LL-L "Personalia" 2009.01.26 (03) [LS]

[Lowlands-L List]

===========================================
L O W L A N D S - L - 26 January 2009 - Volume 02
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page
and switch your browser's character encoding to Unicode.
===========================================


From: Hannelore Hinz <hannehinz at t-online.de>
Subject: LL-L "Personalia" 2009.01.22 (02) [E/LS]

Best' Ron* (**Reining),*



ick müßt' mi lang besinn', in mi gahn. Wat ick ut dien so grotorrig schräwen
"Personalia" oewer mi lütt' Kräumel as Ingelsch-Anfängersch' rutlääst heff,
roegte mi bannig deip an.. Ja, dat is so, ick müßt' för'n Oogenblick de Tied
anholln.

Bi'n lütten Snack per Quasselstripp hett Marlou Lessing mi dat Wuurt för
Wuurt mit all' de literaaschen Rankels verklort. Nu künn ick dit binah nich
faten! Noch eins denn' Aten anholln.

Mit Hochachten, warm Wüür un allerbest Känen hest du mi binah de wiede Welt
vörstellt, un wo deip du uthalt hest. Du kannst 'n Minschen in't Hart
kieken.

Wennihr so ein Loff. -

Ach Ron, ick seih mi gor nich so; is woll mien Oort.

Ick bün mi all lang wiß oewer dit Glück, dat Up-tau-kamen mit di un Marlou.

Heff di vertruugt un mien Binnelst upknöpt, du hest mi ümmer mien Frieheit
laten.

Kein Schaulmeistern, ümmer von Harten dien ihrlich Mein un Hülp.

All' dat löt Vertruugen un Fründschaft wassen un ok mien' Maut för ein
Högerup.

Tau mi un mien lütt Warken bün ick nich so gaudmäudig. Bün tworst ein
Peiter-gaut-Schap (tau gaudmäudig, wat binah doemlich sien künn)...

Nu späukt in'n mien Achterkopp de "Nettelkönig/Tunkrüper" un

tiriliert mi tau so as "...dat möt noch bäter mit di Hanning warden". Un
wiel hei ok tau Wintertied (oewer nich wägen mi) sick in dien un mien Rebeit
uphöllt, liggt hei mi nu ümmer in de Uhrn, hm, dat möt je denn' Minschen
andriewen. Na klor, dat sträw ick alltied an un de Freud swäwt ümmer mit, ok
Hoeg möt af un an sien.



Man, ahn Taulihren geiht't nicht...



*ICK DANK DI VON HARTEN!*

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090126/ba837f18/attachment.htm>