LL-L "Etymology" 2002.05.14 (04) [LS]

[Lowlands-L]

======================================================================
 L O W L A N D S - L * 14.MAY.2002 (04) * ISSN 189-5582 * LCSN 96-4226
 Web Site: <http://www.geocities.com/sassisch/rhahn/lowlands/>
 Rules: <http://www.geocities.com/sassisch/rhahn/lowlands/rules.html>
 Posting Address: <lowlands-l at listserv.linguistlist.org>
 Server Manual: <http://www.lsoft.com/manuals/1.8c/userindex.html>
 Archive: <http://listserv.linguistlist.org/archives/lowlands-l.html>
=======================================================================
 A=Afrikaans Ap=Appalachian D=Dutch E=English F=Frisian L=Limburgish
 LS=Low Saxon (Low German) S=Scots Sh=Shetlandic Z=Zeelandic (Zeeuws)
=======================================================================

From: "Friedrich-Wilhelm Neumann" <neumannding at web.de>
Subject: LL-L "Etymology" 2002.05.13 (04)

> From: Friedrich-Wilhelm.Neumann mailto:neumannding at web.de
> Subject: L-LL "etymology" 2002.05.13 (02)
>
> Leeglanners and Lowlanners,
>
> Ick haar schreeven:
>
> > ...Fiete:
> >
> > Kombüüs (franz:? Du weitst de Herkunf?)
>
> Ron schreev:
>
> > Nich uut 't Franzöössche, man de wahre Herkumst is nich seker.
> > "Kombüüs'" kümmt vun middelneddersassisch _kambüse_ < _kabüse_ ~
> > _kabûse_, vergl. middelnedderlandsch _cabûse_ ('ship's kitchen' =
> > 'galley' < 'stall separated by means of boards'), vergl. ingelsch
> > _caboose_....
>
> Deit mi jo leid, Ron, ditmool gläuv ick Di nich. Ick kann blaut weinig
> Franzöösch, obers heff door'n Lexikon föör. Un door steiht ( wöer mi jo
> ook
> sau in'n Kopp): "Hauchdüütsch: *Brennbar* = Franzöösch: *combustible*.
> Dat is mi tau veel Taufall op einmool. Or sünn dat indogermaansch
> Wuddeln, de von dat Latiinsche mit "com-" verfälscht wonnen sünd?
>
> Besten Oobend tau all
>
> Fiete.
>
> ----------
>
> From: R. F. Hahn <sassisch at yahoo.com>
> Subject: Etymology
>
> ...Fiete:
>
> > Deit mi jo leid, Ron, ditmool gläuv ick Di nich.
>
> Bruuk Di nich leed doon, un glöven mi bruukst dat ook nich, wiel dat dat
> nich up *mien* Mist wussen is.  Dat keem direktemang uut d'n
> _Herkunftsduden_ un uut 't _Concise Oxford Dictionary_.  Daar steiht,
> dat de Oorsprung nich seker is, dat 't man sachs uut 't Neddersassische
> in 't Düütsche un uut 't "Hollandsche" in 't Ingelsche kamen was (kunn
> ook dat Neddersassische sien vun de Hanse-Tied).
>
> > Franzöösch: *combustible*.
> > Dat is mi tau veel Taufall op einmool. Or sünn dat indogermaansch
> > Wuddeln, de von dat Latiinsche mit "com-" verfälscht wonnen sünd?
>
> Düsse Hypothees' schusst maal an de Duden-Lüüd' stüürn.  Ja, dat
> Neddersassische hett 'n Barg franzöössche Wöör "schamfeert," man dat was
> tomehrst later, nich vör 't 18. Jahrhunnerd.
>
> De Wöörböker geevt de Hypothese, dat 't mit Hollandsch "kookhuis"
> tosamenhangt, man dat glööv' ik ook nich, un denn schull dat wiss
> neddersassisch _kookhuus_ westen.  Un woans verklaart se dat "b"?
>
> Man wiederhen skeptisch wesen!  Is good so.
>
> Kumpelmenten,
> Reinhard/Ron....

 Dach ook, Ron un Leeglanners,

dat is jo föör mi de Hauptgrund ween, bi Jau mol'n beten rümtaustöövern.
Inne klauken Wöörbööker heff ick all tauveel Undüügs leest, watt sau
nich
angohn kunn.
Dor schrifft de ein von dennen annern aff, dücht mi; dat schient sick
woll
nich tau lauhnen, disse ethymologisch Lexica
mol von Grund an tau öberarbeiden.
Üm dat ennig un schier tau mooken, mut'n all 'n lütt Beeten Weiten von
Platt, Lüüd un Land hebben- anners ward door nix von.

 Köön't WI door viellich wat an mooken?
Sou, as ick Ron inschätzen dauh, hett hei obers all 'n neu' Enzyklopädie
in petto- föör all us Leeg- un Lowlanders.

 'N kompleet anner Probleim: ick kann de "phonetisch" schreeven Wöör opp
dissen Wech nich empfangen; door stoht mittünner blaut Toolen un
Sünnerteiken. Geev't mi mol'n gauden Root, wo ick dat ännern kann.

Bit looter

 Fiete.

----------

From: R. F. Hahn <sassisch at yahoo.com>
Subject: Etymology

Fiete,

> Sou, as ick Ron inschätzen dauh, hett hei obers all 'n neu'
> Enzyklopädie in
> petto- föör all us Leeg- un Lowlanders.

Tjer, ik wull dat weer so.  ;)  Man dat mutt ik annere Lüüd' överlaten.

> 'N kompleet anner Probleim: ick kann de "phonetisch" schreeven Wöör opp
> dissen Wech nich empfangen; door stoht mittünner blaut Toolen un
> Sünnerteiken. Geev't mi mol'n gauden Root, wo ick dat ännern kann.

Ja, so schall dat ook wesen.  Daar bruukst nix an ännern.  Dat is de
SAMPA-Luudschrift, 'n E-Mail-Luudschrift.  Kiek maal hier na:

http://www.phon.ucl.ac.uk/home/sampa/home.htm
http://www.phon.ucl.ac.uk/home/sampa/x-sampa.htm
http://www.phon.ucl.ac.uk/home/sampa/samprosa.htm

Kumpelmenten in 't Huus!
Reinhard/Ron

==================================END===================================
 You have received this because your account has been subscribed upon
 request. To unsubscribe, please send the command "signoff lowlands-l"
 as message text from the same account to
 <listserv at listserv.linguistlist.org> or sign off at
 <http://linguistlist.org/subscribing/sub-lowlands-l.html>.
=======================================================================
 * Please submit postings to <lowlands-l at listserv.linguistlist.org>.
 * Postings will be displayed unedited in digest form.
 * Please display only the relevant parts of quotes in your replies.
 * Commands for automated functions (including "signoff lowlands-l") are
   to be sent to <listserv at listserv.linguistlist.org> or at
   <http://linguistlist.org/subscribing/sub-lowlands-l.html>.
 * Please use only Plain Text format, not Rich Text (HTML) or any other
   type of format, in your submissions
=======================================================================