LL-L "Language promotion" 2009.12.25 (03) [DE-NDS]

[Lowlands-L List]

===========================================
L O W L A N D S - L - 25 December 2009 - Volume 03
lowlands.list at gmail.com - http://lowlands-l.net/
Encoding: Unicode (UTF-08)
Language Codes: lowlands-l.net/codes.php
===========================================

From: M.-L. Lessing <marless at gmx.de>
Subject: LL-L "Language promotion" 2009.12.25 (02) [DE-NDS]

Hm, hmmm, leve Markus, also bi de Utwahl vun TV-Senners vundaag is dat gor
nich wiss, dat mennig Lü dat unwillkürlich wohrnehmt, wenn een niege Sender
tokümmt! Dat gifft ja al Nischen-Kanaals, un de wüllt söcht ween. Un mehr as
en Nischenkanaal wöör so'n pd. Senner toeerst ok nich ween. Un so good dat
weer, so'n Kanaal to hebben -- da kann veel scheeplopen, sünnerlich mit de
Lü, de dat maakt. Un dat kost Geld. Un so'n Medium as TV hett nich mehr
allto veel Tokumst. Din Grundgedank, Marcus, de "Konsum-Logistik to ännern",
de stimmt 100%. Mal sehn: Wat warrt de Lü opdrängt, wat kennt jedereen, wat
is in all Medien togliek präsent? Reklaam. De würklich coolen Reklaam-Spots
maakt in Nullkommanix de Runn dör alle Medien, mit Glück sogor weltwied.
Natüürlich kannst dat nich betahlen. Dat Allerbest weer, wenn jichenseen
Produkt en 1 A Reklaamspot *op Platt *dreihn wöör, t.B. wieldat Platt en
godes Image hett (jung!!!!) orr witzig is. Dat mutt toeerst gor nüms
verstahn, dat langt, dat Platt de Präsenz un -- villicht -- Kultstatus
winnt. De wenigsten Lü bi us verstaht ja ingelsche Reklaam, liekers wirkt se
-- villicht jüst dorwegen ;-) Sowat kunn en Dörenapener för Platt ween. Da
kümmt veel op Personen an, dücht mi. Lü, de an de richtigen Steden sitt.
Köönt wi da wat bi doon?

Hartlich!

Marlou

  From: Marcus Buck <list at marcusbuck.org>
Subject: LL-L "Language varieties" 2009.12.24 (05) [DE-NDS]

 Aver de Grundidee von mien "plattdüütsch Feernsehn" is, dat wi de
Konsum-Logistik ännert. Opstunns is dat so, dat elkeen, de Plattdüütsch
hebben will, sik dat _halen_ mutt. He mutt aktiv söken. Un aktiv söken doot
man de Lüüd, de sik "bewusst" mit de Spraak befaten doot. Un dat is man en
temlich lütte Tall Lüüd. Mit en egen Senner warrt dat ännert. De Lüüd mööt
sik nix mehr _halen_, dat warrt _bröcht_. Elkeen kriggt Plattdüütsch in sien
egen Huus levert. Nüms mutt dor wat besünners för doon. So kriggst du ok de
Lüüd, de sik nich bewusst mit de Spraak befaten doot.

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20091225/aa67f68d/attachment.htm>