LL-L "Language politics" 2010.02.22 (02) [NDS]

[Lowlands-L List]

===============================================
L O W L A N D S - L - 22 February 2010 - Volume 02
lowlands.list at gmail.com - http://lowlands-l.net/
Archive: http://listserv.linguistlist.org/archives/lowlands-l.html
Encoding: Unicode (UTF-08)
Language Codes: lowlands-l.net/codes.php
===============================================

From: Jonny <jonny.meibohm at arcor.de>
Subject: LL-L "Language politics" 2010.02.21 (04) [NDS]

 Beste Marcus, Reinhard,

bedankt foyr Jouwn Anters.

Marcus:

Villicht schusst du man Reinhard seggen, dat he <
http://www.lowlands-l.net/history/meibohm_hadeln.php> ännern schall, dat
sütt nu meist so ut - mit "By Jonny Meibohm" un "Low Saxon: Cumbarg
(Cuddeldutt) / De Wingst" - as wenn du dor den Naam sülvst bruukst.
Naja - wat Kaodenbarg in 'n Spoß sou nömt ward, dat weyt 'ck ouk all langer.
Man - dat nu tou 'n "offiziellen" Naomen tou maoken, is 'n anner Piep Tobak.
Ick hebb natörli' all mit 'n paor Lüü' ut de Gemeynt' daoröber snakkt, un'
de Meynen sünd van "grouden Schiet" bit "hett all jümmer sou heyten". Fraog
ick de, de daor-foyr sünd, aobers, wat man in ennig Platt ne ouk
'K(a)odenbarg' seggen kunn, seggt ouk nümms nee.

Aver wi köönt dat Woord "Kumbarg" /noch/ wieder trüchverfolgen. 1936 hebbt
se för dat "Niedersächsische Wörterbuch" en Ümfraag maakt. Op de Fraagbagens
hebbt se ok na de plattdüütschen Naams von de Öörd fraagt. Disse Fraagbagens
sünd jümmer von Minschen mit Plattdüütsch as Moderspraak, de ok in disse
Öörd boren sünd, utfüllt worrn. Un as disse Fraagbagen 1936 trüchkamen is,
hett dor "Kumbarg, Kombarg" opstahn.

Van 1936 bit vandaog, vergleken mit bummelig dusend Joahr'n
Ourts-Geschichte, dat dücht mi ne veel tou ween.
Fraog inns anner Lüü, de ouk uns Platt snakkt, man ne ut Kaodenbarg ellers
Ümliggend kaomt, woans dey dat Wourd 'Cadenberge' öbersetten deyhn.
Kann 'n sick waohrhafti' foyr Platt as meenschoppliche Spraok van
Nourd-Düütschland insetten un' denn liekers elke 'Micro-Dialekt', de (kiek
nao ünnen) man jüst theoreet'sch moyglich is, /offiziell/ staohn laoten? As
'n Minschen, de eyn Spraok bewaohr'n will, mutt ick ouk mitünner
*geygen*touveel Lütt-Lütt ween können.
Man, wat hebbt wii Plattdüütsche 'n Sott, wat dat Houghdüütsch geben deiht
;-)!

Reinhard:

Man dat stimmt, dat ’t tominnst theoreetsch stimmt, wat de Phonologie is.
Kadenbarg > *Kaanbarg > *Kanbarg > (Labialassimilierung) * Kambarg >
(Labialassimilierung) *Kombarg > (nds. Hebung) *Kumbarg
Hmm - dat haar 'ck ne gloyvt. "Vox populi, vox dei" ellers doch "vox populi,
vox Rindvieh" ;-)?

Ick segg' man blout: Babylon!

Allerbest!

Jonny Meibohm
Lower Saxony, Germany



==============================END===================================

 * Please submit postings to lowlands-l at listserv.linguistlist.org.

 * Postings will be displayed unedited in digest form.

 * Please display only the relevant parts of quotes in your replies.

 * Commands for automated functions (including "signoff lowlands-l")

   are to be sent to listserv at listserv.linguistlist.org or at

   http://linguistlist.org/subscribing/sub-lowlands-l.html.

*********************************************************************
-------------- next part --------------
An HTML attachment was scrubbed...
URL: <http://listserv.linguistlist.org/pipermail/lowlands-l/attachments/20100222/3f5aabd5/attachment.htm>