LL-L "Events" 2005.04.04 (03) [LS]

[Lowlands-L]

======================================================================
L O W L A N D S - L * 04.APR.2005 (03) * ISSN 189-5582 * LCSN 96-4226
http://www.lowlands-l.net * lowlands-l at lowlands-l.net
Rules & Guidelines: http://www.lowlands-l.net/index.php?page=rules
Posting: lowlands-l at listserv.linguistlist.org or lowlands-l at lowlands-l.net
Commands ("signoff lowlands-l" etc.): listserv at listserv.net
Server Manual: http://www.lsoft.com/manuals/1.8c/userindex.html
Archives: http://listserv.linguistlist.org/archives/lowlands-l.html
Encoding: Unicode (UTF-8) [Please switch your view mode to it.]
=======================================================================
You have received this because you have been subscribed upon request.
To unsubscribe, please send the command "signoff lowlands-l" as message
text from the same account to listserv at listserv.linguistlist.org or
sign off at http://linguistlist.org/subscribing/sub-lowlands-l.html.
=======================================================================
A=Afrikaans Ap=Appalachian B=Brabantish D=Dutch E=English F=Frisian
L=Limburgish LS=Lowlands Saxon (Low German) N=Northumbrian
S=Scots Sh=Shetlandic V=(West)Flemish Z=Zeelandic (Zeêuws)
=======================================================================

From: Helge Willkowei <helge.willkowei at gmx.de>
Subject: LL-L "Events"

Moin leve Leeglanners,

ok dit Jahr weer maakt de "Studentenkring Plattdüütsk" in Griepswold
(Vörpommern) 'n Vördragsrieg'. Ik doch, dat dat viellicht de een of
anner gifft, de dat interesseren deit. Wenn well van jo vörbikieken
will, deen wi uns freien. Hier uns Pressmitdelen:

***
Vortragsreihe 2005: "Wat de jungen Lüd' in'n Kopp hebben."
Nachwuchsforschen im Niederdeutschen.

Wedder ‘ne Reig’ van plattdüütsche Vördräg’ in’e Staddbiblioteek van ‘n
Prillmaand af an

Bina ‘n heil Jor verläden, do füng dat an mit dei ierste Reig’ van
Vördräg’ œver dei plattdüütsche Sprak. Nu sall dat wieder gan, ümdat
Plattdüütsch ‘n Plaats mutt kriegen in unse Stadd, wat dat verdeinen
deit un wat dor nu bi helpen sall, all dei Börgers, un hier up’t vörnst
dei Plattsnackers sülven, ‘ne lude Stemm’ tau gäven. Dei Laag’ van’e
anner grote Sprak in Düütschland (un Nedderland), dei is œverleeg un
elennig. In’t Tiedsöller van dei Meedjen is Platt bina nich tau sein un
tau hüren nich. Un Ji weiten woll, dat allens, wat ein nich tau sein
kriegen deit in’t Kiekschapp or nich tau hüren is in’t Hürschapp, dat
dat - so dücht uns dat - gor nich dor is nich, keinein is bi, dor œver
tau snacken. Disse Sak is nich nieg’ nich, man sei ward na’e Kant
schaven, un dat ok van dei Plattsnackers sülven.
Dor willen wi gägenan gan un versoiken tau wiesen, wat dei Problemen
sünd mit’t Plattdüütsch. Dit Jor sœlen keine bekannten Wätenschoppslüd’
berichten nich, dit Mal snacken junge Lüd’, dei ‘n bäten sœlen purren,
œver Plattdüütsch natausinnen. Plaant sünd dei nakamen Vördräg’
(Beginneltied: Klock 18.00, Uurt: Kellerwelft in’e Staddbiblioteek):

1. 21.04.2005, Thorsten Filter (Griepswold, in Platt): „Olle Sprak,
niege Wüürd’.“ Niewüürd’ in’t Plattdüütsch? (Neologismen im
Niederdeutschen?).

2. 28.04.2005, Birte Arendt (Griepswold): „Disse Sprak, de is ok Heimat
för mi.“ Woans junge Lüd’ denken daun œver eer Plattdüütsch
(Spracheinstellungen der jüngeren Generation zu ihrem Platt).

3. 12.05.2005, Helge Willkowei (Griepswold): „Plattdütsk bi d’Arbeid.“
Sprakpläg’ bi junge Oostfreesen (Sprachpflege bei jungen Ostfriesen).

4. 26.05.2005, Enrico Lippmann (Darmstadt): „Mit quade Lüd’ ward nich
Platt snackt.“ Œver den verschälen Bruk van Platt (Zur situativen
Varianz beim Plattgebrauch).

5. 09.06.2005, Filmemoker GbR/Martin Hermann & Ralf Vielhauer
(Sulingen): „De Apparatspot.“ Filmwiesing’ un Klœnrund’ (Filmvorführung
und Diskussion).

6. 23.06.2005, Mikko Bentlin (Griepswold): „Plattdüütsch-finnsch
Sprakgewrangel.“ Plattdüütsche Wüürd’ in’t Finnsch (Niederdeutsches im
Finnischen).

7. 07.07.2005, Horst Giencke/Thorsten Filter (Griepswold):  „Schrieven
as de Snavel wussen is?“ Bruken wi faste Schrievrägels för Plattdüütsch?
(Brauchen wir Rechtschreibnormierungen im Niederdeutschen?)

So hebben wi nu Vördräg’ œver Sprakplaning’ un Sprakroik, œver Sprakbruk
un Sprakinstelling’. Plattdüütsche Länwüürd’ in’t Finnsch laten uns ‘n
bäten œver dei Kimm kieken. Dat „Raumschiff Enterprise“-Jökelstück „De
Apparatspott“, dei sall för’t ierste Mal wäsen warden in Griepswold. Un
bi’t End’ willen wi ‘ne heite Sak besnacken: ‘ne faste Noorm för ‘ne
plattdüütsche Rechtschrieving’. Wi willen nich allein ŒVER Plattdüütsch
snacken, man sülven ok IN Plattdüütsch räden, dorüm warden dit Mal ok ‘n
por Vördräg’ in Platt hollen, mit den iersten geit dat upstädens los.
Denn dei, wat willen, dat Platt mier sall bruukt warden, dei sullen dat
ok sülven wiesen, mannich?
Wi wullen uns bannig froigen wullen wi, wenn Ji van’n Prillmaand af an
wedder na’t Kellerwelft in’e Staddbiblioteek kamen deeden.

Thorsten Filter & Birte Arendt
Studierendeninitiative Plattdeutsch

***
Gröten!
-helge

==============================END===================================
Please submit postings to lowlands-l at listserv.linguistlist.org.
Postings will be displayed unedited in digest form.
Please display only the relevant parts of quotes in your replies.
Commands for automated functions (including "signoff lowlands-l")
are  to be sent to listserv at listserv.linguistlist.org or at
http://linguistlist.org/subscribing/sub-lowlands-l.html.
=======================================================================