LL-L "Lexicon" 2008.11.07 (06) [LS]

[Lowlands-L List]

===========================================
L O W L A N D S - L - 07 November 2008 - Volume 06
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page
and switch your browser's character encoding to Unicode.
===========================================


From: Arend Victorie <victorie.a at home.nl>
Subject: LL-L "Lexicon" 2008.11.07 (02) [E]

 Moi Jonny,



Dit hebt wij in 't Drèens.



De Drentenaar lokt zien vee,

mit zukerzuute klaanken.

Hij röp niet: "Schaop kom now mit!"

't biest dat zul dan bedaanken.

Hij kent een toverwoord,

en wördt dat ten bate eneumen,

dan zal dat wollig schaop,

't roepen wel geleuven.

De boer röp dan: "Suchien! Suchien!"



En as hij zien zwienen lokt,

Dan heur ie hum niet gauw roepen,

"Kom keuchies, kom in 't hok."

Of, "mottien, hier is oen zoepen."

Ien enkel lang geluud,

Strielt meer 't varkien' hèur zinnen.

De krulstarte spits hèur oren

En störmt 't kot naor binnen.

De boer röp dan: "Ki…eu~ki…eu!"



't Kalverachtig kalf,

kent ok 't ientonig roepen,

as eindelijk 't klokie slat,

dat 't van de melk mag snoepen.

't Hold de starte umhoog,

mit grote wilde sprungen.

Zo gauw der bij de bak,

eteemt wördt of ezungen:

"Su…k! su…k!"



Een koe, een wiezer biest,

wul van "suk! suk"niet hèuren.

Allent 't kienderachtig kalf,

spitst op die klaank zien oren.

Mit ernst en weerdigheid,

muj een koe behaandeln.

En willeg en gedwèe,

zal zij de stal in waandeln.

"Kobiest, ko! Kobiest, ko!"



Een Drentenaar röp zien peerd,

mit "Kòjon!"en "kòpietien!"

Mit de iene haand op de vangst

en in de aandere een "bietien!"

Is 't peerd beneden 't jaor,

dan zal "kopiet!"niet baten.

Een Drentenaar acht 't goed,

an elk hèur name te laoten.

 "Hes! hes! hessien!"



Hij röp zien dieren steeds,

zoas zij 't gèern heurt.

Een vrouw'lijk zacht "Puus! puus!

streelt wonder poesies oren.

En zölfs de logge gaanze,

komp of zij wul bedaanken.

Al gaggelnd naor de boer,

bij 't hèuren van de klaanken:

"Goos! Goos!"



Een kuuken, mit zien neb,

zien eierschaal deurbrekend.

Wet geliek wat "tik.tik.tik. tikketik"betiekent.

En hoe sprèekwordelijk dom,

een ente ok mag hieten.

't Vriendelijk gelok,

dat ken zij, dat mu'j wèten:

"Piele! piele! piele!"



De lepe Drèense boer,

wet dus deur vleiend klokken.

Zien hiel dierenschat,

gemakkelk te lokken.

Mar is hij bij geval,

zien lieve vrouwe ies neudig.

Dan acht hij dat geklok volkomen aoverbodig.

"Jànte! Jantèèè!"



Goodgan,

Arend Victorie
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20081107/bda5661e/attachment.htm>