LL-L "Resources" 2003.03.29 (02) [S]

[Lowlands-L]

======================================================================
 L O W L A N D S - L * 29.MAR.2003 (02) * ISSN 189-5582 * LCSN 96-4226
 http://www.lowlands-l.net  * admin at lowlands-l.net * Encoding: Unicode UTF-8
 Rules & Guidelines: http://www.lowlands-l.net/rules.htm
 Posting Address: lowlands-l at listserv.linguistlist.org
 Server Manual: http://www.lsoft.com/manuals/1.8c/userindex.html
 Archives: http://listserv.linguistlist.org/archives/lowlands-l.html
=======================================================================
 You have received this because you have been subscribed upon request.
 To unsubscribe, please send the command "signoff lowlands-l" as message
 text from the same account to <listserv at listserv.linguistlist.org> or
 sign off at <http://linguistlist.org/subscribing/sub-lowlands-l.html>.
=======================================================================
 A=Afrikaans Ap=Appalachian B=Brabantish D=Dutch E=English F=Frisian
 L=Limburgish LS=Lowlands Saxon (Low German) N=Northumbrian
 S=Scots Sh=Shetlandic V=(West)Flemish Z=Zeelandic (Zeêuws)
=======================================================================

From: Sandy Fleming [sandy at scotstext.org]
Subject: "Orthography"

> From: Chris Ferguson <shoogly at ntlworld.com>
> Subject: LL-L "Orthography" 2003.03.28 (03) [E]
>
> A haed a wee keek oan yon site o yours - nice tae see it -bit a
> wuldnae mind
> seein Robert Fergusson anaw,  bein a Ferguson fae Edinburgh like masel ;-)
> Bit guid oan ye!

Thanks, Chris.

Robert Fergusson's poems is on the auld vairsion o the
site yit:

http://scotstext.org/

Ye hae tae sairch for the like o "Fergusson" (this is
ane o the raesons for writin a hale new vairsion o the
site - navigation the depends pairtly on the sairch engine
haesna turnt oot sic a guid idea s I'd thocht!

I've juist pitten up anither Ferguson on the new vairsion
o the site:

http://scotstext.org/makars/w_l_ferguson/

His poems is some o my favourites, in parteeclar "Homer":

HOMER: THE MERSE FARMER'S VERSION

AULD Homer was a wycht, they tell me,
Wha traivell' t Hellas far an wide,
Blinnd as a bat, an yet could tell ye
A gatepost frae a bull's backside.

A muckle braingin', bletherin billie,
Wi hoary held an sichtless ee;
A cross atween oor Wanderin' Wullie
An yon auld runt that ferms "the Lea."

He'd chant wi catgut a' in tune
Aboot yin Helen, a braw whore
Wha gaed aff wi some shepherd loon,
Settin the Greeks a' in a splore.

I canna mind the month an year o't,
But Homer spreid the scandal far,
Till Greece was bizzin wi the steer o't,
An sae begood the Trojan War.

Grundin' their teeth, they teuk the bit,
Syne chairged the Trojans mon to mon;
They rived an swore, they slashed an hit
Ilk ither till they couldna staun'.

A' this commotion ower a wunch!
Troy lowin up like Blaikie's ferm
Yon hervest nicht! - Damn the hale bunch
O gangrel blades that wark sic herm!

To stots an stirks wi anxious care,
An no to rhymes I hae been bred:
Homer? - the carl was no a' there
To waste his time at sic a tred.

Rax me thon bottle, like a mon!
Bree o auld Scotland's beardit fruits!
Nane o yer trash frae Helicon!
Ailice, ye bitch! - pou aff my buits!

Sandy
http://scotstext.org/

==================================END===================================
* Please submit postings to <lowlands-l at listserv.linguistlist.org>.
* Postings will be displayed unedited in digest form.
* Please display only the relevant parts of quotes in your replies.
* Commands for automated functions (including "signoff lowlands-l") are
  to be sent to <listserv at listserv.linguistlist.org> or at
  <http://linguistlist.org/subscribing/sub-lowlands-l.html>.
 =======================================================================