"high muckamuck"; L.M. Boyd's column

[David Robertson]

LhaXayEm!

Qhata mayka, Jeff?

WExt nayka dreht tIki kEmtEks, dreht qhata nEsayka chaku kEmtEks uk tEnEs
wawa "high muckamuck" khapa Shawash tIlIXEm?

Pus lhaksta ya tIki k'wElan nayka wawa, na tEmtEm alaxti anqEti tIlIXEm
lhEs wawa /hayu' mEkmEk/ qhanchi ixt hayash man, or ixt tayi, ya t'u7wEn
hayu Iktas.  Kakwa hayash man ya kEmtEks wawa kanawi lhaksta pus lhas
chaku tl'ap ya Iktas khapa ixt "potlatch".

MEsayka kEmtEks, wik saya kanawi hayash Shawash tIlIxEm khapa nEsayka salt
cEq IlI7i anqEti lhas palach hayu hayu Iktas pus munk kanawi lhaksta
kEmtEks, lhush pi hayash man lhaska.

Alta tEnEs Ikta qhata khapa na khEmputa; alta na lhatEwa.  Lhaksta tIki
munk ukuk khapa BastEn wawa?

Dave


 *VISIT the archives of the CHINOOK jargon and the SALISHAN & neighboring*
		    <=== languages lists, on the Web! ===>
	   http://listserv.linguistlist.org/archives/salishan.html
	   http://listserv.linguistlist.org/archives/chinook.html