LL-L "Literature" 2009.03.04 (02) [LS/German]

[Lowlands-L List]

===========================================
L O W L A N D S - L - 04 March 2009 - Volume 01
===========================================


From: Hannelore Hinz  <HanneHinz at t-online.de>

Subject: Frère Jacques around world



Leiw' Frünn' alltohopen.



Tau denn' Jakob binah in alle Spraaken heff ick mi bannig freut. Dit müßt'
ick ierst mal faten. Schön, de Gören maken uns dat vör, un Vaddings,
Muddings, Größings, Grotvaddings, Päten, Sippschaften, Unkels, Tantens  un
wi helpen giern nah.

Dit Singen is dat best' Bispill, ein NOVUM in mien Oogen, för dat
Global-Spraaken-Denken. Duusendmal Dank!



Brauder Jakob (Mäkelborgsch, Germany)



Brauder Jakob, Brauder Jakob.

Slöppst du noch?

Hürst du nich de Klocken?  (Glocke, Uhr)

Ding, dang, dong!

Ding, dang, dong!



Hier in Mäkelborg gifft dat ok noch 'n annern Jakob mit anner Melodei. Diss
Jakob hett villicht tauväl ut de Dackrönn drunken... denk ick mi.



Brauder Jakob,

d'büst 'n Schapskopp,

d'büst 'n Dummerjan,

kannst nich so rüm gahn!



Lat em lopen, dat gifft sick woll noch...



Twei Gedichten von mi oewer ...



*           Singen*



Wenn ji singt, dat's ein Gäben!

Wenn ji singt, wat ümmer gellt.

Wenn ji singt, löppt dat Läben.

All' jug Singen mi geföllt.



Wenn ick sing, so alleinen,

wenn ick sing, oft nich klingt.

Wenn ick sing, möt ick weinen,

all' mien Singen halt de Wind.



Wenn ji singt, liesen Swäben.

Wenn ji singt, gliek Sünnenschien.

Wenn ji singt, ward sick't gäben

nimmt jug' Singen, Leid un Pien.



Wenn ji singt, läben Tieden.

Wat ji singt, för ümmer tellt.

Mag tau giern Kinner lieden. (Kinder gern haben)

All' jug Singen uns geföllt.



*                      SONETT*

                  (für Singende)



Ein Weg und Ziel durch Höhen und auch Bangen

nahm Sonnenschein des Herzens niemals dir,

und doch durch Zeitenschleier blasse Zier

die Sängerherzen hinter Mauern sangen.                      (Eisener
Vorhang)



Wenn unfrei ferne Sängerhelden schweigen,

und nie ein Tag mit neuem Klang erwacht,

wenn nur gen Osten zwingt des Schöpfers Zeigen,

wie lange noch der Sänger schwarze Nacht...



Mit Wolkenfreunden manches Lied entrückt,

der Wind nahm's mit auf allen seinen Wegen,

hat grenzenlos ein fernes Land entzückt.



Für mich bist Sänger du ein Freundessegen,

mit deinem Lied auch heut mein Reim sich schmückt.

Dir allzeit Dankbarkeit will still ich hegen.



Nu nu singen wi alltohopen in' Chur denn' globalen Jakob.

Mowemang noch, Kammerton a, mi mi mi mi mi, un  ...los.



Väl Freud!



Hanne

•

==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20090304/db059a8c/attachment.htm>