LL-L "Traditions" 2008.10.30 (04) [LS]

[Lowlands-L List]

===========================================
L O W L A N D S - L - 30 October 2008 - Volume 04
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page
and switch your browser's character encoding to Unicode.
===========================================


From: Arend Victorie <victorie.a at home.nl>
Subject: LL-L "Holidays" 2008.10.30 (01) [E]


Moi Leeglaanders,



Een good en gerustellend halloween.



Alhoewel: Kiek uut aj 's aovends aover de weg gaot.



Hier komp mien Halloweenverhaaltien wat oonz as kleine pruugels riegelmaotig
deur een olde boer verteld worde.

Altied as de dagen begunden te körten kwam hij mit dit soort spoekverhalen
veur dag.

Gao 's aovends niet midden aover de weg, want de dooweagen geet der vanzöls
ok aover

En aj 't dan treft, daj net 't veurspoeksel van de dooweagen integen koomt,
dan koom ie te passe.

Kiek, 't zit zo: veurspoeksels kuj niet zien of heuren maer daorumme bint ze
der wel.

En aj 't dan treft jong, dan loop ie zunder arge van zölfs tussen de beide
peerden deur, aover de wagendissel, de wagen op en op de dookiste. JA JONG
OP DE DOOKISTE!!!!!!  En ie markt der godsterwèreld niks van.

Kiek, töt zo wied ister niks te doen, mar now komp 't an: Ie bint net op de
dookiste za'k mar zeggen.

Mar zo'n dookiste is niet zo laank, ie doet nog een tree en nog
iene….Klabats, daor plèer ie mit oen dompe op de grond.

En dat döt zeer, daor stao'k oe veur! En al mien ie daj steevaste an de
kaante van de weg elopen hebt dat is allemaole verbielding, KAKELOREM!!!
za'k mar zeggen. Ie leupen ongemarkt de locht in en op de dookiste. Hu!!. Ie
zulden der wisenzeker kold van worden.

Daorumme Jong, blief altied an de kaante van de weg lopen…..



Arend Victorie
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20081030/8efa3ec9/attachment.htm>