LL-L "History" 2009.01.30 (04) [LS]

[Lowlands-L List]

===========================================
L O W L A N D S - L - 30 January 2009 - Volume 04
-------------------------------------------------------------------------
Please set the encoding mode to Unicode (UTF-8).
If viewing this in a web browser, please click on
the html toggle at the bottom of the archived page
and switch your browser's character encoding to Unicode.
===========================================


From: Hannelore Hinz <hannehinz at t-online.de>
Subject: LL-L "History" 2009.01.29 (03) [LS]

*Best Arend Victorie un Reinhard,*



vörweg sall FRITZ REUTER tau Wuurt kamen:



"Ick weit einen Eikbom, de steiht an de See,

De Nurdstorm, de brus't in sien Knäst,

Stolz reckt hei de mächtige Kron in de Höh;

So is dat all dusend Johr west;

Kein Minschenhand,

De hett em plant't,

*Hei reckt sick von Pommern bet Nedderland."*



Aus Versdichtung: HANNE NÃœTE UN DE LÃœTTE PUDEL



Ut dat schöne Nedderland *weihte mi uns' Eikbom *mit 'n groten Ümweg nah

Seattle, noch eins oewer denn' groten Diek,*  ein' wunnerschöne Melodei *
tau.

Sei klüng nah de grote Reis' liekers so weik un warm, dat Moll von eins
swenkte üm

in Dur. Dat Stillsien, Nahdenken un Mitfäuhlen so schön, kort un klor in
poetsch' Wüür

kleedt, *dat hett mi so gaud dahn un Freud un DANK stegen taugliek in mi up*

*un sei wiwaagten fröhlich.*  (Un Hannelore wiwaagte mit, mal swack un denn
oewer

*stark!*)



*Wunnerschön!*



Von Harten mien Gräuten.



Hannelore (Hanne)


From: victorie.a <victorie.a at home.nl>
Subject: LL-L "History" 2009.01.27 (03) [LS]

*Veur Hannelore,*



Ik bin een toertien stille ewest

umme oen verhaal

töt mij deur laoten dringen.



Ik bin een toertien stille ewest

en perbeert,

oen aangst te vuuln.



Ik bin een toertien stille ewest

en 'k zag ogen

verdrinken

in traonen.



Ik bin een toertien stille ewest

en ik vuul

warmte…



Veur de starke

Hannelore………….



Arend Victorie

Hoogeveen

Drenthe

Nederland


----------

From: R. F. Hahn <sassisch at yahoo.com>
Subject: History

Leve Hanne,

As du baven al sühst, hett di us leve Fründ Arend een Gedicht schräven as 'n
Reakschoon up dien Vertellen vun de DDR-Tied.

Arend wahnt in de nedderlandsche Provinz Drenthe un schrifft in sien
Drentsch Neddersassisch, dat to de Westfaalschen Dialekten höört. De
Schriefwies' is tomehrst hollandsch, un daar wägen is dat för de mehrsten
Noorddüütschen wat frömd.

Ünnen findst du dat Gedicht vun mi up düütsche Aard un Wies' ümschräven, mit
'n paar Vokabeln to Hülp achter ran.

Hier findst annere Warken vun Arend:
http://lowlands-l.net/gallery/victorie.php

Leve Grötens,
Dien Reinhard
Seattle, USA

***

*För Hannelore*

Ik bin een Tuurtien stille ewest,
ümme uun Verhaal
töt mej dör låten dringen.

Ik bin een Tuurtien stille ewest
en perbeert,
uun Angst te fühln.

Ik bin een Tuurtien stille ewest,
en 'k sag Ogen
verdrinken
in Trånen.

Ik bin een Tuurtien stille ewest,
en ik fühl
Warmte…

för de starke
Hannelore………….


*
Vokabeln:*

en = un
ewest = west

mej = mi

perbeern = probeern, versöken
sag = sehg'

te = to

töt = bit, bet, in, to

Tuurtien = lütt Tuur, Wiel

uun = joon, juun, dien

Verhaal = Vertellen

Warmte = Warmt, Warms

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090130/7266e9a0/attachment.htm>