LL-L: "Help needed" LOWLANDS-L, 19.SEP.2000 (04) [LS]

[Lowlands-L]

 ======================================================================
 L O W L A N D S - L * 19.SEP.2000 (04) * ISSN 189-5582 * LCSN 96-4226
 Posting Address: <lowlands-l at listserv.linguistlist.org>
 Web Site: <http://www.geocities.com/sassisch/rhahn/lowlands/>
 User's Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
 =======================================================================
 A=Afrikaans, Ap=Appalachean, D=Dutch, E=English, F=Frisian, L=Limburgish
 LS=Low Saxon (Low German), S=Scots, Sh=Shetlandic
 =======================================================================

From: Henry Pijffers [hpijffers at home.nl]
Subject: LL-L: "Help needed" LOWLANDS-L, 19.SEP.2000 (03) [D/E/LS]

Ron hef schreven:
>
>Leve Leeglanners,
>Ick bruuk Juun Hülp mit 'n paar Wöörd' in'n westmönsterlanner Mundaard vun
>Vreden up de düütsche Kant vun de düütsch-nedderlandsche Grenss.  Ick
>glööv', düsse Mundaard is duun verwandt mit us Henry sien twentsche
>Mundaard un is schients ook nich wied af vun us Reiner sien westföölsche
>Mundaard.
>
Daar hest recht Ron, et Westmuensterlandsch is gelyk myn Twentsch, met
alenig wat Hoogduytsche/Nedderlandsche infloden hier en daar en natuyrlik
de normale regionale oonderscheiden.

>äösen [äeuzen]
>from "Aos" [aos]?
>
Ik nem an daet ie "ösen" meent, daet bint "aces" in et Engelsch.
En daet kuemt van "aos" (ace) ja. Of man muet noch an Wodan
en Donar gelöven, dan kuemt et uut den kategory...

>bie'n Kopp [bien kop] {"by the head"}
>(de Fietse bie'n Kopp [de vietse bien kop] "the bicycle by the head")
>
"By 'n kop" is wat anpakken. Ik sol seggen daet "de fietse by 'n kop"
so föl is as "take the bicycle".

>Bubikes [boebikes]
>(kläine Bubikes [kleine boebikes])
>
Daet kent wy nich in Twente. Welllich sind daet kleine jongens,
naar et Hoogduytsche "Buben"? (as daet Hoogduytsch is dan...)

>dörn Korf fallen [deurn korf vallen] {"fall through the basket"}
>"be done with"?, "have become a persona non grata"?
>(Denne is mi toch so dörn Korf follen)
>
In et Hollandsch kent man "door de mand vallen", wat
inhold "to be seen through, to be caught". Ik denke daet
met "denne is my toch so duyr 'n korf föllen" man meent
daet man sich vergist hef in ene.

>drammen
>
Daet is "nölen" in al deselfde beduydingen as van nölen.

>Fanal [vana(a)l]
>"madness"? "to-do"?
>
Wy kent wal "vanal" of "van allens wat" in de Hollandsche beduyding,
wat "something of each" is. Of meen ie wellich "finaal", of "vedan",
of noch wat aans?

>Flünnen [vlunnen]
>"rags"?
>
Wy nöömt "rags" vodden, as in et Hollandsch.
Wat "vlunnen" of "flünnen" bint, weet ik nich.

>Glase [glaze]
>(dör de Glase gooien "toss through the glass"?)
>
As man et eene glas na et andere drinkt, dan gooit man et duyr et glas.
Natuyrlik kan man ok 'nen baksteen duyr 'ne rute smyten, dan gooit man
et ok duyr de glazen (sol ik daet nich as "glasen" schryven?).

>huckedahl [hoekedaal]
>"hunched"? "cowering"?
>
Dit word nich föl brukt, mar ik gelööv daet man dan leeg by de groond sit.

>ineene [inene, in eene]
>(Denne göng krumm ineene van Gicht)
>
Daet is "suddenly", "at once" in et Engelsch.

>inne Piepe rooken [inne piepe roken] {"smoke in the pipe")
>(Denne kahs inne Piepe rooken "You can smoke him in the pipe")
>
Kan'k niks aver seggen... Sal 't thuus wal maal fragen.

>Kluuse [kloeze]
>"monk's cell"?
>(Denne döht nix mehr up Karke un Kluuse)
>
Ja, 'nen kluus is 'nen "cell". Mar ok 'ne banke hef 'nen kluus (a bank's
vault).
As man niks meer op kark en kluus duet, dan gelöövt man nich meer, of man
duet der lykers niks meer an.

>Koffieschop [koffiesjop]
>"coffeeshop"?
>
Etselfde, mar man kan der hier gin koffie krygen ;)

>Kuratel [koeratel]
>(under Kuratel)
>
Wy segt "kuyrateel", mar et is etselfde.

>Lauschepper [laausjepper]
>
Meestens maakt wy van "sch" "sk" of "s", dues in dit geval sol daet
"lauskepper"
wesen. Mar verders sol ik nich weten wat et is. Wellich "somebody who makes
noise" of "somebody who picks up / cleans up ..."?

>Lierendräiher [lierendreier]
>"organ-grinder"? "someone who does no serious work"?
>
Daet kan 'nen keerl wesen den 'n straatorgel (streetorgan) dreeiend hold,
mar ik gelööv daet et mangs ok wal fuyr andere dinge brukt word.

>loss [los]
>"permeable"? "open"? "rid of"? "lost"?
>(De Grensen bünt loss. "The borders are open"? "We've lost the borders"?)
>
Wy segt "lös" en daar meent wy "open", "detached" met.
As de grensen lös bint, dan word der nich meer kontroleert.
In et Hollandsch segt wy vake "los", in plaats van "open"

>van nießen [van niessen]
>"anew"? "once again"?
>
Wy segt meestens "opny(j)", naar et Hollandsche "opnieuw".
Ik kan daar gin "niessen" van maken...

>nigges
>"nothing at all"? "not even"?
>
Hier kent wy alenig "niks".

>nöhlen [neulen]
>"dawdle"? "nag"?
>
Daar hebt wy et al maal aver hat, dae's "nag", "complain" en so noch wat meer.

>Pütt [put]
>"puddle"? "lake"?
>(in’ Pütt springen [inn put springen])
>
Wy segt "putte" met 'ne Hollandsche korte u, ik schryv meestens "puette".
Et is 'ne "well" op Engelsch, so'n ding wuur man water uut ophaalt.

>schällen [sjellen]
>"lack"?
>(Et schällt an nix [Et sjelt aan niks] "there is no shortage of anything"?)
>
"Et scheelt an niks" meent daet man niks te kort kuemt,
"no shortage of anything" dues.

>sööte Huuskapläöne [zeute hoeskapläeune] {"sweet house chaplains"}
>
Ik weet nich wat daet sind, mar as ik et so lese dan maak ik daar
"huychelaars"
(charletains) van.

>Twarssene (< adj. twarssen?) [twarsen(e)]
>
Daet ken ik ok nich, wal "dwars".

>Väenekuhle [väenekoele]
>"swamp hole"? "bog pit"?
>
Ik sol daet "vennekule" schryven, dae's 'n gat in et venne.
Man bruukt dat fuyr natuyrlike kuhlen en fuyr kuhlen dee
duyr lue gräven sind, fuyr brandstof (turf). Vake stöön daet
natuyrlik kats vol water en kan der best ene in versöppen wesen...

>vernienig
>
"stinging", "tough", as in "'nen venynigen pyn" (a stinging pain)

>verschliert [versjlierd]
>"worn-out"?
>
Wy sollen "verslierd" seggen, sonder "j", mar et is "worn-out".

'k hoppe daet dit helpt, as der noch meer sind....

grooten,
Henry

----------

From: R. F. Hahn [sassisch at yahoo.com]
Subject: Help needed

Henry,

Bedankt för de grote Hülp (baven).

> >äösen [äeuzen]
> >from "Aos" [aos]?
> >
> Ik nem an daet ie "ösen" meent, daet bint "aces" in et Engelsch.
> En daet kuemt van "aos" (ace) ja. Of man muet noch an Wodan
> en Donar gelöven, dan kuemt et uut den kategory...

Nee, ick glööv', düt is verwandt mit "asen" in Nordsassisch.  Dat bedüüdt so
wat as "to make a mess" un kümmt vun "Aas" ('carrion', 'animal corpse',
'disgusting mess').  In düsse Tosamenhang glööv' ick, dat "äösen" so wat as
"to make trouble" bedüüdt:

<...>
Ant Äösen.
Ant Pesten.
Ant Targen.
Ant Piesacken.
Ant Stooten.
Ant Druphaun.
<...>

Mien Översetten:

<...>
Making trouble. [?]
Stirring up.
Sneering.
Pestering.
Pushing.
Punching.
<...>

> >Glase [glaze]
> >(dör de Glase gooien "toss through the glass"?)
> >
> As man et eene glas na et andere drinkt, dan gooit man et duyr et glas.
> Natuyrlik kan man ok 'nen baksteen duyr 'ne rute smyten, dan gooit man
> et ok duyr de glazen (sol ik daet nich as "glasen" schryven?).

<...>
Den heelen Huuspröttel,
Kisten, Kasten un Papiern,
Bööker un Flünnen bie Hööpe,
Alls dör de Glase gooien.

Anstääken!
Den ganßen Beis
warm afbrääken.
<...>

Mien Översetten:

<...>
Pots and pans and stuff,
boxes, cases and papers,
books and rags [?] in heaps--
tossing everything through the glass [?].

Set it alight!
Burning down
the whole joint.
<...>

> >sööte Huuskapläöne [zeute hoeskapläeune] {"sweet house chaplains"}
> >
> Ik weet nich wat daet sind, mar as ik et so lese dan maak ik daar
> "huychelaars" (charletains) van.

Dat glööv' ick ook -- so wat as _frömmelnde Heuchler_ or _pietistic
hypocrites_.

> >Lierendräiher [lierendreier]
> >"organ-grinder"? "someone who does no serious work"?
> >
> Daet kan 'nen keerl wesen den 'n straatorgel (streetorgan) dreeiend > hold,
> mar ik gelööv daet et mangs ok wal fuyr andere dinge brukt word.

"Een, de keen eernste Arbaid dait"?

> >nigges
> >"nothing at all"? "not even"?
> >
> Hier kent wy alenig "niks".

"Niks" (schreven "nix") bruukt he ook.  Villicht is 't "niks" betoond
[emphatic]?

> 'k hoppe daet dit helpt, as der noch meer sind....

Ja, dusend Dank! Good dait 't hölpen!

Gröten,
Reinhard/Ron

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
 =======================================================================
 * Please submit contributions to <lowlands-l at listserv.linguistlist.org>.
 * Contributions will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
 =======================================================================