Pishing (was) Re: Chinook for Birders

[Jim Holton]

kanawi nayka siXs,

ukuk wa "pish-pish" yaka kakwa "puss-puss"  Hayu tIlIxam khapa Puget
Sound Laska wawa "pish-pish" khapa chinUk wawa. nayka tEmtEm pus ukuk
drEt chinUk wawa yaka wa (I think its a real Chinook Jargon word).
wIk-kanawi dictionaries Laska wawa "pish-pish."  Yukwa wIk-kanawi:

James Swan's word list from Puget Sound
H. Guillod's word list fron Vancouver Island
_Chinook Jargon as used by the Hudson Bay Company_ based on the speech
of the Frazer River and Puget Sound Country.

Ukuk man Samuel Victor Johnson yaka wawa hayu Xluwima.

Ukuk poem ixt man yaka nim Robert Stuart yaka wawa ukuk khapa 1910 -
1920. Nayka Lap ukuk khapa UW Archives.  Anqati ukuk Stuart yaka mILayt
khapa Puget Sound. Ukuk ixt "stanza":

Okoke Pish-pish,	
Yaka memaloose tenas mowitch,	
Yaka muckamuck lareh,	
Mitlite copa house
Jack yaka mamook.	


Nayka tEmtEm pus mEsayka kEmtEks ukuk poem.

Hayash masi, LaXayEm, Jim





David Robertson wrote:
>
> LhaXayEm, siXs,
>
> Dret lhush kEmtEks Don ya-ts!Em-pipa.  Don ya-siXs ya-wawa:  "pish", ukuk
> ixt wawa ya-chaku khapa ixt Puget Sound sawash lalang.  Nawitka, Don
> kEmtEks lhush, "pishpish" khapa Selish lalang khapa salt-c!Eq ili'i, ukuk
> wawa chaku khapa Chinuk pi BastEn <pusspuss>.
>
> WEXt lhush pus na-munk-ts!Em ukuk:  Xluwima wawa khapa Chinuk lalang,
> "pish", (wik "pishpish"), yaka chaku khapa Basten "fish".   Ukuk tawn
> khapa Washington, wik saya khapa salt c!Eq, ya-nim "Pysht" pi wEXT ukuk
> chaku khapa Chinuk!
>
> (Pi alta khapa uk olman Chinuk ts!Em:)
> (Pe alta kopa oke oleman Chinook tzum:)
>
> Klahowya, sikhs!
>
> Delate kloshe kumtux Don yaka tzum-pepah.  Don yaka sikhs yaka wawa:
> "pish", okoke ikt wawa yaka chako kopa ikt Puget Sound siwash lalang.
> Nawitka, Don kumtux kloshe, "pishpish" kopa Salish lalang kopa salt-chuck
> illahee, okoke wawa chako kopa Chinook pe Boston <pusspuss>.
>
> Weght kloshe spose nayka mamook tzum okoke:  Huloima wawa kopa Chinook
> lalang, "pish" (wake "pishpish"!), yaka chako kopa Boston "fish".  Okoke
> town kopa Washington, wake siah kopa salt chuck, yaka nem Pysht, pe weght
> okoke chako kopa Chinook lalang.
>
> Msayka kEmtEks?
> Mesika kumtuks-nah?
>
> Dret lhush san ... pulakli ... tL'unEs-Ikta!
>
> Dave
>
> ...............................................................................
>   To learn about subscribing to the SALISHAN or CHINOOK jargon discussion
>    groups, just reply to this  message.  Support Native language studies!
> *******************************************************************************