Retry to send.....

[Nadja Adolf]

Subject: Lateh Olhayu

Lush san khapa mesayka:

Ntsa Latwa Laqw Grand Ronde Shawash Ili?i sitkum san chandi. Ntsay
kEltEs kuri stuwah khapa Depoe Bay. Qhanchi chaku Depoe Bay, ntsay
kEltEs nanich pi iskEm mEkmEk khapa Sea Hag. Michael mEkmEk crab pi
na mEkmEk pish. Wik nanich tunus salt-tseqw lacaset - ya hilu.

Khimta mEkmEk, nstay weXt Latwa stuwah. Qhanchi ntsay qha khapa lateh
olhayu ya tXwap khapa ili?i, ntsay chaku-kikwEli pus nanich lateh olhayu.

Uk tXwap phatL salt-tsEqw pi hayash stun miLayt khapa salt-tsEqw. Khapa
uk tXwap miLayt Lones 12 lateh olhayu. Makwst man lateh olhayu miLayt
khapa stun, pi hayu LushmEn lateh olhayu. Ixt man lateh olhayu manaki
hayash maksdi. Ixt LushmEn lateh olhayu munk tutush. Uk tunus lateh
olhayu hayash pi tukti.

Ixt man lateh olhayu miLayt khEltEs ixt khapa tXwap wall. Ya Latwa
khakwa ya chaku-p!eq-p!eq.

TXwap ya khul pi ntsay chaku-Lax. Ntsay chaku uk kikwEli-saXali lacaset.
Lun tilixEm hayu-ata yawa. Ntsay chaku tElay tEmtEm qhanchi lacaset wik
chaku. Alta hayu tilixEm chaku pi Laska wawa "qha-uk lacaset?" pi "ikta-
qhata?" Laska ilEp chaku salEks.

TXwap man nanich tilixEm phatL pi wawa khapa man ubut saXali uk tXwap.
Man saXali uk tXwap alki kEmtEks kikwEli-saXali lacaset ya kakshEt.
Las munk paya chaku-Latwa. Las nanich lacaset. Ya hay kokshEt.

Tilixem chaku khul. Khanawi uk tiki chaku-saXali. Wik hayu chaku k!was.
Tunus hayu tilixEm munk-shoX-shoX. Michael pi na chaku kikwEli tunus
haws qha paya miLayt pi chaku wam weXt.

Ntsay hayu-ata. TXwap tilixEm wawa pus munk-Lush man. Ntsay mithwit
alta pi mEkmEk c!hux pi tseqw.

Munk-Lush man miLayt qha-saya, khapa Veneta. Alta kikwEli san pi xulxul
chaku kikwEli tXwap; Las hayu tukti pi hihi pus nanich.

Man ubut saXali uk tXwap wawa "wik lili." Na chaku tEmtEm wik qhanchi.
Ntsay hayu-ata. Wik lacaset chaku-XalaqL. Munk-Lush man wik chaku pi
nstay chaku thil.

Alta, ntsay munk kwolan lateh pi man ubut saXali wawa "Munk-Lush man ya
yakwa." Alki lacaset chaku kikwEli pi chaku-XalaqL. Ntsay kuri-kuri
khapa uk lacaset pi chaku-saXali. Ntsay supEna Laqw lacaset pi kuri
khapa TXwap makuk haws pi wik k!ilEpay nanich.

TXwap tilixEm tiki munk Lush pi munk-k!ilEpay ntsay dolla. Las Lush
tilixEm.

Pus may nanich t!sipi, nixwha munk t!sEm khapa nesayka.

nadja