LL-L: "Phonolgy" LOWLANDS-L, 28.OCT.1999 (05) [S]

[Lowlands-L Administrator]

 ========================================================================
 L O W L A N D S - L * 28.OCT.1999 (05) * ISSN 189-5582 * LCSN 96-4226
 Posting Address: <lowlands-l at listserv.linguistlist.org>
 Web Site: <http://www.geocities.com/~sassisch/rhahn//lowlands/>
 User's Manual: <http://www.lsoft.com/manuals/1.8c/userindex.html>
 =========================================================================
 A=Afrikaans, Ap=Appalachean, D=Dutch, E=English, F=Frisian, L=Limburgish
 LS=Low Saxon (Low German), S=Scots, Sh=Shetlandic
 =========================================================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
 =========================================================================

From: John M. Tait [jmtait at altavista.net]
Subject:  LL-L: "Phonology" LOWLANDS-L, 26.OCT.1999 (01) [S]

>From: Sandy Fleiman [sandy at fleimin.demon.co.uk]
>Subject: "Phonology"
>
>> From: John M. Tait [jmtait at altavista.net]
>> Subject: LL-L: "Phonology" LOWLANDS-L, 24.OCT.1999 (03) [E/S]
>>
>> In fact, I'm surprised Sandy haesna breinged in here, cause he wis
>> suggestin this verra wey o spellin no lang syne!
>
>Weel, A hiv! In fact A says gey the same as you'v juist says sae ye could a
>saved yersel the bather o writin!

Ye'r no quick eneuch, Sandy!

I gree at writin /z/ as <z> wad be a lot mair readable nor <ss> for /s/.

>As for haein a phonemic spellin seestem for Scots, A'v haen a guid shot at
>it an ae thing A ken is that nae maiter hou weel ye dae it, naebody's gaun
>tae read it! Until Scots is teached on at laest a par wi English in the
>schuils (never?) A dout it's no even worth thinkin aboot a phonemic spellin
>seestem (or onything onywhare near ane), cause it's juist fowk that's learnt
>it fae they wis bairns is ever gaun tae can thole it.

Aha - Sandy leukin for an airgument again!

(Ti repeat mysel for the ten-tae-the-nth time,) this depends whit ye mean
by 'phonemic'. Ti me, 'phonemic' juist means at onie ae spellin shoudna
represent mair nor ae phoneme, except whaur the'r regular dialect
variations, like wi UI. I canna see at this excludes conventions like at C
is sayed /s/ afore <i>, <e> an <y>. Coorse, the'r some irregular differs -
like atween /e/ an /E/ in words like _ferm_ - at naething can haundle.

I wad say at leukin for a spellin for Scots in onie ae principle is a waste
o heid-space. At a meinimum ye maun recognise at laest three kynds o spellins:

1. Etymological anes, like _nation_.

2. Morphological anes, like the -FU, -NA an -S plural endins.

3. Phonemic an diaphonemic anes, like maist consonants (in maist
circumstances); OO and/or OU; UI.

I seem ti mynd I'v haurd ye sayin muckle the same yersel!

Coorse, if ye'r speakin aboot ilka phoneme juist haein ae spellin, that's a
different thing aathegither. Oniewey, if Scots wis teached on a par wi
English that's whan ye wad need a phonemic system laest, cause aabodie wad
lairn hou ti say ilka word whan thay lairnt ti write thaim, juist like in
English.

John M. Tait.

==================================END======================================
 * Please submit contributions to <lowlands-l at listserv.linguistlist.org>.
 * Contributions will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
 =========================================================================