[Ura-list] Sámegiela ja sámi girjjálašvuođa symposia 14.–16.11.2018 Oulus

Jussi Ylikoski jussi.ylikoski at oulu.fi
Mon Jun 18 09:53:01 EDT 2018


Dear Colleagues,


Please find below an invitation and call for papers to the symposium "Sámegiela ja sámi girjjálašvuođa symposia" to be held in Oulu in November 14–16, 2018. The languages of the symposium are all the Saami languages.


Dearvvuođaiguin,


Jussi



***


BOVDEHUS



Sámegiela ja sámi girjjálašvuođa symposia 14.–16.11.2018 Oulus<http://www.oulu.fi/giellagas/symposia2018>



Oulu universitehta Giellagas-instituhtta, Sámi allaskuvla, Ubmi universitehta ja UiT Norgga árktalaš universitehta lágidit Sámegiela ja sámi girjjálašvuođa dutkan- ja bagadallansymposia Oulus 14.–16.11.2018.



Oktasaš sámesymposiat leat lágiduvvon jagi 1993 rájes, ja daid ulbmilin leamaš álggu rájes čohkket sámegiela ja sámi girjjálašvuođa dutkiid ja doavttirgráda- ja masterstudeanttaid iešguđege guovlluin. Mii bovdet buot sámegiela ja sámi girjjálašvuođa dutkiid ja studeanttaid searvat miellagiddevaš symposiai.



Symposia bovdejuvvon logaldallit:



Lill Tove Fredriksen, UiT Norgga árktalaš universitehta: Go teaksta bovde mu lohkat



Janne Saarikivi, Helssega universitehta: Sámegielaid sajádat suoma-ugralaš gielaid siste, earenoamážit giellakontávttaid geahččanguovllus



Symposia sáhkavuorut sáhttet leat buotlágan fáttáin, mat mainna nu lágiin laktásit sámegiela ja sámi girjjálašvuođa dutkamii viiddes mearkkašumis. Sihtat sáddet ovttasiidosaš čoahkkáigeasu (abstrávtta) maŋimustá borgemánu 24. beaivve 2018 čujuhussii symposia2018 at lists.oulu.fi<mailto:symposia2018 at lists.oulu.fi>. Sáhkavuoruid guhkkodat lea 20 minuhta + 10 minuhta ságastallamii.



Abstrávttaid áigemearri: bearjadat 24.8.2018



Abstrávttaid dohkkeheapmi: bearjadat 31.8.2018



Dieđihanáigemearri: bearjadat 14.9.2018



Dieđihit seammás ahte symposia oktavuođas, vuossárgga ja maŋŋebárgga 12.–13.11. Oulus lea vejolaš ordnet iešguđetlágan dutkanfierpmádagaid čoahkkimiid dahje bargobájiid. Váldet áinnas oktavuođa lágideddjiiguin maŋimustá borgemánus.



Symposia lea nuvttá buohkaide. Lassedieđut mátkkoštan- ja idjadanvejolašvuođaid birra almmuhuvvojit maŋŋelis.



  *   Symposijumen barkoegïelh leah gaajhkh saemiengïelh. Buerie båateme!
  *   Symposian bargguogielah leäh gájkah sámiengielah. Buerestbåhtieme!
  *   Symposiuma barggogiela le divna sámegiela. Buoris boahtem!
  *   Symposia bargogielat leat buot sámegielat. Bures boahtin!
  *   Symposium pargokielah láá puoh sämikielah. Tiervâpuáttim!
  *   Symposiuum tuejjǩiõl liâ puk sää´mǩiõl. Pue´tted tiõrvân!
  *   Симпозиум лыххкэм кӣл ле̄в пугк са̄мь кӣл. Пуэдтӭ тӣррвэнҍ!





Symposia lágideddjiid bealis



Marjatta Jomppanen, Oulu universitehta

Marja-Liisa Olthuis, Oulu ollâopâttâh

Sierge Rasmus, Oulu universitehta

Jussi Ylikoski, Oulu universitehta

Hanna Mattila, Sámi allaskuvla

Hanna Outakoski, Ubmi universitehta

Trond Trosterud, UiT Norgga árktalaš universitehta





Lágideaddjijoavkku oktasaš e-poastačujuhus: symposia2018 at lists.oulu.fi<mailto:symposia2018 at lists.oulu.fi>



Symposia neahttačujuhus: http://www.oulu.fi/giellagas/symposia2018



-------------- next part --------------
An HTML attachment was scrubbed...
URL: <http://listserv.linguistlist.org/pipermail/ura-list/attachments/20180618/a82ecb17/attachment-0001.html>


More information about the Ura-list mailing list