="_blank">lowlands.list@gmail.com</a><br><a href="http://linguistlist.org/subscribing/sub-lowlands-l.html" target="_blank">http://linguistlist.org/subscribing/sub-lowlands-l.html</a> .<br>

<a href="http://www.facebook.com/?ref=logo#%21/group.php?gid=118916521473498" target="_blank">http://www.facebook.com/?ref=logo#!/group.php?gid=118916521473498</a> <br>==========================================================</span></p>

</div>