LL-L "Grammar" 2009.06.04 (03) [NDS]

[Lowlands-L List]

===========================================
L O W L A N D S - L - 04 June 2009 - Volume 03
Encoding: Unicode (UTF-08)
Language Codes: lowlands-l.net/codes.php
===========================================

From: Marcus Buck <list at marcusbuck.org>
Subject: Grammatik

Dat gifft in uns Dialekt en besünner Wies "'t fangt an to ..." uttodrücken.
"'t fangt an to regen" warrt denn to'n Bispeel "'t warrt regen" utdrückt.
Dat "regen" in dissen Utdruck is keen Substantiv, dat is en Verbform. Dat
geiht blot mit en poor Verben, de en Tostand utdrückt. Aver blot för
Tostänn, de natürlich sünd, de de Minsch nich stüürn kann. Vör allen dat
Weder ("de Heven warrt so düüster utsehn", "snein warrn", "schummern warrn")
oder to'n Bispeel ok sowat as "du warrst ja in't Gesicht so slecht utsehn".
Is wohrschienlich en afslepen Gerundivform (is Gerundiv de richtige Utdruck
för -nd-Wöör so as hoochdüütsch "aussehend"?) - afslepen jüst as in "fleten
Water" - un keen Infinitiv.

Op't Internett heff ik blot en Hand vull Bispelen funnen:

"Een Maschien dreiht dat Heu ton groten witten Plastik-Rollmops tosamen – un
denn kann’t regen warrn." <
http://www.grossenaspe.de/html/body_ve_frueher.html>
 "Dat warrt regen..." <
http://lehrplan.lernnetz.de/intranet1/links/materials/1150375624.pdf>
 "Ãœm de Ulenflucht, wenn dat schummern warrt" <
http://www.youtube.com/watch?v=x8xAIBLQ_50>
 "Wat kann de Minsch leeg - utsehn warrn" <
http://wikisource.org/wiki/Hamborger_Janmooten/Krischon_Honolulu>
 "Ja, un't lett so fast, as wenn't meindag' nich wedder regen warden will" <
http://wikisource.org/wiki/D%C3%B6rchl%C3%A4uchting/Kapittel_10>

Disse Bispelen sünd all ut Holsteen, Hamborg un Mekelborg. Kann aver angahn,
dat dat ok annerwegens noch kennt warrt, annere Regionen hebbt ja annere
Formen för "warrn" ("weern", "worden" etc.).

Weet dor een von jo mehr to? Gifft dat disse Utdruckswies bi jo ok? Weet
een, wo dat von her kaamt, wannehr dat opkamen is, woneem dat bruukt warrt
etc.?

Marcus Buck

----------

From: R. F. Hahn <sassisch at yahoo.com>
Subject: Grammar

Beste Marcus,

Na mien Dinken sünd das Substantiven, un de schull 'n groot schrieven:

Orginaal: Dat schall/sall rägen.
ünner düütsch Inwarken: Dat wardt rägen.

Man …
Ãœm de Ulenflucht, wenn dat Schummern wardt
Wenn dat Heu hoog un dröög' liggt, denn kann 't Rägen warden.
Ja, un 't lett meist so, as wenn 't miendaag' nich wedder Rägen warden will.
so as: Ja, un 't lett meist so, as wenn 't miendaag' nich wedder warm warden
will.
or: Ja, un 't lett meist so, as wenn 't miendaag' nich wedder Summer warden
will.

Man: Ja, un 't lett meist so, as wenn 't miendaag' nich wedder rägen will.

Grötens,
Reinhard/Ron

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090604/863487b5/attachment.htm>